Ịjọọnụ 10:2 - IWE ỌNỊNỊ

² Ọza ana àa zị oze obooro ngụ irehi atẹmẹ, ọza ọnọọ ọ vị ọza ana aa tẹsị atẹmẹ obooro nị.

Ịjọọnụ 10:2 Referans Kwoze

Ịjọọnụ 10:14

Ama ẹmị ụvọta ọ vị ọza anaā tẹsị atẹmẹ ẹtẹẹtẹrẹ nị. Mâ yẹ aza amị, dị aza amị ẹnị rẹ yẹ ẹmị nị,

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

1Ipita 5:4

Ijeesu Ikirisiti ọ vị ohirẹsụ aza ana aa tẹsị aza Ohomorihi nị. Ịhị ọ̀ sị ẹngụ zụ̀, ọ vaa sị ẹyịza ana nyị ụbanyị ẹnẹ ẹ̀ yị ma sa yị wụ nịnị.

Ahẹ Ụgama 23:1

Ẹnẹyịmavara ee sere mị anka oseratẹmẹ avọọ nị. Ẹ yị nyị ịsị ẹ vaa zwọ mị.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ịrẹyị Ọzwọzịsa 12:11

Ịrẹyị ana aza ana yẹ ịrẹyị kà vị ana sị mẹẹ anka ọchị ọnị oseratẹmẹ nịnị aa sị zụ atẹmẹ nịnị oze, dị ụhịrẹyị ana aa tọ̀ọ vabẹ aanị sị mẹ̀ ẹ anka iso ana a kanyị hi ịsa ẹtẹẹtẹrẹ avọọ nị. Ohomorihi ọ sị wa yị nị. Ọnị ịnyara ọ vị oseratẹmẹ avaba ayị nị.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

1 Itimoti 4:14

Asị ụ navọ ụkata ọnị Ụhwẹ Ọnịnị sị wụ tịtẹ! Wáa yẹ ka ọ́nịsẹ nịnị mẹ̀ kà ịrẹyị, dị azọkụ ịragụ Ohomorihi sị ụvọ tụra wụ dị ẹ mẹ̀ aduwa, Ụ́hwẹ Ọnịnị sị ụkata ọnọọ yị wụ nị.

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

Ịjọọnụ 10:7

Dị Ijeesu va kà a yị wa ka, “Ịzẹyịza m maa kà a wụ nị, ẹmị ọnọnị ọ vị oze irehi atẹmẹ nị.

Ịzakaraya 11:8

Ịnị akakana ụhwẹ ọnya, ọnị ộ jị oseratẹmẹ ẹẹta agụvị ka ẹnịnị ệ nyị ịhyẹrẹ anị. Ọnị ẹ yị kụkụ nyẹngụ sị ẹngụ dọ ịrẹyị ẹnịnị.

Ịzakaraya 11:5

Aza anaa hị́ wa vị ana a wụ̀ wa, dị ọza ẹ yị sị ụya rị wa. Aza ana ná wa vị ana kụ́ Ẹnẹyịmavara avọ ka ẹnị ẹ raà nyị ẹkẹhị. Oseratẹmẹ ẹnịnị ẹ yị vayị ẹnịnị vụrụ-vụrụ.

Ịzakaraya 11:3

Ọdọvịdị nịnị ee nowu booro-booro, ụbanyị ẹnịnị ộ ta. Batọ owu idu nịnị; iruku ana vị eehi ẹnịnị ana gụrị Ijodani ộ ta.

Ezikẹẹrị 34:23

Ọnị vaa nyị oseratẹmẹ ọnya, ene vee sere wa anka ozi ahụ anị Idevidi, dị aa tẹsị ẹnịnị.

Ahẹ Ụgama 80:1

Ẹwụ ana aa tẹsị Anisirẹrị anka ọza ene ee sere ịsụpa mẹ̀ẹ tẹsị ịsụpa anị avọọ, navọ wa wụ́ ịpẹ ọnị yaa dá.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

1Ipita 2:25

Vị ụ vịdị sị mẹẹ anka atẹmẹ ene vú nịnị avọọ nị, ama booro aanị wa zị vavẹ ịdị Ọza ene ee sere wu nịnị, dị ọ raa tẹsị awụ nịnị.

Ịtayịtọsị 1:5

Iruvo ọnị mị sị navọ wụ tụ́ Ikirete ọ vị ka we tenyi ịsa ana a vọrọ ka à mẹ nị. Nyị azọkụ ịragụ Ohomorihi tụ́ ẹkụra ọzọza. Tamayị ịsị mị vịdị kà wụ oo!

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Imika 5:5

Ọza oni Ohomorihi vaa sị rị ohinọyị aanị vị ana vaa kụ́ ẹngwọọrọ vẹ. Ịhị Anasiriya ẹ̀ẹ kụ́ ịrẹkụ vẹ ịnị ẹkụra ayị dị ẹ va ngụ ịzị ị tẹ tụ́ nị, Dị ị kụ́ ọdọvịdị ayị ana nyị ụkata tù wa.

Ayịsaya 63:11

Ama Ẹnịnị ệ tamayị ịsa ana mè ịnị ụmẹ Imosiisi ozi ahụ Ẹnẹyịmavara. Ê họ̀ use ka ịzị Ẹnẹyịmavara ana dọ ọdọvịdị aza anị ha hụụnị Oku Ovivi? Ịzị Ẹnẹyịmavara ana sị ụkata yị Imosiisi ya?

Imatiwu 15:11

Ẹ yị vị ịsa ọza sị nọ irenu, oō du ọza ẹngụ nị. Ama ịsị e hụụnị irenu ọza jịnẹ vẹ, oō du ọza ẹngụ nị.”