Ịjọọnụ 12:1 - IWE ỌNỊNỊ

¹ Ọ mẹ̀ sị vọ ẹkụhị ịhịnọnyị dị à rị Eche Ọyịparahu, dị Ijeesu rẹ vẹ Ịbẹtanị nị. Ịzọọ Ị́rasarụsị oni Ijeesu ha hụụnị isu ra nị.

Ịjọọnụ 12:1 Referans Kwoze

Iruuku 24:50

Dị Ijeesu sị wa jịnẹ hụụnị ẹkụra huuu na ngụ oze Ịbẹtanị nị; dị ọ sị ụvọ tụ́ ẹba, dị ọ mẹ̀ aduwa yị wa nị.

Ịjọọnụ 12:20

 nyị Anigiriki ẹnyị ịnị aza ana vẹ ka ẹnị ẹ̀ va mẹ ahẹkẹ ini eche ọnọọ.

Ịjọọnụ 11:55

Eche Aniju ana aā hị́ Eche Ọyịparahu ee vee tù. Dị aza ọrụrụ-ọrụrụ hụrẹ ẹkụra ẹnịnị, dị ẹ hịrẹ nọ Ijerusarẹmị ka ẹnị ẹ̀ na mẹ̀ ido ọyị mẹ ẹngụ ẹnịnị nị (anka ọda mẹ̀ kà a), di eche ò ve tù.

Ịjọọnụ 11:1

 nyị ọnọrụ ọnya aanị ana aā hị́ Ịrasarụsị, ẹnẹ ẹngụ aa zị. Ẹkụra Ịbẹtanị ọ ra nị. Ịzọọ ọ vị ẹkụra Imeri ọnịrị onyeyiza anị Ịmata nị.

Imatiwu 21:17

Dị ọ hụrẹ ịdị ẹnịnị, dị ọ nọ ịnị ẹkụra Ịbẹtanị, dị ọ na sụ̀ ịzọọ nị.

Ịjọọnụ 11:44

Dị ọza ọnọọ ene vịdị wusu jịnẹ vẹ, a mẹ̀ yị sị ịta sụ́ ọ ahụ ọnịrị ụvọ nị. Eyi anị vị ana a rẹ sị ịta para. Dị Ijeesu ka, “Ngwa a nịnị, dị ọ̀ọ na!”

Ịmaakị 11:11

Dị Ijeesu na ngụ Ijerusarẹmị, dị ọ ngụ ini irehi Ohomorihi, dị ọ tangwa re avaba ịsa chẹrẹkẹ nị. Agụvị ka ọyị ộ ta, dị ọnịrị ezirẹma anị si hu aa nọ Ịbẹtanị nị.

Iruuku 7:37

 nyị ọnẹẹ ọnya aanị ịnị ẹkụra ọnọọ, ana ahịka ọsẹrẹka ọ vị nị. Ộ wụ́ ka Ijeesu yà ini eehi Anihwarisi ọnọọ aa rị ịsa. Dị ọ sị eturare ohihi ijogo ọnya vẹ nị.

Ịjọọnụ 11:43

Ịjị ọ vavọọ sị kà, di o nowu tụ́ ẹba nị, dị ọ ka, “Ịrasarụsị! jịnẹ vẹ!”

Ịjọọnụ 12:9

Aniju ọrụrụ-ọrụrụ ẹ sị yẹ ka Ijeesu yà ịzọọ. Dị ẹnịnị nọ ịzọọ nị, ẹ yị vị agụvị Ijeesu kẹnẹ, ama e re yee sì ka eni è re Ịrasarụsị oni Ijeesu ha hụụnị isu.

Ịjọọnụ 12:12

Eyinẹhẹ anị, ọkọnị aza ana va rị eche, ệ wụ́ ka Ijeesu aa vẹ Ijerusarẹmị.