Ịjọọnụ 10:33 - IWE ỌNỊNỊ

³³ Dị Aniju nịnị tụ́ ọọ ohi, dị ẹ ka, “Yẹ yị hụ agụvị ụkọrọ ozoza ọnyọọnyị ne wu ịrẹta. Ama yee sì ka ye ne wu ịrẹta, agụvị ka waa kà ịrẹyị odivii hi Ohomorihi. Ọza rị ẹyị ị́rẹsụ kẹnẹ ụ vị nị, ama wee sì ka wa sị ẹngụ awụ vara Ohomorihi.”

Ịjọọnụ 10:33 Referans Kwoze

Ịjọọnụ 5:18

Agụvị avọọ dị Aniju ẹnẹẹ ee sì oze hu avọọ ka ẹnị ẹ̀ wụ ọọ nị, agụvị ka ẹ yị vị ọ jịnẹ ọda ẹkụhị ụhwọtụ kẹnẹ, ọ rẹ ka Ohomorihi ọ vị Ada anị nị, ọnọọ vị ka aa sị ẹngụ anịị pe Ohomorihi mẹ ọpa.

Ireevi 24:16

Ọza ana àa ka kẹnẹ-kẹnẹ chire ịrẹha Ẹnẹyịmavara vị ana á vaa wụ̀; avaba ịragụ ẹ̀ kụ̀ ọ ịrẹta. Àa vị ọzọga, àa vị ozi ẹtẹ ọ kà kẹnẹ-kẹnẹ chire ịrẹha Ẹnẹyịmavara nị, à wụ̀ ọ.

Ịjọọnụ 10:30

Ẹmịrị Ada amị vị ọnya.”

Anihwiripi 2:6

Ikirisiti vị ana yà anka Ohomorihi avọọ, ama ẹ yị sị ahụ kà aba ka ọnịrị Ohomorihi ọ̀ọ mẹ ọpa.

Aniroomi 13:1

Ọzọza ọ̀ ká ịrẹsụ hi yị aza ana aa mẹ ịjọva, agụvị ka Ohomorihi ọ sị wa tụ́ ịzọọ nị. Avaba aza ana sị ụvọ za ọda booro aanị, Ohomorihi ọ sị ọda ọnọọ yị wa nị.

Ahẹ Ụgama 82:6

Emi e si o ro ka wâ nyị ụkata nịnị, dị ẹmị aa hị́ ka avaba awụ nịnị vị ozi Ohomorihi ana yà ẹbẹẹba keekere nị.

1 Ohinọyị 21:10

Dị ụ kụ́ aza kẹnẹ-kẹnẹ ẹẹva pè Ịnabọtị, dị aza ẹnẹẹ è cheeche kú ọ ka ộ kụ̀ Ohomorihi ọnịrị ohinọyị ụhụ nị. Di ụ sị ọ jịnẹ tụ́ ẹhẹ, di è ne e ịrẹta dị à wụ ọ.”

Ireevi 24:14

Ọ̀ sị ọza ana kụ ọnị ụhụ aanị tụ ẹhẹ hụrị udi ẹnịnị. Avaba aza ana wụ ka ộ kụ ọnị ụhụ ẹ̀ sị ụvọ tụra a ịrẹsụ dị ẹ̀ dọ ivenu ka ộ rị ịvị. Ẹ̀ẹ vavọọ raa dọ ivenu, dị avaba anẹkụra ẹ̀ sị ịrẹta-ịrẹta wụ̀ ọ.

Ịjọọnụ 10:24

Dị Aniju nịnị wara gụ kara a, dị ẹ ka, “Ịzị u vị ene ee sì ka yaa jẹẹ ne tù? Àa vị ẹwa vị Ikirisiti ọnọọ nị, wẹ rẹ̀ kụkụ kà a yị gedebee!”

Ịjọọnụ 10:32

Dị Ijeesu ka, “Ma raà mẹ̀ ụkọrọ ozoza-ozoza éyi awụ nịnị ana Ada amị sị ụkata mị ka ma mẹ. Ye re ana a vọrọ ka we si ne mi ịrẹta ịnị ụkọrọ ẹnẹẹ nịnị?”

Ịjọọnụ 19:7

Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”