Ịjọọnụ 11:11 - IWE ỌNỊNỊ

¹¹ Ịjị Ijeesu vavọọ sị kà, dị ọ rẹ kà a yị wa ka, “Ịrasarụsị ọta ayị aa sụ ara. Ama maa na, dị ma na ha a ara.”

Ịjọọnụ 11:11 Referans Kwoze

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Ịjọọnụ 11:13

Ịsị Ijeesu sị ịrẹyị ọnọọ kà, ọ vị ka Ịrasarụsị ô wusu nị, ama dị ezirẹma anị ene ro o ka ara obooro íjeesu aa kà nị.

1 Anịtẹsaronika 5:10

Ijeesu ọnọọ ô sú yị ka, yèe sú yàa yára, ẹyịrị ọnị ò dudu zụ ra vabẹ.

1 Anịkọrịntị 15:51

Sị ụtọ pe ẹtẹ, dị ma kà ịsa ọnya ana nyịnẹ wụ nịnị! Avaba ayị o yi vee sú; ama a vaa vara avaba ayị ẹngụ

Odeyi 7:60

Di o ku ẹtẹ, di o nowu tụ́ ẹba dị ọ ka, “Ananyị yị, asị ụ sị ịvị ịrẹyị ọnọnị tụ́ wa ọrọkọ!” Ịjị ọ maanị sị ọọ kà, di o sú nị.

Imatiwu 27:52

Ikuta nịnị ệ há irenu, ọrụrụ ịnị aza Ohomorihi ene sú, ệ ha kwẹẹtẹ,

Anẹhwẹsọsị 5:14

Ịsị ẹ̀ẹ sị ngụ ịnị ịnọyị-ịnọyị, ịrẹyị ẹtohweyi ọ kụkụ vị nị. Agụvị avọọ a kà a ka, “Ẹwụ ana aa sụ ara, wa ha! Ha hụụnị isu, Ikirisiti vaa sị ẹtohweyi yị wụ!”

Ịmaakị 5:39

Ịjị ọ sị ngụ ini eehi ọnọọ, dị ọ kà a yị wa ka, “Sị ẹ vẹ dị ụ maanị ee nowu nịnị, dị ụ waa jị òrèrè nịnị? Ozi ọnẹẹ ọnọọ o yi sú, ama vị aa sụ ara nị.”

Imatiwu 9:24

Dị ọ kà a yị wa ka, “Sị oze tịtẹ nịnị, agụvị ka ozi ọnọọ o yi sú, ama vị aa sụ̀ ara nị.” Dị ẹyaa sị ọọ mẹ enyinyi nị.

Ọyịkụra 33:11

Ẹnẹyịmavara vị anaā kà ịrẹyị yị Imosiisi eyi gẹrị eyi anka ọza ọnịrị ọta anị mẹ̀ẹ kà ịrẹyị avọọ. Di Imosiisi rẹ varẹma nọ udi anị. Ama Ijosuwa ozi Inuni ana vị ozweyi ana aa zị Imosiisi ụtụ ọnị ọ mā hụụnị ajẹngụ ọnọọ.

Ijemiisi 2:23

Avọọ ịrẹyị ana chẹrẹ tụ́ ini Iwe Ohomorihi, mẹ̀ sẹ nị. Ịrẹyị ọnọọ ka: Abụrahamị ộ sị ayị tụra Ohomorihi, agụvị avọọ dị Ohomorihi za ịrịka tụ́ ịnị ọnịrẹyịzẹyịza nị; dị a kụkụ aa hị́ ọ ọta Ohomorihi nị.

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

1 Anịkọrịntị 15:18

Ọnị ọ rẹ yaanị vị ka aza ana sị ayị tụra Ikirisiti dị e sú, ka vị ẹ ta avọọ nị.

Ịjọọnụ 11:3

Dị ẹyịnyara Ịrasarụsị anẹẹ tụ́ na kà a yị Ijeesu ka, “Ẹngụ aa zị ọta awụ ọnị ụ maanị sì ịrẹyị anị, o.”

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Ayịsaya 41:8

Ama ẹwụ Isirẹrị ozi ahụ amị, ẹwụnị ezi Ijekọvụ ọnị Ẹnẹyịmavara nyị̀, ana vị evere Abụrahamị ọta amị.

2 Ịtọpa 20:7

Ọnị ọ vị Ohomorihi ẹnịnị ịjị aza anị Anisirẹrị ngụ ịnị ẹtẹ ọnọọ dị ộ dụ aza ene hi ịzọọ jịnẹ tụ́ ẹhẹ yị evere Abụrahamị ana vị ọta anị, dị ụ sị yị wa ka ọ vị ẹnịnị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 31:16

Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.

2 Ohinọyị 4:31

Igehazi ộ dọ ọvịdị, dị ọ sị okutẹ Erisa na tụra ozi ọnọọ nị. Ama ẹ̀ yị wụ́ ịsa ọnyọọnyị ịrẹyị. Ẹ yị rẹ nyị ịsị ẹ sị zụ ka ozi ọnọọ yara. Dị ọ va gẹrị Erisa, dị ọ ka, ozi ọnọọ ẹ yị ha kwẹẹtẹ o.

Ịjọọnụ 11:10

Ama aza ana àa zị ụsẹ ịrahụ, vị aa tụ́ ahụ nị, agụvị ka ẹnịnị ẹ yị nyị ịra.”

Ịjọọnụ 11:12

Dị ezirẹma anị ka, “Ananyị yị, àa vị aa sụ ara nị, ẹngụ anị vaa nịya.”