Ịjọọnụ 1:27 - IWE ỌNỊNỊ

²⁷ Ọza ọnọọ mị ka aa vẹ ị́rẹma amị nị; mẹ yị hyakụ yà ọza ana a vọrọ ka ọ̀ ngwa adava hụụnị ahụ anị.”

Ịjọọnụ 1:27 Referans Kwoze

Ịjọọnụ 1:30

Ọza ọnị mị vịdị aa kà ịrẹyị anị yị ka: ‘Â nyị ọza ana aa vẹ ị́rẹma amị; ama oni o huna mị nị, agụvị ka o si kù ọnị ọ hụrẹ yà ịzọọ dị a va yẹ ka aa ma mị.’

Iruuku 3:16

Agụvị avọọ dị Ịjọọnụ kà a yị avaba ẹnịnị ka, “Ịzẹyịza, ẹmị aa sị enyi mẹ̀ ọyịhwọzenyi yị wụ nịnị, ama â nyị ọza ịnya ana vaa vẹ ị́rẹma amị, ọza ọnọọ ọ nyị ụkata hu mi ẹtẹẹtẹrẹ nị. Mẹ yị hyakụ yà ọza ana a vọrọ ka ò nyima, dị ọ̀ ngwa adava hụụnị ahụ anị. Ọnị vị ana vaa sị Ụhwẹ Ọnịnị beri ịra hụ́ nịnị enyi

Ịmaakị 1:7

Ọ màa kà ịrẹyị Ohomorihi, dị ọ ka, “Â nyị ọza ịnya aanị ana vaa vẹ ị́rẹma amị. Ọza ọnọọ ọ nyị ụkata hu mi ẹtẹẹtẹrẹ nị. Mẹ yị hyakụ yà ọza ana vọrọ ka ò nyima dị ọ̀ ngwa adava hụụnị ahụ anị.

Imatiwu 3:11

Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Ịjọọnụ 1:15

Ịjọọnụ ộ vịdị kà ịrẹyị anị yị aza. Aa nọọ ka, “Ọza ọnị mị vịdị aa kà ịrẹyị anị yị, ka aa vẹ ị́rẹma amị, ama ọnị o huna mị nị, agụvị ka o si kù ọnị ọnị hụrẹ yà ịzọọ, dị a va yẹ ka aa ma mị.”

Odeyi 19:4

Dị Ịpọọrụ ka, “Ịjọọnụ vị ana aa mẹ̀ ọyịhwọzenyi yị aza ene èe ro ịnẹ varẹma hụụnị ịvị ẹnịnị. Dị aa kà a yị Anisirẹrị ka ẹ̀ dọ ọza ana aa vẹ ịrẹma anị wụ́. Ọza ọnọọ ọ vị Ijeesu Ikirisiti nị.”

Oyinyima 14:23

ka ọnị ẹ yị vaa sị owu ihihine ọnya àa vị obo adava. Ọ kà a yị nyị ịsa anị ikonya ọnị ọnị aa sị. Ọ kà ọ yị va naa kà a ka ọnị mẹ ka Abụramị ọ̀ nyị ụbanyị nị.

Ịjọọnụ 10:41

Dị aza ọrụrụ-ọrụrụ rẹ ká a nọ ịzọọ nị. Dị ẹ ka, “Ịjọọnụ ọ yị mẹ̀ ụkọrọ apọtẹrẹwa, ama avaba ịrẹyị ọnị ọnọrụ ọnọnị kà vị ịzẹyịza.”

Odeyi 13:25

Ị́jọọnụ màa vaa zị ụtụ anịị ta, di o họ̀ use ka ẹnẹ aza ro ka ọnị ộ vị nị. Dị ọ ka ẹ yị vị ọnị vị ọza ana aza ee zí eyi. Ọ kà, Re! Ọza ọnọọ aa vẹ ịrẹma anị, ọnị ọ yị yà ọza ana a vọrọ ka ọ̀ ngwa adava hụụnị ahụ anị.