Ịjọọnụ 10:27 - IWE ỌNỊNỊ

²⁷ Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Ịjọọnụ 10:27 Referans Kwoze

Ịjọọnụ 10:16

Ma rẹ nyị atẹmẹ ọsa, ana ahịka e yi hi ini irehi atẹmẹ ọnọnị. Â nyị ka ma kụ́ wa vẹ, ẹnị rẹ vaa wụ́ ọngwẹ amị. Ọnya avaba ẹnịnị kụkụ vaa vị nị, ọza ịnya ọ vaa tẹsị ẹnịnị nị.

Ịjọọnụ 10:14

Ama ẹmị ụvọta ọ vị ọza anaā tẹsị atẹmẹ ẹtẹẹtẹrẹ nị. Mâ yẹ aza amị, dị aza amị ẹnị rẹ yẹ ẹmị nị,

Ẹtore 3:20

Re, mị jẹẹ enoze, maa sị ụvọọ ká na. Di mee pee rị ịsa, dị oni ree pe mii rị ịsa.

1 Anịkọrịntị 8:3

Ama ọza ene èe sì ịrẹyị Ohomorihi, ọnị Óhomorihi yẹ nị

Anihiburu 3:7

Ụhwẹ Ọnịnị ọ́ọ kà a ka: Ajịnị, wàa wụ́ ọngwẹ Ohomorihi nịnị,

Ịjọọnụ 5:25

Ịzẹyịza m maa kà a wụ nịnị nị, ụmẹ aa vẹ, ộ hyakụ si tù booro aanị, ana ahịka oku nịnị vaa wụ́ ọngwẹ ẹmị Ozi Ohomorihi. Aza ana àa wụ́, ẹ vaa yàra.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Anigaratiya 4:9

Ama ụ mẹ̀ va sị Ohomorihi yẹ nịnị aanị, à vị ka Ohomorihi mẹ̀ sị wụ nịnị yẹ aanị, sị ẹ vẹ dị ụ kụkụ varẹma nọ ịnị ọda ini oze ẹhẹ ọnọnị ẹnẹ ẹ̀ yị nyị ụkata, dị ẹ̀ yị nyị ịsa ẹ nyị? Di u ree sì ka wa vị ọrịhị ẹnịnị bẹẹ?

Ịjọọnụ 10:8

Avaba aza ana vọ ana dọ ọvịdị amị vẹ, vị oyi obooro. Ama atẹmẹ nịnị ẹ yị sị ụtọ pe ịrẹyị ẹnịnị.

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 8:43

Wáá yẹ ịsị ẹ vẹ dị ụ wẹ̀ yị yẹ ịrẹyị amị nịnị? Ịsị ẹ vẹ ọ vị ka wẹ yị dọ ka wa wụ́ ịrẹyị amị nịnị.

1 Ohinọyị 18:21

Di Erija tere pè avaba aza ẹnẹẹ dị ọ ka Ị́zị ụ maanị vaa mẹ ayị ẹẹva nee tù nịnị? Àa vị Ẹnẹyịmavara ọ vị Ohomorihi nị, waā saasa a nịnị! Àa rẹ va vị Ịbaarị yọ nị, waā saasa a nịnị! Aza ẹnẹẹ e yi tụ́ Erija ohi vụrụ-vụrụ.

Iruuku 9:23

Dị Ijeesu kà a yị avaba ẹnịnị ka, “Àa nyị ọza ana ka ọnị aa dụ mị ịrẹma, â nyị ka ò hí ayị ẹngụ anị, dị ọ̀ sị apavahị anị, dị ọ̀ sịị dụ mị ịrẹma eyinị-eyinị.

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

2 Itimoti 2:19

Ama yáa yẹ ka ịsị Ohomorihi reè si hi ẹtẹ ẹtẹẹtẹrẹ, ọza o yi kuku zụ zizi ọọ. Â maanị chẹrẹ ẹ tụ́ ọọ ka, “Ananyị yị ộ yẹ aza ana vị aza anị.” A rẹ chẹrẹ ẹ ka, “Ọza ana àa ka ọza Ananyị yị ọ́nị vị nị, ọ̀ sị ụvọ hụụnị ebira odivi.”

Ịjọọnụ 21:22

Dị Ijeesu tụ́ ọ ohi, dị ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ? Ẹwàa dụ mị ịrẹma!”

Iruuku 13:27

Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’

Ịmaakị 8:34

Dị Ijeesu hị́ ọkọnị aza ọnịrị ezirẹma anị, dị ọ kà a yị wa ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 25:12

Dị ọva ọnẹẹ ọnọọ tụ́ wa ohi ka: ‘Ịzẹyịza m maa kà nị, mẹ yị yẹ wụ nịnị vụrụ-vụrụ.’

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 7:23

Dị mị kà a yị wa ka: ‘Mẹ yị vịdị yẹ wụ nịnị; hụrẹ mi eyi nịnị, ẹwụ nịnị enebira kẹnẹ-kẹnẹ!’ ”

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.

Odeyi 3:23

Ọza ẹnẹ ẹ̀ yị batọ ịrẹyị ọnịsẹ ọnọọ, a vaa dụ ọ hụụnị aza Ohomorihi, di o vu ẹtẹ.’

Ịmaakị 10:21

Ijeesu ô re ọnọrụ ọnọọ pooro, ô sì ịrẹyị anị, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi, dị ụ wa vẹ, dị ụ wa vaa dụ mịị zịịzị!”

Ayịsaya 66:22

Anka ẹtẹ ọwọọwa ọnịrị ẹbẹẹba mẹ vaa ya ịzọọ pooro, avọọ evere ẹnịnị ọnịrị ịrẹha anị ẹ yị vu pooro nị.