Ijona 2:2 - IWE ỌNỊNỊ

² Dị ọ ka, ịnị ẹngụkata anị ọnị ộ hị́ Ẹnẹyịmavara, dị ọ wụ́ aduwa anị nị. Ịnị akakana isu, ọnị ộ hị́ Ẹnẹyịmavara, dị ọ wụ́ ọngwẹ anị nị.

Ijona 2:2 Referans Kwoze

Ahẹ Ụgama 120:1

Ẹngụ amị mẹ̀ kata di mi nowu na za Ẹnẹyịmavara, dị ọ ba mi owu nị.

Ahẹ Ụgama 34:6

 nyị ọnụyọrị ọnọọ o mè nowu na za Ẹnẹyịmavara, dị ọba a owu nị Dị Ẹnẹyịmavara vavọọ dọ ọ hụụnị avaba akanya anị nị.

Ahẹ Ụgama 86:13

Wê sì ịrẹyị amị ọnị ọza ọ̀ yị zụ kà. Wa sị mị dọ tụ́ hụrẹ ụvọ isu.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

1 Ịsamụwẹrị 30:6

Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

Ahẹ Ụgama 116:3

Mâ nyị ẹngụkata ọnịrị ayodu ana ahịka ọ sị vọ chee me wusu. Mị ka ọ sị vọ hwẹ̀ à raà sị mị ne chire ẹtẹ.

Ahẹ Ụgama 22:24

Ohomorihi ọ yị mẹ onosiye isiya, ộ tamayị aza ana aa rị ụya. Aza ana aa rị ụya mè nowu na za Ohomorihi ọ yị kà ka oni o yi tụ́ òhi ama ọ na ba wa owu.

Ahẹ Ụgama 4:1

Navọ màa hị́ wụ̀ wa ba mi owu ẹwụ Ohomorihi ene re ka mẹ yị mẹ̀ ịsa odivi. Wéē re ẹngụkata ene tù mị, navọ wa sị ẹngwọọrọ yị mị. Navọ wa vayị amị dị wa wụ́ aduwa amị.

Iruuku 22:44

Ayị Ijeesu o si du ẹtẹẹtẹrẹ, dị aa mẹ̀ aduwa hu avọọ nị. Ẹhị ana aa tọ̀ hụụnị ẹngụ anịị hi ẹtẹ vị ana sị mẹẹ anka anya avọọ.]

Ayịsaya 14:9

Ẹ́wụ ohinọyị Anibabironi mèe chi nọ ini ikuta, dị avaba aneku nịnị wụsẹ kwẹẹtẹ giri ka ẹnị ọ̀ va gẹrị wụ nị. Dị aza ana vịdị vị ohinọyị ẹbanyị-ẹbanyị hi ẹhẹ ene wusu kwẹẹtẹ ka ẹnị ẹ̀ kụ́ ụ nyaasẹ nị. Mị ka Aza ana vịdị vị ohinọyị ẹbanyị-ẹbanyị hi ẹhẹ ene wusu mè re ka waa ngụ ini ikuta, vị ẹ kwẹẹtẹ hụrẹ udi ohinọyị ẹnịnị agụvị awụ nị.

Ahẹ Ụgama 65:2

Yâ yẹ ka ụụ̄ wụ́ ịpẹ agụvị avọọ avaba anẹhẹ vaa vẹ vaa dá ịpẹẹ wụ agụvị ịsa odivi ẹnị ẹ mẹ Ịvị ayị òo si chi yị ẹngụ, ụ vaa vagu yị ịnị anị.

Ahẹ Ụgama 61:2

Wéē re ka mẹ yị gụrị eehi vụrụ-vụrụ ịzị mị yà aa hị́ wụ aanị Ọ kụ́ mị tụ́, ộ ta du mi eyi Navọ we sì aha sị mị tẹ dị asị a nyị ịsị ẹ zụ mẹ mị.

Ahẹ Ụgama 16:10

Wẹ yị vaa hụrẹ mị ụvọọ chire iswọọza ụvọ wẹ yị rẹ vaa navọ ka ọza ana vị ọza awụ ò du ha hi ini ikuta.

Odeyi 2:27

ọ yị vaa navọ ka ma yà ini eku pooro. Ọ yị rẹ vaa navọ ka Ọza ọnịnị anị ò sú, dị ọ̀ vụ̀ ne ta.

1 Ịsamụwẹrị 1:16

Aarịhịnị asị u ro o ka ọnẹẹ odivi mị vị nị. Ịrẹyị ịnị ẹngụ amị ene ee du mi ayị ẹtẹẹtẹrẹ m maa dá ịpẹ anịị yị Ohomorihi nị.”

Arụwẹ 3:55

Ẹnẹyịmavara, hụụnị ịnẹ ụsị mị ya aa ta awụ ubo nị.

Ezikẹẹrị 26:20

Ẹnẹyịmavara kà ọnị vaa dụ wụ nịnị ngụ ụsị nee tu aza ene wusu hụrị ụmọrụmọ. Ọnị vaa mẹ ka ẹwụrị oku nịnị ẹ̀ kụkụ na ra hi iruvo ẹtẹ. Wẹ́ yị ma vana vavẹ ẹhẹ ọnọnị va ra nịnị.

Ezikẹẹrị 31:14

Avọọ, hụrị ọyaanị na, ẹ́ yị ma vana nyị ọchị ọnyọọnyị anaa vanaa maanị hụ, ọ̀ọ́ daka hú enyi pooro. Ọchị ọnyọọnyị ẹ́ yị ma vanaa vavọọ nẹba. Avaba ẹnịnị vị ene vee súu ha anka ọza ịrẹyị ịrẹsụ mẹẹ nọ iro avọọ.

2 Ịtọpa 33:12

Ịjị ụya sị hụ ọ, dị ọ ka ẹngụ chi di o ro ịnẹ vaka Ẹnẹyịmavara ana vị Ohomorihi anị, dị ọ da ịpẹ ka ọ mẹ̀ ọgụvọ yị ọnị nị.

Iruuku 11:10

Agụvị ka avaba ọza ene èe họ̀ use ịsa, aā sịị yọ; ọza ene èe sì ịsa, oō re e; ọza ana àa rẹ sị ụvọ ká oze, a vaa na oze yọ.