Ịjọọnụ 1:3 - IWE ỌNỊNỊ

³ Ini oze Ịrẹyị ọnọọ Óhomorihi zị mẹ avaba ịsa nị. Ịnị avaba ịsa oni Ohomorihi tụ́ saka-saka ẹ yị nyị ikonya ẹnẹ ẹ̀ yị vị ini oze Ịrẹyị ọnọọ ọ yà tụ́ ọọ.

Ịjọọnụ 1:3 Referans Kwoze

1 Anịkọrịntị 8:6

Ohomorihi ọnya ẹyị yẹ nị. Ọnị ọ rẹ vị Ada ayị nị. Ọnị ọ mẹ avaba ịsa nị, ọnị ị yàra yị nị. Ananyị yị rẹ vị ikonya chọchọchọ. Ọnị ọ vị Ijeesu ohinọyị oni Ohomorihi nyị ka ọ̀ dọ yị há nị. Ini oze anị Óhomorihi yà mẹ avaba ịsa nị. Ịnị ụvọ anị ẹhẹ ayị rẹ yà nị.

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.

Ahẹ Ụgama 33:6

Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị. Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.

Oyinyima 1:26

Di Ohomorihi va ka, “Jẹẹ ya mẹ ọza vene ẹngụ ayị, dị ẹ̀ yà anka ị mẹ̀ yà. Ẹnị ẹ vaa vị ohirẹsụ ivovo ene hi ini enyi ọnịrị inomi ene hi ẹbẹẹba ne beri avaba uye nịnị, oweyi, ọbanyị, ini eehi ọnịrị ịnị avị.”

Ịjọọnụ 1:10

Ọza ana vị Etohweyi obooro ọnọọ ọ vavẹ ịnị ẹhẹ; ini oze anị Óhomorihi hyakụ yà mẹ ẹhẹ nị, ama anẹhẹ ẹ yị va yẹ ẹ.

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ayịsaya 45:12

Ọ kà ọnị ọ mẹ ẹhẹ, dị ọnị mẹ aza ene hi ini anị nị. Ọnị ọ sị ụkata anị gara ẹbẹẹba kụ, dị ọnị sị ụvọ za ọyị, ụhwẹ ọnịrị ụzọmị nịnị nị.

Ahẹ Ụgama 102:25

Dị mị rẹ ka hụrẹ ụmọrụmọ ọnị ọ sị ẹhẹ ọnọnị jẹẹ hị́, ọnị ọ rẹ mẹ ẹbẹẹba nị.

Anẹhwẹsọsị 3:9

Ohomorihi ọ rẹ mẹ mị ka ma sị zụ̀ aza, dị è re e Óhomorihi mẹmẹ aa mẹ̀ ịsa ọnị ọ vịdị mẹ eto anị tịtẹ. Hụrị ụmọrụmọ dị a va yẹ ka aa mẹ ẹhẹ, Óhomorihi ana mẹ avaba ịsa hụrẹ sị ịsa ọnọọ tẹ nị.

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Ụhịrẹyị 8:30

Ọnị vị ana jẹẹ pe e anka ọza ana sị jị ọga tụ ịnị ụkọrọ avọọ. Ọnị ọ mẹ ka ayị Ohomorihi oo hine eyinị-eyinị nị, dị ọnị nyẹmba aa jẹ pooro kẹnẹ ịdị anị nị.

Ịjọọnụ 1:2

Hụrẹ ụmọrụmọ ọnọọ, Ị́rẹyị ọnọọ hụrẹ yà ịdị Ohomorihi nị.

Anihiburu 11:3

Agụvị ka Yáa sị ayị tụra Ohomorihi, ọnị ọ mẹ ka ya zụ yẹ ka ịrẹyị Ohomorihi ọ sị mẹ ẹhẹ nị; ọnị ọ vị ka ịsa ene hi ịnị ẹhẹ ọnị yaa sị eyi ayịị re aanị, vị ana hụụnị ịsa ọnị ọza ọ̀ yị zụ sị eyi re vẹ.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ: