Ịjọọnụ 1:45 - IWE ỌNỊNỊ

⁴⁵ Ihwiripi oni o re re ọza ịnya aanị ana aā hị́ Inatanẹrị. Dị Ihwiripi kà a yọ ka, “Ọza oni Imosiisi chẹrẹ ịrẹyị anị tụ́ ini iwe ọda, dị ọnịsẹ nịnị ẹnị rẹ chẹrẹ ịrẹyị anị, ye si o re. Ọnị ọ vị Ijeesu Anịnazarẹtị, ana vị ozi Ijosẹẹhụ nị.”

Ịjọọnụ 1:45 Referans Kwoze

Iruuku 24:27

Dị Ijeesu ve nyima aa kà a yị wa ịrẹyị ana a kà ini oze anị tụ́ Iwe Ohomorihi nị. Ô nyima hụụnị ịsa oni Imosiisi kà huuu va ngụ ịsa ọnị ọnịsẹ nịnị kà.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imatiwu 2:23

Dị ọ na yà ịnị ẹkụra ọnya ana aā hị́ Ịnazarẹtị nị, agụvị ịsa ọnị ọnịsẹ kà, ọ̀ rẹ zụ sẹ ka, “Anịnazarẹtị á vaa hị́ ọ nị.”

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Iruuku 4:22

Ẹnịnị ệ dọ ivenu ịrẹyị ọnị ọ kà, di o hí wa irenu nị, agụvị ka ịrẹyị anị ô zoza ẹtẹẹtẹrẹ. Dị ẹ ka, “Aanịka ẹ yị vị ozi Ijosẹẹhụ ọnọọ yị?”

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ịzakaraya 6:12

Dị ọ kà yọ ka Ẹnẹyịmavara Ochẹtẹẹngụ ka: ọnọrụ ana aa hị́ avọ avọọ vaa yara ịzị ọ ya. Ọnị ọ vaa da irehi Ẹnẹyịmavara nị.

Ayịsaya 53:2

Agụvị ka ộ hụ ọvịdị Ẹnẹyịmavara anka ọchị ene èe yị kù ọnị ọ chị. Vị ọ rẹ sị mẹẹ ọchị anaa hà ẹ̀pà ịnị ẹtẹ ọyịwụ avọọ nị. Ẹ yị nyị ịsị ó vene; ẹ yị nyị ụbanyị ọnyọọnyị ana a vọrọ ka à sị kana eyi si ọ. Ẹ yị nyị ịsị ẹ yà ịnị ẹngụ anị ana a vọrọ ka ò tura ọza kà pe e.

Ịjọọnụ 18:7

Dị Ijeesu rẹ họ̀ wa ka, “Eni u wee sì nịnị?” Dị ẹ rẹ ka Ijeesu Anịnazarẹtị yọ nị.

Ayịsaya 4:2

Ụmẹ ọnya aa vẹ ịhị ọnọọ Ẹnẹyịmavara vaa mẹ ka ọchị ana yà ịnị ẹtẹ ọnọọ ọ̀ há avọ ọnya aanị. Avọ ọnọọ vee zoza dị ọ nyị ụbanyị. Ẹtụtụ ana avọ́ ọchị ọnọọ vaa tụ́ ịnị ẹtẹ ọnọọ vaa mẹ ka Anisirẹrị ana ha ẹ̀ sịị mẹ ụbanyị dị ẹ̀ẹ sịị jẹ ịrajẹ.

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

Ịmaakị 6:3

Aanị ka ẹ yị vị ikahunta ọnọọ yị, ana vị ozi Imeri? Aa vị ọnị ọ rẹ vị ẹnẹbẹnị Ijemiisi ọnịrị Ijosẹsị beri Ijudasi ọnịrị Ịsayịmọnị? Aa vị ẹyịrị ẹyịnyara anị anẹẹ e dudu yà ịzẹnị?” Dị ẹnịnị aa kụ́ ayị anị nị.

Imatiwu 21:11

Dị ọkọnị aza ka Ijeesu, ọnịsẹ Ịnazarẹtị ana yà Igariri yọ.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Odeyi 22:8

Di mi tụ́ ohi ka: ‘Ẹwụ, ẹnẹ ọ vị kẹ, Ananyị yị?’ Dị ọ ka: ‘Ẹma vị Ijeesu Anịnazarẹtị ọnị ụ waa sị ụyaa rị nị.’

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Ịjọọnụ 21:2

Ịsayịmọnị Ipita ọnịrị Ịtọmọsị ana aā hị́ Ejima, beri Inatanẹrị Anikana ịnị ẹtẹ Igariri, ọnịrị ezi Izebedi beri ezirẹma Ijeesu ẹẹva ọsa ệ kụ́ gụ.

