Ịjọọnụ 11:25 - IWE ỌNỊNỊ

²⁵ Dị Ijeesu kà a yọ ka, “Ẹmị ọnọnị ọọ̄ ha ọzaa hụụnị isu, dị mị rẹ mẹ ka ọza ọ̀ yàra nị. Ọza ana àa sị ayị tụra mị, ọ̀ọ daka sú, ọ vị vaa yàra pooro zịna-zịna.

Ịjọọnụ 11:25 Referans Kwoze

1 Anịtẹsaronika 4:14

Yáa dọ wụ́ ka Ijeesu ô sú, dị ọ rẹ varẹma ha hụụnị isu nị. Ya rẹ dọ wụ ka aza ana sị ayị tụra Ijeesu dị e vee sú, Ohomorihi vaa kụ́ ẹnịrị Ijeesuu vaa vẹ.

Ịjọọnụ 3:36

Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Ịjọọnụ 1:4

Ịrẹyị ọnọọ ọ mẹ ka ịsavị-ịsavị ẹ̀ yàra nị. Ọyịyàra ọnọọ aa sị ẹtohweyi zụ̀ aza nị.

Ịjọọnụ 5:21

Anka Áda amị mẹ̀ẹ̄ ha oku hụụnị isu, dị ọ mẹ ka ẹ̀ yàra, avọọ gẹdẹ-gẹdẹ ẹ́mị Ozi anị ọnị mẹ̀ rẹẹ̄ mẹ ka aza oni mèe sì, ẹ̀ yàra nị.

Ịjọọnụ 6:44

Ẹ yị nyị ọza ana nyẹngụ ká mị vẹ, ẹ̀ yị vị Ada amị ana tụ́ mị vẹ ẹhẹ tura a vẹ. Ọ̀ọ vẹ, dị mị haa hụụnị isu ịnị ẹkụhị ọdịrẹma.

Ayịsaya 26:19

Aza ayị ene sú rẹ vana vaa yàra. Ẹnịnị vaa haa kwẹẹtẹ. Ẹwụ nịnị avaba aza ene hi ini ikuta vaa haa kwẹẹtẹ dị ẹ yaa jị ahẹ ịrajẹ. Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.

Aniroomi 8:2

Ị mẹ̀ kụkụ yà ịnị ụvọ Ụhwẹ Ohomorihi aanị, ọ raà mẹ ka ẹyịrị Ikirisiti ọ̀ vị ọnya, dị ya yàra obooro. Ụhwẹ Ohomorihi ọnọọ ọ sị mị dọ hụụnị ụvọ ọda anaā sịị ọzaa mẹ ịvị, di o sú.

Ịjọọnụ 6:35

Dị Ijeesu ka, “Ẹma vị ịsọyịrị anaā mẹ ka ọza ọ̀ yàra booro nị. Ọza ana àa ká mị vẹ, ụngwẹ ọ mā vana kụ̀ ọ paa. Ọza ana àa sị ayị tụra mị, enyi ọ mā rẹ vana kụ̀ ọ paa.

Ẹtore 21:4

Ohomorihi vee nyee avaba ẹgọọ hụụnị eyi ẹnịnị. Ayị kụkụ vaa nyị iswọọza, ẹ yị nyị ayodu, àa vị orere. Ayị rẹ kụkụ nyị ịsị ẹ vaa zị ọza, agụvị ka ịsa ịyẹẹyẹ ẹ́ẹ ta saka-saka.”

Anihwiripi 3:10

Avaba ịsị mee sì ọ vị ka ma yẹ Ikirisiti, dị ma rẹ yẹ ụkata ana mẹ ka ọ̀ há hụụnị isu. Mi ree sì ka me beri ọ rị ụya, dị ma rẹ zụ nyị ẹngụ ayị ọnị Ikirisiti nyị o me sú.

Ẹtore 20:5

Oku ana vọ nịnị ẹ́ yị ha va yára pooro dị ịrayị akahị ọnọọ gụ. Ọnọọ ọ vị ịpaapa ana a ha oku nịnị hụụnị isu nị.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 5:26

Ada amị ọnị ụvọta ọ zụ mẹ ka avaba aza ẹ̀ yàra nị. Avọọ ọ mẹ̀ rẹ mẹ ka Ozi anị ọnị ọ̀ rẹ zụ mẹ ka avaba aza ẹ̀ yàra nị.

Ahẹ Ụgama 36:9

Ẹwaā mẹ ka avaba ịsa ẹ̀ zụ yàra nị Etohweyi ọnị ụ sị yị ọ mẹ ka yee re ẹtohweyi nị.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!

Ịjọọnụ 14:19

Òo nee kù chee, anẹhẹ e yi kuku vee re mi. Ẹwụ nịnị vee re mi. Mị yàra, ẹwụ nịnị rẹ vaa yàra bẹẹ.

Ayịsaya 38:16

Ananyị yị ẹwụ kẹnẹ mị vaa ra yị nị, ẹwụ kẹnẹ ọ vị ẹhẹ amị nị. Navọ wa mẹ mị ụkụ, dị wa navọ ka ma yara.

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

2 Anịkọrịntị 4:14

Yâ yẹ ka Ohomorihi ana ha Ananyị yị Ijeesu hụụnị isu, rẹ vaa ha ẹyịị hụụnị isu beri Ijeesu. Dị ọ sị ẹyịrị ẹwụ nịnị na tụ́ ọvịdị anị.

Aniroomi 4:17

 vịdị maanị chẹrẹ ẹ tụ́ ini Iwe Ohomorihi. (Ohomorihi ka): Ọnị ọ raà sị Abụrahamị vị ada ẹkụra ọrụrụ-ọrụrụ. Ini eyi Ohomorihi ana Abụrahamị sị ayị tụra Abụrahamị ọ vị ada ayị nị. Ohomorihi ọọ̄ ha oku nịnị ị kwẹẹtẹ hụụnị isu nị; ọọ̄ mẹ̀ ọda dị ịsa ẹnẹ ẹ̀ yị vịdị yà ịzọọ, dị ọ kụkụ yà ịzọọ.

Iruuku 23:43

Dị Ijeesu kà a yọ ka, “Ịzẹyịza m maa kà a wụ nị, ajịnị ụ waa yà pe mi ịnị Aha Ọyịza nị.”

1 Anịkọrịntị 15:29

Si u re ro ịnị ịrẹyị ọnọnị nịnị? Â nyị aza ẹnyị ana mẹ ọyịhwenyi yị agụvị ọza ene sú. Àa vị ka oku nịnị ẹ mā yaanị ha hụụnị isu, sị ẹ vẹ dị aza ẹnẹẹ̄ kà a ka vị ẹnị aa mẹ̀ ọyịhwọzenyi agụvị aza ene sú nị?

1 Anịkọrịntị 15:18

Ọnị ọ rẹ yaanị vị ka aza ana sị ayị tụra Ikirisiti dị e sú, ka vị ẹ ta avọọ nị.

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.