Ịjọọnụ 11:19 - IWE ỌNỊNỊ

¹⁹ Aniju ọrụrụ-ọrụrụ ệ vẹ ịdị Ịmata ọnịrị Imeri ka ẹnị ẹ̀ na sị ayị ẹnịnị nẹtẹ agụvị ẹnẹbẹnị ẹnịnị ene sú.

Ịjọọnụ 11:19 Referans Kwoze

Ijoovu 2:11

Ijoovu ọ̀ nyị ọta ẹẹta ẹnị ịrẹha ẹnịnị rị Erihwazi ana vị Anitemani ọnịrị Ibiridadi ana vi Anisuhi ne beri Izohwa ana vi Aninaama. Ịjị ọnị ẹnịnị wụ́ ịrẹyị ene tu Ijoovu, ẹnịnị ê gẹ eyi ka ẹnị ẹ̀ va kụ ọ, dị ẹnị ẹ̀ sị ayị nẹtẹ.

Ịjọọnụ 11:31

Ịjị Aniju nịnị ene hi ini eehi aa sị ayị Imeri nẹtẹ, vavọọ re ka Imeri ọ wụsẹ kwẹẹtẹ jịnẹ nọ ẹhẹ, dị ẹnị raa dụ ọọ na nị. Dị ẹnịnị ka vị aa naa jị òrèrè ini ikuta nị.

1 Anịtẹsaronika 5:11

Agụvị avọọ, waa sị ayohunẹnẹẹ yị ẹngụ nịnị, dị ụ waa gụ ẹngụụ ụvọ nịnị, anka ụ màa yịị mẹ nịnị aanị.

1 Anịtẹsaronika 4:18

Agụvị avọọ, waa sị ịrẹyị ẹnẹnịị hunẹnẹ ẹngụ ayị nịnị.

2 Anịkọrịntị 1:4

Ohomorihi ee hunẹnẹ yị ayị ịnị avaba ụyọrị ayị, agụvị ẹ̀ ya rẹ zụụ sị ayohunẹnẹ oni Ohomorihi sị yị, dị ya sịị yị aza ana àa rị ụya.

Aniroomi 12:15

Aza ana àaa jẹ, wee pe waa jẹ nịnị! Aza ana àaa raa jị òrèrè, we ree pe waa jị òrèrè nịnị.

Arụwẹ 2:13

Hoo! Anijerusarẹmị ana a maanị sì ịrẹyị anị. Sị mị nyẹngụ kà? Sị mị zụ sị ayị awụ nịnị nẹtẹ aanị? Ẹ yị nyị ọza ana maanị rị ẹngụ ụya ọnọnị da o. Ịrẹyị odivi ene tu wụ aanị ọ sị dẹngụ baaba. Ẹ yị nyị eyọtụra vụrụ-vụrụ?

Arụwẹ 1:21

Wụ́ ị maa jị òrèrè, ama ẹ yị nyị ọza ana vọrọ ka ọ sị ayị amị nẹtẹ. Avaba ọnịvị ayị ẹ raà wụ́ ẹngụkata ọnị Ẹnẹyịmavaraene kụ tu yị dị ẹ yaa jẹ ka ọ yara mẹ nị. Ẹnẹyịmavara sị ẹkụhị ọnị ụ wo oto vẹ, dị ọnịvị ayị nịnị ẹnị ẹ rẹ maanị rị ụya ọnọnị.

Arụwẹ 1:16

Ịsị ẹ vị iruvo ọnị maa sịị jị òrèrè dị ẹgọ ee si ịnị eyi amị yị. Ẹ yị nyị ọza ana zụ sị ayị amị nẹtẹ vụrụ-vụrụ. Ẹ yị nyị ọza ana zụ hụ́ mị ayọvị. Ụvọ ọnịvị ayị ọ sị kara ayị; ẹ sị yị tụ avosusu.

Arụwẹ 1:9

Ebira odivi ẹnịnị vana aza ee re chapaa, ama ẹnịnị é yi rò ịrẹyị ka sẹ vaa vị ọvavịrẹma anị kẹ. Agụvị avọọ ẹ maanị hyẹdụ divi-divi nị. Ẹ́ yị nyị ọza anaa sị wa ayị nẹtẹ vụrụ-vụrụ. Ụvọ ọnịvị ẹnịnị o ku wa, dị ẹ kụkụ e nowu ka Ẹnẹyịmavara ọ̀ vayị ẹnịnị nị.

Arụwẹ 1:2

Avaba ịrahụ vị ọnị Anijerusarẹmị aa jị òrèrè dị eyi ẹnịnị vị ẹgọ-ẹgọ. Ịnị avaba aza ẹnị ẹnịrịị vịdị vị ọta ẹ́ yị va nyị ikonya ana va sị wa ayị nẹtẹ. Avaba aza ọnị ọnịrịị vịdị zee vi ene vene e, dị ẹ varẹma kụkụ kwẹẹtẹ tu wa nị.