Iruuku 2:4

Ijosẹẹhụ ọnị ọ rẹ hụrẹ ẹkụra Ịnazarẹtị ịnị ẹtẹ Igariri nọ Ijudiya, dị ọ nọ ẹkụra Ịbẹtịrẹhẹmị ịzị a yà ma Idevidi ohinọyị nị. Ijosẹẹhụ ộ nọ ịzọọ, agụvị ka ini ovwoovu Idevidi ọ chị hụrẹ vẹ nị.

Ịmaakị 14:67

O mè re Ipita ka aa wà ịra, di o jị eyi ngwọ ọ nị, dị ọ ka, “Aa! Ẹwụ vị ana rẹẹ̄ dụ Ijeesu Anịnazarẹtị ọnọọ zị bẹẹ!”

Imatiwu 13:55

Aanị ka ẹ yị vị ozi ikahunta ọnọọ yị? Áa vị Imeri ọ vị ọnyị anị? Aanị ka ẹ yị vị Ijemiisi ọnịrị Ijosẹẹhụ beri Ịsayịmọnị ne beri Ijudasi ọ vị ẹyịnyara anị?

Odeyi 26:9

Eme re vịdị roo ka àa nyị ịsị mị zụ mẹ, di me du ịrẹha Ijeesu Anịnazarẹtị ọnọọ ka maa mẹẹ.

Odeyi 3:6

Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!”

Odeyi 2:22

Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

Ịjọọnụ 19:19

Ipayireti chẹrẹ ịsa ọnya, dị ọ vàa kú apavahị Ijeesu nị. Ịsa ọnọọ chẹrẹ yị: “Ijeesu Anịnazarẹtị, Ohinọyị Aniju.”

Ịjọọnụ 18:5

Dị ẹnịnị tụ́ ọọ ohi ka Ijeesu Anịnazarẹtị yọ nị. Dị Ijeesu ka, “Ẹmị ọnọọ yọ!” Ijudasi ana aa sị ọọ chire ọnịvị anị ụvọ aanị vị ana jẹẹ ịzọọ pe wa.

Ịjọọnụ 6:42

Dị ẹnịnị ka, “Aanịka ẹ yị vị Ijeesu yị, ana ada anị rị Ijosẹẹhụ? Yâ yẹ ada anị ọnịrị ọnyị anị, ọ! Sị ẹ va mẹ ka ọ̀ọ kà a booro aanị ka ẹbẹẹba ọ́nị hụrẹ vẹ nị?”

Iruuku 3:23

Ijeesu ọ sị gụ ịrayị ohurẹẹwụ, di o ve nyima ụkọrọ anị. Aza vị ana sị ọọ hị́ ka ozi Ijosẹẹhụ ọ vị nị. Ijosẹẹhụ ọnị vị ozi Iheri,

Imatiwu 10:3

Ihwiripi beri Ibatoromiwu; Ịtọmọsị ọnịrị Imatiwu ọdẹkẹhirehi, Ijemiisi ozi Arịhwịyọsị, ne beri Ịtadịyọsị;

Iruuku 2:48

Ịjị aza ana ma a re e, ayị ẹnịnị ẹ sị vazi. Dị ọnyị anị kà a yọ ka, “Ho! Ozi emi, sị ẹ vẹ dị ụ maanị mẹ yị aanị? Wee re, ayị ẹmịrị ada awụ ẹ yị nẹtẹ vụrụ-vụrụ, i mèe sì wu zị.”

Ịjọọnụ 1:44

Ihwiripi vị Anịbẹtịsayịda, ẹkụra Andụrụ ọnịrị Ipita.

Ịjọọnụ 6:5

Íjeesu mẹ̀ kana eyi, di o re ọkọnị aza ana aa vẹ ịdị anị; dị ọ kà a yị Ihwiripi ka, “Ịzị ị va naa hị́ ịsaa hụrẹ vaa yị aza ẹnẹnị aanị?”

Ịjọọnụ 6:7

Dị Ihwiripi tụ́ o ohi, dị ọ ka, “Yàa daka hị́ Ịbụrẹẹdị achuchu ẹẹva, dị a ka ọzọza ọ̀ dà rị kiiki nị, ẹ yị hyakụ nyị ịzị o tù wa.”

Ịjọọnụ 12:21

Dị ẹnịnị ka Ihwiripi ana hụrẹ Ịbẹtịseda ẹkụra Igariri vẹ, dị ẹ kà a yọ ka, “Ọga, yee sì ka ye re Ijeesu.”

Ịjọọnụ 14:8

Dị Ihwiripi ka, “Ananyị yị, sị Ada awụ ọnọ zụ̀ yị, ka avaba oni yee sì ọ vị ọnọọ nị.”

Iruuku 18:37

Dị ẹ kà a yọ ka Ijeesu Anịnazarẹtị aa parahu nị.