Ịjọọnụ 10:10 - IWE ỌNỊNỊ

¹⁰ Oyi vị anaā vẹ kẹnẹ ka oni ò ve yi ịsa, dị ọnị ọ̀ wụ̀ ọza, di oni ò re du ịsa ha. Àa vị ẹmịị yọ, ẹmị vị ana vẹ ẹhẹ ka ma sị ẹhẹ obooro-obooro yị aza, ana ahịka ọza o yi zụ sị irenu juwe anị.

Ịjọọnụ 10:10 Referans Kwoze

Iruuku 19:10

Agụvị ka ẹmị Ozi ọza onigirima vị ana vẹ ka me sì aza ene vú, dị ma dọ wa há.”

Ịjọọnụ 6:51

Ẹma vị ịsọyịrị anaā mẹ ka ọza ọ̀ yàra booro nị. Ẹbẹẹba mị hụrẹ vẹ nị. Ọza ana àa rị ịsa ọnọọ, vaa yàra pooro zịna-zịna. Ọchẹngụ amị ọ vị ịsọyịrị ọnị mị vaa sị yị aza nị. Maa sịị yị anẹhẹ ka ẹ̀ zụ yàra obooro.”

Ịjọọnụ 12:47

Ọza ana àa wụ́ ịrẹyị amị, dị ọ̀ yị sị ayị tụra mị nị, ẹ yị vị ẹma vaa mẹ̀ ọkarẹyị yọ, agụvị ka mẹ yị vẹ ẹhẹ ka ma va mẹ̀ ọkarẹyị yị anẹhẹ; mị vẹ ka ma va dọ wa há nị.

Ịjọọnụ 6:33

Ịsọyịrị oni Ohomorihi sị yị aza, ọ vị ọza ana hụrẹ ẹbẹẹba vẹ ẹhẹ, dị ọ va mẹ ka anẹhẹ ẹ̀ zụ yàra nị.”

Ịjọọnụ 3:17

Ẹ yị vị Ohomorihi tụ́ Ozi anị vẹ ẹhẹ ka ọ̀ va jị ịvị yị anẹhẹ. Vị ọ ka ọ̀ va dọ anẹhẹ há nị.

1 Itimoti 1:15

Ịrẹyị ọnọnị vị ịzẹyịza, áa vọrọ ka à sị avaba ayị dọ ọ; ka Ijeesu Ikirisiti vị ana vẹ ẹhẹ ka ọnị ọ̀ va dọ ọnịvị há. Eme divi hu keekere ịnị ọnịvị ẹnẹẹ nị.

Ịjọọnụ 10:1

Ijeesu ka, “Ịzẹyịza m maa kà a wụ nị, ọza ẹnẹ ẹ̀ yị zị oze obooro ngụ irehi ịzị aā kụ́ atẹmẹ hi, dị ọ na zị oze ọsa hịrẹ ngụ eehi nị, oyi obooro ọ́za ọnọọ vị nị.

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Ayịsaya 56:11

Ẹnịnị vị ana sị mẹẹ irezi ọnọhọha ọnị ịnẹ ẹ̀ yị ma ha avọọ. Oseratẹmẹ ẹnẹnị ẹ yị yẹ ịsọnyị-ịsọnyị. Ọzọza vị anaa mẹ̀ ịsa ene ze e eyi. Ịsị ẹ vaa vị ọgụụ yị ọzọza kẹnẹ ẹẹ̄ dụ nị.

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.

Anihiburu 6:17

Ohomorihi óo sì ka ọnị ọ̀ kà a gedebee yị ọza ọnị ọnị vaa sị ẹyịza ọnọọ yị, ka ọnị ọ yị vaa vara ịrẹyị anị. Agụvị avọọ ọ hị́ eku tụ́ ịnị oto anị nị.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Aniroomi 2:21

Ẹwụ ana aa zụ̀ aza ịsa, sị ẹ vẹ dị ẹwụ àa mā daba zụ̀ ẹngụ ẹwụ ịsa? Ẹwụ ana aa kà ịrẹyị Ohomorihi ka asị ọza rè yi oyi, áá vọrọ ka ẹwụ è kukuu yii yi oyi?

Ihoseya 7:1

Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Imatiwu 18:10

“Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Ịmaakị 11:17

Dị aa zụ̀ wa ịsa nị, dị ọ ka, “Aanịka Iwe Ohomorihi ọ yị vịdị sị ọọ kà ka: ‘A vaa hị́ irehi amị ịzị avaba anẹhẹẹ̄ mẹ̀ aduwa’? Ama ẹwụ nịnị ọ kụkụ sị ọọ vara ịzị anako nịnịị̄ tẹ̀.”

Ịjọọnụ 12:6

Ọsọnị vị ọnị Ijudasi kà kẹnẹ, ẹ yị vị ka vị a nyị ịzị ịrẹyị onosiye nịnị gẹ ẹ nị. Ịjị ahịka Ijudasi vị oyi, ọnị ọ sị eyi pe ẹkẹhị ẹnịnị nị, di ee yi ịnị anị nị.

Imatiwu 21:13

Dị ọ kà a yị wa ka, “Â vịdị sị ọọ chẹrẹ ka: ‘A vaa hị́ irehi amị ịzị a yàā mẹ̀ aduwa.’ Ama ẹwụ nịnị ọ kụkụ sị ọọ vara ịzị ịjagụda nịnịị̄ tẹ̀.”

Ịjọọnụ 5:40

Ama wẹ yị zẹẹ ka wa vẹ ịdị amị nịnị, dị ma mẹ ka wa yàra nịnị pooro zịna-zịna.

Ịjọọnụ 10:11

“Ẹmị ọnọnị ọ vị ọza anaā tẹsị atẹmẹ ẹtẹẹtẹrẹ nị. Ọza anaā tẹsị atẹmẹ anị ẹtẹẹtẹrẹ vị anaā sịị ụhwẹ anịị tịtẹẹ yị atẹmẹ anị.

Imatiwu 18:11

(Ẹmị Ozi ọza onigirima vị ana vẹ ka ma va dọ aza ene vú há.)