Ịjọọnụ 11:42 - IWE ỌNỊNỊ

⁴² Ma rẹ yẹ ka ụụ̄ sị ụtọọ tụ́ ịnị ịrẹyị amị pooro nị Ọsọnị vị ọnị maa kà, agụvị aza ana jẹẹ ịzẹnị aanị, dị ẹ̀ zụ dọ wụ́ ka ẹwa tụ́ mị vẹ ẹhẹ nị.”

Ịjọọnụ 11:42 Referans Kwoze

Ịjọọnụ 3:17

Ẹ yị vị Ohomorihi tụ́ Ozi anị vẹ ẹhẹ ka ọ̀ va jị ịvị yị anẹhẹ. Vị ọ ka ọ̀ va dọ anẹhẹ há nị.

Ịjọọnụ 17:21

Maa mẹ̀ aduwa ka avaba ẹnịnị ẹ̀ zụ vị ọnya, anka ẹ́mịrị ẹwụ ana vị Ada amị mẹ̀ vị ọnya, dị ị vabẹ. Ẹnịnị ẹ̀ rẹ vavọọ zụ vabẹ beri yi, agụvị dị anẹhẹ ẹ̀ zụ dọ wụ́ ka ẹwa tụ́ mị vẹ ẹhẹ nị.

1 Ịjọọnụ 4:14

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 17:25

Ọga, wâ nyị ịzẹyịza, anẹhẹ ẹ̀ yị yẹ wụ. Ama ẹmị â yẹ ẹwụ, ẹnẹnị ẹnị ẹ rẹ sị yẹ ka ẹwa tụ́ mị vẹ ẹhẹ nị.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ịjọọnụ 11:22

Ama mâ yẹ ka booro aanị, ịsị ụ wàa dá ịpẹ ka Ohomorihi ọ̀ mẹ wụ kẹnẹ, ọ raa mẹẹ wụ nị.”

Imatiwu 26:53

Wéé ro ka mẹ yị nyẹngụ kà a yị Ada amị, dị ọ kụ́ ọkọnị anggẹẹrị nịnị va mị booro aanị?

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Ịjọọnụ 11:31

Ịjị Aniju nịnị ene hi ini eehi aa sị ayị Imeri nẹtẹ, vavọọ re ka Imeri ọ wụsẹ kwẹẹtẹ jịnẹ nọ ẹhẹ, dị ẹnị raa dụ ọọ na nị. Dị ẹnịnị ka vị aa naa jị òrèrè ini ikuta nị.

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Ịjọọnụ 8:29

Ọza ana tụ́ mị vẹ ẹhẹ yàa mị ịrẹma. Ọ yị navọ ẹmị ịnya tịtẹ, agụvị ka ịsa ene zé e eyi mịị̄ mẹ pooro nị.”

Ịjọọnụ 8:16

Màa daka aa mẹ̀ ọkarẹyị, ọkarẹyị ẹmị vị ịzẹyịza, agụvị ka ẹ yị vị ẹmị ịnya aa mẹ̀ ẹ. Ẹmịrị Ada amị ana tụ́ mị vẹ ẹhẹẹ yọ nị.

Ịjọọnụ 11:43

Ịjị ọ vavọọ sị kà, di o nowu tụ́ ẹba nị, dị ọ ka, “Ịrasarụsị! jịnẹ vẹ!”

Ịjọọnụ 12:11

Agụvị ịrẹyị Ịrasarụsị, Aniju ọrụrụ-ọrụrụ aa hụụ ịdị ẹnịnị, ẹ yaa sị ayịị tụra Ijeesu.

Ịjọọnụ 12:17

Aza ana yà pe Ijeesu, ọ mẹ̀ hị́ Ịrasarụsị jịnẹ hụụnị ikuta dị ọ ha a hụụnị isu, ệ kà a zụ̀ aza ana vọ.