Ịjọọnụ 1:31 - IWE ỌNỊNỊ

³¹ Ẹmị nyẹmba ẹ yị vịdị yẹ ẹ; ama ma va sị enyi mẹ̀ ọyịhwọzenyi yị aza, agụvị dị à zụ sị ọọ zụ̀ ẹwụ nịnị Anisirẹrị.”

Ịjọọnụ 1:31 Referans Kwoze

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Iruuku 1:17

Ụkata Erija ọnịrị ebira anị ọ vaa nyị nị. Ọnị ọ vaa dọ ọvịdị Ananyị yị nị. Ọ vaa mẹ ka ada ọnịrị ezi è ze. Dị ọ rẹ mẹ ka anakamawụ nịnị ẹ̀ varẹma va zị oze ọnịrẹyịzẹyịza. Dị ọ re tenyi aza ẹngụ tịtẹ yị Ananyị yị.”

Ịjọọnụ 1:33

Mẹ yị vịdị yẹ ẹ, ama Ohomorihi ana tụ́ mị ka maa sị enyi mẹ ọyịhwenyii yị aza, ộ vịdị kà a mị ka, ‘Ọza oni u wèe re ka Ụhwẹ Ọnịnị ô chí vẹ, dị ọ va yà ịrẹsụ anị nị, ọza ọnọọ gẹdẹ-gẹdẹ ọ vaa sị Ụhwẹ Ọnịnị hụ̀ aza mẹ enyi nị.’

Ịjọọnụ 1:7

Ịjọọnụ ộ vẹ ka ọnị ọ̀ dọ ivenu yị aza ini oze Etohweyi ọnọọ. Ọ va kà a, agụvị dị avaba aza ẹ̀ zụ zị oze ịnị ụvọ anị dọ ọ wụ́.

Imatiwu 3:6

Ệ dọ irenu ebira odivi ẹnịnị, dị ọ́ mẹ̀ ọyịhwọzenyi yị wa ịnị Okuha Ịjọdanị nị.

Odeyi 19:4

Dị Ịpọọrụ ka, “Ịjọọnụ vị ana aa mẹ̀ ọyịhwọzenyi yị aza ene èe ro ịnẹ varẹma hụụnị ịvị ẹnịnị. Dị aa kà a yị Anisirẹrị ka ẹ̀ dọ ọza ana aa vẹ ịrẹma anị wụ́. Ọza ọnọọ ọ vị Ijeesu Ikirisiti nị.”

Imatiwu 3:13

Ịnị ụmẹ ọnọọ Ijeesu ộ hụrị Igariri vẹ Ijodani ve tu Ịjọọnụ kà ọ̀ hụ́ ọnị enyi.

Ịjọọnụ 1:30

Ọza ọnị mị vịdị aa kà ịrẹyị anị yị ka: ‘Â nyị ọza ana aa vẹ ị́rẹma amị; ama oni o huna mị nị, agụvị ka o si kù ọnị ọ hụrẹ yà ịzọọ dị a va yẹ ka aa ma mị.’

Ịjọọnụ 1:32

Ịjọọnụ ộ dọ ivenu tụ́ ọọ ka, “Mê re ka Ụhwẹ Ọnịnị ee chíi hụrẹ ẹbẹẹba vẹ anka arivadi avọọ, dị ọ va yà a ịrẹsụ nị.