Ịjọọnụ 11:24 - IWE ỌNỊNỊ

²⁴ Dị Ịmata ka, “Mâ yẹ de, ka ọ vaa haa hụụnị isu ịnị ẹkụhị ọdịrẹma ana avaba aza vaa haa hụụnị isu.”

Ịjọọnụ 11:24 Referans Kwoze

Odeyi 24:15

Ẹma rẹ nyị ọyịtureyi ini Ohomorihi, anka ẹ́nị mẹ̀ rẹ nyị, ka oku nịnị vaa haa kwẹẹtẹ hụụnị isu, ọnọọ vị ka oku ọnịzẹyịza ọnịrị oku aza ẹnẹ ẹ̀ yị vị ọnịzẹyịza.

Ayịsaya 26:19

Aza ayị ene sú rẹ vana vaa yàra. Ẹnịnị vaa haa kwẹẹtẹ. Ẹwụ nịnị avaba aza ene hi ini ikuta vaa haa kwẹẹtẹ dị ẹ yaa jị ahẹ ịrajẹ. Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.

Iruuku 14:14

Ịjọnọọ Ohomorihi vaa mẹ ka waa jẹ, agụvị ka aza ẹnẹẹ e yi zụ sí wu atọ. Ịhị ọnịrẹyịzẹyịza nịnị ẹ̀ẹ ha hụụnị isu, Ohomorihi vee sí wu atọ.”

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Ihoseya 6:2

O yi vee ku dị Ẹnẹyịmavara ọ va ẹnị nọ udi ẹnịnị agụvị dị ẹnị ẹ ra di oo re wa.

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ayịsaya 25:8

Ọ mā vana zẹẹ ka ọza ò sú paa Ẹnẹyịmavara ana vi ohinọyị ọ yị kụkụ vaa zẹẹ ka ọza ò re ịrẹyị orere. Ọ yị rẹ kụkụ vaa zẹẹ ka ụhị ọ̀ vana nyị aza anị ịnị ẹhẹ. Ẹnẹyịmavara kà ọnị ọ kà avọọ nị.

Anihiburu 11:35

Anyẹnẹẹ ẹnyị ê re ka aza ẹnịnị ene vịdị sú, ẹ sị ha hụụnị isu và ká wa vẹ. Â sị ụya rị aza ẹnyị ẹtẹẹtẹrẹ, ẹ yị dọ ka à hụrẹ ẹnị ụvọ, agụvị ka eyee zí eyi ka ẹnị vaa haa kwẹẹtẹ dị ẹnị ẹ̀ ngụ ịnị ẹhẹ ene zoza hu aanị.

Ịjọọnụ 6:39

Ịsị ọza ana tụ́ mị vẹ ẹhẹ sì ka ma mẹ, yị: ka avaba aza ọnị ọnị kụ́ chire mi ụvọ, asa a nyị ikonya oni mi vú; ama dị ma ha wa hụụnị isu ịnị ẹkụhị ọdịrẹma.

Ịjọọnụ 6:40

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

Ịjọọnụ 11:23

Dị Ijeesu kà a yọ ka, “Ẹnẹbẹnị awụ vaa haa hụụnị isu.”