Ijona 4:3 - IWE ỌNỊNỊ

³ Avọọ, dị ọ ka yị Ẹnẹyịmavara kà ọ dọ ọnị ụhwẹ nị. Dị ọ ka óo vene zoza ka ọnị ò su hụụnị ka ọnị ọ yàra.

Ijona 4:3 Referans Kwoze

1 Ohinọyị 19:4

di Erija ọnị si hu aa nọ ịnị ọpaapara nị. Ộ zị gọdọ ịnị ọpaapara ọnọọ tù ẹhụ ụsẹ ẹkụhị ọnya avọọ. O mè ne si tù iruvo ọchị ọnya aanị ana aā hi irotemi, dị ọ yaayịtẹ iruvo ọchị ọnọọ, dị ọ ka à kà ka oni ò sú nị. Dị ọ kà, “Ẹnẹyịmavara, ọsọnị ọ sị vị ẹnẹmẹhị, navọ wa sị ụhwẹ amị. Vị ẹmị wéé vene zoza huna ohiku amị nịnị nị?”

Ịrẹyị Ọzwọzịsa 7:1

Ọza ọ rị ịrẹha ọyịza o zoza huna agụ eturare ene zoza nị. Ẹkụhị ọnị ọza sị su o zoza huni ẹkụhị ana a sị ma a nị.

Ịrịka 11:15

Imosiisi ka aa vị aanị Ẹnẹyịmavara mẹ vaa mẹ̀ ọnị nị, ọ vana mẹ ka ọ wụ ọnị dị ọnị ọ hụụnị ụya.

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.

Ịrịka 20:3

Dị aza aa zyaazị hi Imosiisi ka, ẹnị ee vene su beri anda ẹnịnị ene su ọvịdị Ẹnẹyịmavara ọ gụ yị ẹnị nị.

1 Anịkọrịntị 9:15

Mị yaanị re oze họ̀ use ịsa ẹnẹnị, ama me yi sì ka me họ̀ use anị. Ẹ yị rẹ vị agụvị mee re ịsaa dọ, mị sị sị aa chẹrẹ iwe ọnọnị. Ọ̀ọ sị kà ọnị ọza va naa dọ mị ịsị maa sịị mẹ ụbanyị, mèe vene sú, ộ dahi.

Ijeremaya 8:3

Ẹnẹyịmavara Ochẹtẹẹngụ ka, ẹnị anaa vọ ịpa evere aza edivi ẹnẹnị aha tụra aha ịzị ọnị ọọ dụ wa ne hi, vanaa va ụva isu ka aayẹ ẹnị è vene su.

Ijona 4:4

Dị Ẹnẹyịmavara kà ọ́ọ́ vọrọ ka ọ maanị du ayị?

Ịrẹyị Ọzwọzịsa 7:9

Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị.