Ịjọọnụ 10:3 - IWE ỌNỊNỊ

³ Ẹngụ ọza ọnọọ, ọza ene ee sere oze vaa na oze yọ. Atẹmẹ nịnị vaa wụ́ ọngwẹ anị, ọ màa hị́ wa ịrẹha, dị aa kụ́ waa nọ ẹhẹ.

Ịjọọnụ 10:3 Referans Kwoze

2 Itimoti 2:19

Ama yáa yẹ ka ịsị Ohomorihi reè si hi ẹtẹ ẹtẹẹtẹrẹ, ọza o yi kuku zụ zizi ọọ. Â maanị chẹrẹ ẹ tụ́ ọọ ka, “Ananyị yị ộ yẹ aza ana vị aza anị.” A rẹ chẹrẹ ẹ ka, “Ọza ana àa ka ọza Ananyị yị ọ́nị vị nị, ọ̀ sị ụvọ hụụnị ebira odivi.”

Ịjọọnụ 10:4

Ọ̀ọ raà kụ́ wa hi ẹhẹ, dị ọ tụ́ ọvịdị ẹnịnị, dị atẹmẹ anị aa dụ ọọ ịrẹma, agụvị ka ệ yẹ ọngwẹ anị.

Ịjọọnụ 10:16

Ma rẹ nyị atẹmẹ ọsa, ana ahịka e yi hi ini irehi atẹmẹ ọnọnị. Â nyị ka ma kụ́ wa vẹ, ẹnị rẹ vaa wụ́ ọngwẹ amị. Ọnya avaba ẹnịnị kụkụ vaa vị nị, ọza ịnya ọ vaa tẹsị ẹnịnị nị.

Ịjọọnụ 10:14

Ama ẹmị ụvọta ọ vị ọza anaā tẹsị atẹmẹ ẹtẹẹtẹrẹ nị. Mâ yẹ aza amị, dị aza amị ẹnị rẹ yẹ ẹmị nị,

Ẹtore 3:20

Re, mị jẹẹ enoze, maa sị ụvọọ ká na. Di mee pee rị ịsa, dị oni ree pe mii rị ịsa.

Ẹtore 7:17

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.

Aniroomi 8:30

Aza oni Ohomorihi sị nyị tịtẹ, dị ọ rẹ hị́ wa nị. Aza ọnọọ vavọọ hị́, dị ọ rẹ jị ịhị yị wa nyị. Aza ọnị ọ vavọọ jị ịhị yị, dị ọ rẹ sị ụbanyị yị wa nị.

Ịjọọnụ 6:45

Ọnịsẹ nịnị ệ chẹrẹ ẹ tịtẹ ịyẹẹyẹ ka: ‘Ohomorihi ọ vaa zụ̀ avaba aza ịsa nị.’ Avaba ọza ana àa wụ́ ịrẹyị Ada amị, dị ẹ rẹ kọsẹ ị́dị anị nị, ẹ vaa ká mịị vẹ.

Ịjọọnụ 6:37

Avaba aza ana Ada amị ọ̀ọ raà sị chire mi ụvọ, ẹ vaa ká mịị vẹ. Avaba aza ana àa ká mị vẹ, mẹ yị vaa dị waa varẹma;

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Ahẹ Isoromọnị 8:13

Yà ịnị ụbazị wa kà ịrẹyị dị ma wụ, ẹwụ ọnị mi sì ịrẹyị anị. Ọpọọpa amị ee zí ka ẹnị ẹ̀ wụ́ ịrẹyị awụ o.

Ọyịkụra 33:17

Dị Ẹnẹyịmavara kà a yị Imosiisi dị ọ ka, “Ịsị wàa ka ma mẹ, mị vaa mẹ̀ ẹ, agụvị ka mâ yẹ wụ ẹtẹẹtẹrẹ, di ebira awụ re zee mi eyi nị.”

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Anikorasi 4:3

Wa rẹẹ mẹ̀ aduwaa yị nịnị ka Ohomorihi ọ̀ mẹ oze yị, dị ya zụ kà enube ọyịza ini oze ịrẹyị Ikirisiti oni iruvo anị nyịnẹ. Waa yẹ ka agụvị ịrẹyị ọnọọ mị yà ịnị ẹngwa nịnị nị.

Anihwiripi 4:3

Ẹwụ bẹẹ ẹnẹ ẹmịrị aa mẹ̀ ụkọrọ, re ka wáa gụ anẹẹ ẹnẹẹ ụvọ, ene pe mi mẹ̀ ụkọrọ, ị mẹ̀ dudu aa kà enube ọyịzaa zị beri Ịkịrẹmẹntị ọnịrị aza ana vọ ene pe mi mẹ̀ ụkọrọ; ịrẹha ẹnịnị yà ini iwe aza ana yara pooro zịna-zịna.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ahẹ Ụgama 80:1

Ẹwụ ana aa tẹsị Anisirẹrị anka ọza ene ee sere ịsụpa mẹ̀ẹ tẹsị ịsụpa anị avọọ, navọ wa wụ́ ịpẹ ọnị yaa dá.

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.

1 Anịkọrịntị 16:9

Oze ộ tụ́ mị ọ̀yị mẹ̀ ụkọrọ obooro ịzẹnị booro aanị, ọ̀ọ daka vị ka akwootwọza nịnị vị ana gwẹtẹ

Ụhịrẹyị 27:23

Re ka waa yẹ ịsị aa na ịnị ẹngụ ịsụpa awụ, dị waa tẹsị ẹnịnị ẹtẹẹtẹrẹ,

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

1 Ịjọọnụ 4:6

Àa vị ẹyị yọ, ẹyị vị ezi Ohomorihi. Ọza ana àa yẹ Ohomorihi ẹtẹẹrẹ vaa sị ụtọọ pe yi. Ama ọza ẹnẹ ẹ̀ yị yẹ Ohomorihi, ẹ́ yị sị ụtọ pe yi. Avọọ ị mẹmẹ zụ yẹ ọza ana nyị Ụhwẹ Ọnịnị ịzẹyịza ọnịrị ọza ana àa nyị ụhwẹ echu nị.

3 Ịjọọnụ 1:14

Mée rò ka mee vee hee wu, òo kù chee, dị ye dudu kà ịrẹyị eyi gẹrị eyi.