Ịjọọnụ 1:42 - IWE ỌNỊNỊ

⁴² Dị Andụrụ sị Ipita vẹ ịdị Ijeesu nị. Ịjị Ijeesu re e, dị ọ kà a yọ ka, “Ẹ wa vị Ịsayịmọnị ozi Ịjọọnụ nị. Ẹwa kụkụ rẹ vaa rị Ikehwasi nị.” (Iruvo “Ikehwasi” ọ vị “ịrẹta” nị.)

Ịjọọnụ 1:42 Referans Kwoze

1 Anịkọrịntị 15:5

Ipita ô re e, dị ẹnị ẹwụrẹva re re e nị.

1 Anịkọrịntị 3:22

ọ̀ọ vị Ịpọọrụ, ọ̀ọ vị Aporo, ọ̀ọ rẹ vị Ipita, ọ̀ọ vị ịsa ịrẹma ụhwọọ, ẹwụ nịnị ọ nyị avaba ịsa ẹnẹẹ nị.

1 Anịkọrịntị 1:12

Ịsị maa kà, yị: ọzịnya-ọzịnya awụ nịnị aa kà ịsa irenyi-renyi. Aza ẹnyị ka Ịpọọrụ ọ́nị jẹẹ yị nị, aza ẹnyị ka Aporo ọ́nị jẹẹ yị nị, dị aza ẹnyị rẹ ka Ipita ọ́nị jẹẹ yị nị. Dị aza ẹnyị ẹnị rẹ ka Ikirisiti ẹ́nị jẹẹ yị nị.

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

1 Anịkọrịntị 9:5

Ẹ yị nyị ịsa ana za mị ka asị mị nyị ọnẹẹ ana dọ wụ́, dị ọ̀ọ saasa mịị zị. Avọọ Ézirẹma Ijeesu ana vọ ọnịrị ẹyịnyara Ananyị yị beri Ipita mẹ̀ mẹ nị.

Imatiwu 10:2

Ịrẹha ezirẹma ẹwụrẹva ẹnẹẹ yị: Ọnịpaapa vị Ịsayịmọnị ana a rẹẹ̄ hị́ Ipita, beri Andụrụ ọyịnyara anị; Ijemiisi ọnịrị Ịjọọnụ ọyịnyara anị; ana vị ezi Izebedi;

Iruuku 5:8

Ịjị Ịsayịmọnị maanị re e, dị ọ và ku ẹtẹ ọ́vịdị Ijeesu, dị ọ ka, “Ananyị yị, hụụ ịda amị, ka ọnịvị mị vị nị!”

Ịjọọnụ 21:2

Ịsayịmọnị Ipita ọnịrị Ịtọmọsị ana aā hị́ Ejima, beri Inatanẹrị Anikana ịnị ẹtẹ Igariri, ọnịrị ezi Izebedi beri ezirẹma Ijeesu ẹẹva ọsa ệ kụ́ gụ.

Ịmaakị 3:16

Ịrẹha ẹnị ẹwụrẹva ẹnẹẹ yị: Ịsayịmọnị oni Ijeesu rẹ yị Ipita,

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’

Iruuku 6:14

Ịrẹha ẹnị ẹwụrẹva ẹnẹẹ yị: Ịsayịmọnị oni Ijeesu rẹ yị Ipita, beri Andụrụ ọyịnyara anị; Ijemiisi ọnịrị Ịjọọnụ; Ihwiripi ọnịrị Ibatoromiwu;

Anigaratiya 1:18

Ịrayị ẹẹta ọ sị mẹ, dị mị va nọ Ijerusarẹmị ka me ne hee Ipita. Máa yà ịda anị mẹ ẹkụhị ẹwụrẹhị.

Anigaratiya 2:11

Ụmẹ ọnya, Ípita mẹ̀ vẹ Antịyọkị, mê beri ọọ zyaazị éyi avaba aza, agụvị ka ịsị ọ mẹ, o yi zoza.

2 Ohinọyị 5:4

Ịjị Ịnaamanị maanị wụ́, dị ọ na kà a yị ohinọyị ịsị ozi ọnẹẹ ọnọnị kà nị.

Ịjọọnụ 4:16

Dị Ijeesu kà a yọ ka, “Na hị́ ọva awụ vẹ ịzẹnị!”