Ịjọọnụ 11:43 - IWE ỌNỊNỊ

⁴³ Ịjị ọ vavọọ sị kà, di o nowu tụ́ ẹba nị, dị ọ ka, “Ịrasarụsị! jịnẹ vẹ!”

Ịjọọnụ 11:43 Referans Kwoze

Odeyi 9:40

Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.

Odeyi 9:34

Dị Ipita kà a yọ ka, “Eniyasi, Ijeesu Ikirisiti ọ sị wụ mẹ ụkụ booro aanị. Kwẹẹtẹ we tenyi ẹngụ awụ!” Obooboro, dị Eniyasi kwẹẹtẹ nị.

Odeyi 3:12

Ípita mè re wa, di o nyima aa kà a yị wa ka, “Ẹwụ nịnị Anisirẹrị, sị ẹ vẹ dị ọ maanị ee hí wu eyi nịnị? Sị ẹ vẹ dị ụ maanị ee re yi nịnị? U wéé ro ka ụkata ayị, à vị ka yâ da nị chẹngụ, ị sị mẹ ka ọnọrụ ọnọnị ọ̀ọ zị ụsẹ nị?

Odeyi 3:6

Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!”

Ịmaakị 4:41

Angwa ô hí wa ẹtẹẹtẹrẹ, dị ẹyaa kà a yị ẹngụ ka: Ẹngụ ọza ịsị ẹ vị ọnọnị ana ahị ọnịrị irehu raa wụ́ụ chire bẹẹ aanị?

Ịjọọnụ 11:42

Ma rẹ yẹ ka ụụ̄ sị ụtọọ tụ́ ịnị ịrẹyị amị pooro nị Ọsọnị vị ọnị maa kà, agụvị aza ana jẹẹ ịzẹnị aanị, dị ẹ̀ zụ dọ wụ́ ka ẹwa tụ́ mị vẹ ẹhẹ nị.”

Ịjọọnụ 11:44

Dị ọza ọnọọ ene vịdị wusu jịnẹ vẹ, a mẹ̀ yị sị ịta sụ́ ọ ahụ ọnịrị ụvọ nị. Eyi anị vị ana a rẹ sị ịta para. Dị Ijeesu ka, “Ngwa a nịnị, dị ọ̀ọ na!”

Ịjọọnụ 12:1

Ọ mẹ̀ sị vọ ẹkụhị ịhịnọnyị dị à rị Eche Ọyịparahu, dị Ijeesu rẹ vẹ Ịbẹtanị nị. Ịzọọ Ị́rasarụsị oni Ijeesu ha hụụnị isu ra nị.

Ịjọọnụ 12:9

Aniju ọrụrụ-ọrụrụ ẹ sị yẹ ka Ijeesu yà ịzọọ. Dị ẹnịnị nọ ịzọọ nị, ẹ yị vị agụvị Ijeesu kẹnẹ, ama e re yee sì ka eni è re Ịrasarụsị oni Ijeesu ha hụụnị isu.