Ịjọọnụ 11:26 - IWE ỌNỊNỊ

²⁶ Ọza ana àa vavọọ yàra, o mē vene kuku sú paa, agụvị ka ọ raà sị ayị tụra mị. Wáá dọ ịrẹyị ọnọnị wụ́?”

Ịjọọnụ 11:26 Referans Kwoze

Ịjọọnụ 10:28

Maa mẹ ka ẹnịnị ẹ̀ yàra pooro zịna-zịna; e mē vene vu ẹtẹ paa, ẹ yị nyị ọza ana rẹ nyẹngụ dọ wa hụrẹ mị ụvọ.

Aniroomi 8:13

Wàa mẹ̀ ebira anka ọchẹngụ awụ nịnị mè sì kẹnẹ, isu aa za a ịrẹsụ nị. Ama wàa zị oze ịnị ụvọ Ụhwẹ Ohomorihi sị ịsa edivi ọnị ọchẹngụ awụ nịnịị̄ sì tịtẹ saka-saka, ụ vaa yàra nịnị pooro zịna-zịna.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Ịjọọnụ 14:10

Aanịka wẹ yị dọ wụ́ ka ẹmịrị Ada amị vị ọnya, ka ẹmị rị ọọ vị ana vabẹ? Ịrẹyị ọnị maa kà a wụ nịnị avọọ, ẹ yị vị ẹmị ụvọta aa dà a kà. Ada amị ẹnẹ ẹmịrịị vị ọnya aa mẹ̀ ụkọrọ anị nị.

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Imatiwu 9:28

Ịjị ọ va sị ngụ ini eehi, di ogweyi ẹnẹẹ ve tù ọ nị. Dị Ijeesu kà a yị wa ka, “Wáá dọ wụ́ nịnị ka ma zụ mẹ ọsọnị?” Dị ẹ kà a yọ ka, “Hịịn, Ananyị yị.”

Ịjọọnụ 9:35

Ijeesu ộ wụ́ ka ẹ sị ọnọrụ ọnọọ dụ kwooze. Ịjị o re e, ộ họ̀ ọ use ka, “Wáá sị ayị tụra Ozi Ohomorihi?”

Ịmaakị 9:23

Dị Ijeesu ka, “Sị ụ waa kà kẹ, màa nyẹngụụ? Ọza ana àa sị ayị tụra mị, ọ nyẹngụ mẹ avaba ịsa bemi-bemi.”

Imatiwu 26:53

Wéé ro ka mẹ yị nyẹngụ kà a yị Ada amị, dị ọ kụ́ ọkọnị anggẹẹrị nịnị va mị booro aanị?

Ịjọọnụ 6:47

“Ịzẹyịza m maa kà a wụ nị, ọza ana àa sị ayị tụra mị, Ohomorihi ọ raà mẹ ka ọ̀ yàra pooro zịna-zịna da.