Ịjọọnụ 1:43 - IWE ỌNỊNỊ

⁴³ Eyinẹhẹ anị, dị Ijeesu ka ọnị aa nọ Igariri nị. Ô re ọza ịnya aanị ana aā hị́ Ihwiripi. Dị Ijeesu kà a yọ ka, “Waa dụ mị ịrẹma!”

Ịjọọnụ 1:43 Referans Kwoze

Ịjọọnụ 14:8

Dị Ihwiripi ka, “Ananyị yị, sị Ada awụ ọnọ zụ̀ yị, ka avaba oni yee sì ọ vị ọnọọ nị.”

Imatiwu 9:9

Íjeesu mẹ̀ hụụ ịzọọ, dị aa na, ô re ọnọrụ ọnya ana aā hị́ Imatiwu, ka ộ yaayịtẹ ịzị a yàā dọ ẹkẹhị irehi. Dị ọ kà a yọ ka ọ̀ọ dụ ọnị ịrẹma nị. Dị ọ kwẹẹtẹ, dị aa dụ ọọ na nị.

Ayịsaya 65:1

Ẹnẹyịmavara kà: Mê tenyi ẹngụ ọyịtụ ohi aduwa aza amị, ama ẹnịnị ẹ yị mẹ̀ aduwa. Mê tenyi ka ẹnịnị è re mi, ama ẹnịnị ẹ yị hyakụ si mi. Mê tenyi ẹngụ ọyịtụ anẹkụra ọnọnị ohi ka, “Ẹmị yọ; mị vaa gụ wụ nịnị ụvọ, ama ẹnịnị ẹ yị hị́ mị.”

Ịjọọnụ 12:21

Dị ẹnịnị ka Ihwiripi ana hụrẹ Ịbẹtịseda ẹkụra Igariri vẹ, dị ẹ kà a yọ ka, “Ọga, yee sì ka ye re Ijeesu.”

1 Ịjọọnụ 4:19

Yée sì ịrẹyị Ohomorihi agụvị ka ọnị ọ vịdị sì ịrẹyị ayị nị.

Ịjọọnụ 6:5

Íjeesu mẹ̀ kana eyi, di o re ọkọnị aza ana aa vẹ ịdị anị; dị ọ kà a yị Ihwiripi ka, “Ịzị ị va naa hị́ ịsaa hụrẹ vaa yị aza ẹnẹnị aanị?”

Anihwiripi 3:12

Mẹ yị kà a ka ịsị maa dụ, ụvọ amị óo kú ọ; mẹ yị rẹ kà a ka ma sị gụ. Ama maa kà a tụ́ ọvịdị ka ụvọ amị ọ̀ nyẹngụ kú ịsa ọnọọ, oni Ijeesu hụ agụvị anị nyị mị.

Ịjọọnụ 1:28

Avaba ịsa ẹnẹnị vị ana mẹ ẹkụra Ịbẹtanị, ana yà akẹnẹ Okuha Ịjọdanị ịzị Ịjọọnụ yà aa mẹ ọyịhwenyii yị aza.

Iruuku 19:10

Agụvị ka ẹmị Ozi ọza onigirima vị ana vẹ ka me sì aza ene vú, dị ma dọ wa há.”

Imatiwu 10:3

Ihwiripi beri Ibatoromiwu; Ịtọmọsị ọnịrị Imatiwu ọdẹkẹhirehi, Ijemiisi ozi Arịhwịyọsị, ne beri Ịtadịyọsị;

Ịjọọnụ 6:7

Dị Ihwiripi tụ́ o ohi, dị ọ ka, “Yàa daka hị́ Ịbụrẹẹdị achuchu ẹẹva, dị a ka ọzọza ọ̀ dà rị kiiki nị, ẹ yị hyakụ nyị ịzị o tù wa.”

Ịjọọnụ 1:35

Eyinẹhẹ anị, dị Ịjọọnụ ọnịrị ezirẹma anị ẹẹva rẹ jẹẹ ịzọọ nị.

Imatiwu 4:12

Íjeesu mẹ̀ wụ́ ka a sị Ịjọọnụ za tụ́ ịnị ẹngwa, dị ọ tangwa nọ Igariri nị.

Imatiwu 8:22

Ama dị Ijeesu kà a yọ ka, “Ẹwụ àa dụ mị ịrẹma, dụ wa navọ oku nịnị èe ne oku ẹnịnị!”

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 1:44

Ihwiripi vị Anịbẹtịsayịda, ẹkụra Andụrụ ọnịrị Ipita.

Ịjọọnụ 2:11

Apọtẹrẹwa ọnọnị oni Ijeesu mẹ Íkana ịnị ẹtẹ Igariri ọ vị apọtẹrẹwa ịpaapa ọnọọ mẹ nị. Ọnị ọ sị sị igirima anị zụ̀, dị ezirẹma anị dọ ọ wụ́ nị.

Ịjọọnụ 1:37

Ezirẹma ẹyịva Ịjọọnụ ana jẹẹ ịzọọ ệ wụ́, Ị́jọọnụ mẹ̀ vavọọ kà, dị ẹ saasa Ijeesu aa na nị.