Ijoovu 42:11

Avaba ẹyịnyara Ijoovu, anọrụ ọnịrị anẹẹ ne beri ọta anị nịnị ê ve pe e jẹ ịrajẹ ịda anị di e dudu rị ịsa vabẹ nị. Dị ẹ yaa zị ẹngụ yi ọ ịnị avaba odivi ọnị Ẹnẹyịmavara kụ́ tu ọ. Dị ọzọza sị ẹkẹhị ọnịrị igooru mẹ̀ ẹ ẹyịza nị.

2 Ịsamụwẹrị 10:2

Di Idevidi ve ro o ka ọnị aa naa mẹ ayamvaa yị Ihanuni ọnọọ nị. Ihanuni vi ozi Inahasi. Idevidi kà Inahasi ada Ihanuni ọ rẹẹ̀ vịdị mẹ ayamva yị ọnị da. Di Idevidi va tụ́ aza ka ẹ̀ na kụ́ Ihanuni nyaarị ọ agụvị ada anị ene sú nị. Ịjị aza ọnị Idevidi vavọọ tụ́ na sị ngụ ẹtẹ Anamọnị,

Oyinyima 37:35

Avaba ezi anọrụ anị ọnịrị ezi anẹẹ anị ệ sị vụrị ka ẹnị è ji ọ ùnè, ama ọ yị zẹẹ ka oni ò kú irenu. Ọ kà, “Aanị ọnị maa jị òrèrè ozi anị pooro di ọnị ò ne tù o ini eku nị.” Avọọ ada Ijosẹẹhụ mè jị òrèrè anị nị.

Ayịsaya 51:19

Ịrẹyị odivi oze ẹẹva ọ raà ngụ tu wu. Ịrẹkụ ọnịrị ụngwẹ o reè vu aza awụ ẹtẹ. Ẹ yị nyị ọza ana zụ sị wụ ayị nẹtẹ.

Ịrẹyị Ọzwọzịsa 7:2

Ọza ọ̀ọ nọ ịzị a yaa zị ẹngụ ọza ene su ọ zoza hu ka ọ nọ ịzị a yaa aa rị eche nị; ọza ana yara ọ tamayị ka ẹkụhị aa vẹ ọnị ọzọza vee su.

1 Ịsamụwẹrị 31:13

Dị ẹ varẹma kụ́ ẹchụkụ ẹnịnị, di e ne e tụ́ iruvo ọchị itamarisiki ana yà Ijabesi nị. Dị ẹ jị òrèrè ẹnịnị dị ẹ̀ yị rị ịsa mẹ ẹkụhị ịhịmba nị.

1 Ịtọpa 10:12

dị ẹnị ana ayị anị vị hu keekere ne sị oku Ịsọọrụ ọnịrị oku ezi anị, dị ẹ kụ wa vẹ Ịjabẹsị nị. Ẹnịnị ê ne wa hi iruvo ọchị ana aā hị́ ooki, dị ẹ ba awẹ ẹkụhị ịhịmba yị wa nị.

Iruuku 10:39

Ọnẹẹ ọnọọ ộ nyị ọyịnyara ọnya ana aā hị́ Imeri; dị ọ yaayịtẹ pe Ijeesu, di aa wụ́ ịrẹyị anị nị.

Iruuku 10:42

 nyị ịsa ọnya chọchọchọ anaa vọrọ ka ya nyị; ịsa ana vọrọ ọnọọ, Ímeri nyị aanị nị. Ọza ọ yị vaa dọ ọ hụrẹ ẹ ụvọ.”

Ịjọọnụ 1:19

Aniju nịnị ene hi Ijerusarẹmị ệ tụ́ ohirẹsụ irehi Ohomorihi ẹnyị ọnịrị Anireevi nịnị ne tù Ịjọọnụ. Ẹ ka ẹ̀ họ̀ Ịjọọnụ ka ẹnẹ ọ vị ana vị da.

Ịjọọnụ 11:1

 nyị ọnọrụ ọnya aanị ana aā hị́ Ịrasarụsị, ẹnẹ ẹngụ aa zị. Ẹkụra Ịbẹtanị ọ ra nị. Ịzọọ ọ vị ẹkụra Imeri ọnịrị onyeyiza anị Ịmata nị.

Ịjọọnụ 11:8

Dị ezirẹma anị ka, “Ọga, wáá kụkụ yẹ ka Aniju nịnị vị ene ee sì ka eni è ne wu ịrẹta ịzọọ ịhị ọnọọ? Ụ kụkụ raa nọ ịzọọ?”

Ịjọọnụ 11:33

Ijeesu ô re, Ímeri màa jị òrèrè, dị Aniju ana saasa a vẹ ẹnị raa jị òrèrè bẹẹ. Ịrẹyị ọnọọ ộ kanyị Ijeesu ẹnẹmẹhị, dị ọ zị ọọ ẹngụ ẹtẹẹtẹrẹ nị.

Ịjọọnụ 11:36

Dị Aniju nịnị ka, “Wée re, ộ da sì ịrẹyị anị kẹnẹ!”

Ịjọọnụ 11:45

Aniju ọrụrụ-ọrụrụ ana vẹ ịdị Imeri, di e re ịsa oni Ijeesu mẹ, ệ sị ayị tụra a.