Ịjọọnụ 1:1 - IWE ỌNỊNỊ

¹ Hụrẹ ụmọrụmọ, dị a va yẹ ka aa mẹ ẹhẹ, Ịrẹyị Ohomorihi hụrẹ yà ịzọọ nị. Ịrẹyị ọnọọ vị ana yà ịdị Ohomorihi, Ịrẹyị ọnọọ gẹdẹ-gẹdẹ vị Ohomorihi.

Ịjọọnụ 1:1 Referans Kwoze

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Ịjọọnụ 17:5

Ọga, sị igirima yị mị ị́dị awụ, igirima ọnọọ ọnị mị nyị, m mẹ̀ yà ịdị awụ hụrẹ ụmọrụmọ, dị a va yẹ ka aa mẹ ẹhẹ.

Ẹtore 19:13

Di o chire awuru ana a jị ngụ anya nị. Ịrẹha ana aa hị́ ọ, ọ vị “Ịrẹyị Ohomorihi” nị.

Anikorasi 1:17

O si kù ọnị ọ hụrẹ yà ịzọọ, dị a va yẹ ka aa mẹ avaba ịsa. Ọnị ọ za avaba ịsa jẹẹ nị

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ẹtore 22:13

Ọnị ọ vị Arịhwa ọnịrị Omega nị, ọnị ọ vị ka ọnịpaapa ọnịrị ọdịrẹma, ọdọvịdị ọnịrị ọdịrẹma.

Ịjọọnụ 1:2

Hụrẹ ụmọrụmọ ọnọọ, Ị́rẹyị ọnọọ hụrẹ yà ịdị Ohomorihi nị.

Ẹtore 1:8

Ohomorihi Ananyị yị Ochẹtẹngụ, ọnị ọ yà ịzọọ hụrẹ ụmọrụmọ dị a va yẹ aa mẹ ẹhẹ nị. Ọnị ọ yị yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị. Ọ kà, Ọnị ọ vị ọnịpaapa ọnịrị ọdịrẹma nị.

Anihwiripi 2:6

Ikirisiti vị ana yà anka Ohomorihi avọọ, ama ẹ yị sị ahụ kà aba ka ọnịrị Ohomorihi ọ̀ọ mẹ ọpa.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Ẹtore 21:6

Dị ọ ka, “A sị ọọ mẹ! Ẹma vị Arịhwa ọnịrị Omega nị, ọnị ọ vị ka ọnịpaapa ọnịrị ọdịrẹma. Ọza ene enyi àa kụ̀, mị vaa sị enyi ene ee sìi hụụnị enyi ẹtẹ anaā mẹ ka ọza ọ̀ yàra pooro zịna-zịna, yọ ọọhẹ.

Anihiburu 13:8

Ijeesu Ikirisiti yị vị ọnyọọnya ẹẹrị ọnịrị ajịnị ne beri pooro zịna-zịna.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

Ịjọọnụ 16:28

Ịzẹyịza, ịdị Ada amị mị hụrẹ dị mị vẹ ịnị ẹhẹ nị. Mị raa hụụnị ẹhẹ, dị ma nọ ịdị Ada amị.”

Ẹtore 1:17

Ịjị mi re e, dị mị hyẹdụ nya ẹtẹ ọ́vịdị anị anka oku avọọ nị. Dị ọ sị ụvọrị anị tụra mị, dị ọ ka, “Asị ụ hí angwa; ẹma vị ọnịpaapa ọnịrị ọdịrẹma nị.

Ịjọọnụ 20:28

Dị Ịtọmọsị tụ́ ọọ ohi, dị ọ ka, “Ananyị yị, Ohomorihi amị!”

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Anihiburu 7:3

Imerikizẹdẹkị ọ yị nyị ada, à vị ọnyị, ọ yị rẹ nyị ịpa ịrẹsụ ọnyọọnyị. Ẹ́ yị nyị ka ẹkụhị aanị-aanị a sị maa nị, ẹ́ yị rẹ nyị ka ịhị aanị-aanị o sú nị. Vị ọ sị mẹẹ anka Ozi Ohomorihi avọọ nị, ọnị ọ vị ohirẹsụ ọbanyị irehi Ohomorihi pooro nị.

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:

Anẹhwẹsọsị 3:9

Ohomorihi ọ rẹ mẹ mị ka ma sị zụ̀ aza, dị è re e Óhomorihi mẹmẹ aa mẹ̀ ịsa ọnị ọ vịdị mẹ eto anị tịtẹ. Hụrị ụmọrụmọ dị a va yẹ ka aa mẹ ẹhẹ, Óhomorihi ana mẹ avaba ịsa hụrẹ sị ịsa ọnọọ tẹ nị.

Ẹtore 1:2

Ịjọọnụ ộ chẹrẹ ịrẹyị oni Ohomorihi kà, di Ijeesu Ikirisiti dọ ivenu tụ́ ọọ tịtẹ, ọnịrị avaba ịsa oni o re.

1 Ịjọọnụ 5:7

Onivenu vị ẹẹta ana dọ irenu ịrẹyị ọnọọ.

Aniroomi 9:5

Ịdị ẹnịnị ohiku ayị chị hụrẹ vẹ nị. Anka ọzarẹyịrẹsụ, ịpa ẹnịnị Óhinọyị oni Ohomorihi nyị ka ọ̀ dọ yị há chị hụrẹ vẹ nị. Ọnị ọ̀ vị Ohomorihi avaba aza nị, ọnị ị vaa sị ụgaa yị pooro nị. Aamị.

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ahẹ Ụgama 45:6

Ohomorihi, ẹwa vị ohinọyị pooro zịna-zịna nị Ịzẹyịza ẹwụ vaa sị mẹ ohinọyị awụ nị.

Ẹtore 2:8

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ịsịmụna ka: Ọza ana vị ọnịpaapa ọnịrị ọdịrẹma, ene sú dị ọ rẹ varẹma yàra, ọ tụ́ ụtụ ọnọnị nị.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Iruuku 24:53

Dị ẹnịnị ne hi ini irehi Ohomorihi pooro, dị ẹyaa sị ụgaa yị Ohomorihi nị.

Ịjọọnụ 8:58

Dị Ijeesu kà a yị wa ka, “Ịzẹyịza m maa kà a wụ nịnị nị, dị a va yẹ ka aa ma Abụrahamị, mị hụrẹ yà ịzọọ nị.”

Anikorasi 1:15

Ikirisiti ọ vị uhwoto Ohomorihi oni yè yi re nị. Ọnị ọ vị ọọnyị nị, ọnị ọ vị ọzọkụ yị avaba ịsa oni Ohomorihi mẹ nị