Ijona 1:5 - IWE ỌNỊNỊ

⁵ Ịjị aza anaā sịị ẹpa zị vavọọ re e, dị angwahi sị ngụ wa ẹngụ nị. Dị aza ene hi ịnị ẹpa ẹ yaa ta ori ẹnịnị ubo ka ẹ̀ va gụ ẹnị ụvọ nị. Dị anụkọrọ ẹpa ọnọọ kụ́ ẹnya ene hi ịnị ẹpa ne và hi enyi agụvị ẹpa ọ hẹ̀rẹ̀, dị asị o chi ngụ enyi nị. Ịnị ụmẹ ana aa kà aanị, ara ọ sị Ijona dọ tụ́ iruvo ẹpa ịzị ọ hụtẹtẹ tụ́.

Ijona 1:5 Referans Kwoze

1 Ohinọyị 18:26

Ịzẹyịza dị ẹ sị imaaru ana a sị yị wa, dị ẹ mẹ̀ ẹ nị. Dị ẹnịnị hí Ịbaarị pooro hụrẹ ẹnẹnẹ ne tù oruva nị, ẹ yaa hí Ịbaarị, tụ́ ohi dê, ama Ịbaarị o yi zụ tụ́ ohi ọnyọọnyị. Dị ẹnịnị ee jii jịnẹ ụta ịsọvọ ẹnị ẹ mẹ nị.

Ijeremaya 2:28

Ama ịzị ori ọnị ụ mẹ yị ẹngụ awụ nịnị hi? Jẹẹ ẹ̀ kwẹẹtẹ kẹ, ẹnịnị ẹẹ zụ dọ wu nịnị tụ ịnị ụmẹ ẹngụkata awụ nịnị; ka ẹwụ nịnị Anijuda, ẹkụra awụ nịnị mẹ rụrụ, avọọ ori awụ nịnị mẹ rụrụ nị.

Ayịsaya 45:20

Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ.

1 Ịsamụwẹrị 24:3

Ẹ maà na ózee, e ne tù ịzị aā kụ́ atẹmẹẹ hi. A nyị ụtẹha ọnya aanị ịzọọ. Dị Ịsọọrụ ngụ ọ ka ọnị ọ̀ na vara ahụ nị. Idevidi ọnịrị aza anị ẹnị hi ịrẹma-ịrẹma ụtẹha ọnọọ.

Ọdọvịdị 16:19

Dị Iderira mẹ̀ ka Ịsamịsịnị ọọ sụ ara tụra ọnị ahụ, dị ọ kà yị ọnọrụ ọnya ka ọ sị ịrẹkụ kụ ọ ẹyị anị avụsụ ịhịmba ẹnẹẹ kwooze nị. Ịjị a vavọọ raà kụ ẹyị anị, dị ụkata anị ta, dị Iderira sị obo sụ ọ tịtẹ,

Odeyi 27:38

Ịjị ẹ sị ịsa rị, dị ẹ kụ́ akụ ana vọ và hi enyi agụvị ẹpa ọ̀ hẹrẹ nị.

Imatiwu 26:45

Dị ọ vavẹ ve tù ezirẹma anị nị, dị ọ kà a yị wa ka, “Ụ waa yịị sụ ara nịnị, dị ụ raa tụ́ ụhwọ́ nịnị nị? Re, ụmẹ o si tù, aa vaa sị ẹmị Ozi ọza onigirimaa chire ọnịvị amị nịnị ụvọ.

Imatiwu 26:43

Íjeesu mẹ̀ rẹ vẹ, di o re ve tù ka ẹ rẹ yaa sụ ara nị, agụvị ka ara ee hine wa ẹtẹẹtẹrẹ.

Imatiwu 25:5

Ọva ọnẹẹ ọnọọ o yi jintu vẹ, dị ara ee hine ezwoorihi ẹnẹẹ, dị ẹ na sị sụ̀ nị.

Ijona 1:16

Dị ịsa ana mẹ̀ aanị chire anụkọrọ ẹpa ọnọọ angwahi ẹtẹẹtẹrẹ, dị ẹ mẹ̀ ịsọvọ yi Ẹnẹyịmavara. Dị ẹ zẹ Ẹnẹyịmavara ịzẹzẹ ọrụrụ-ọrụrụ nị.

Ijona 1:14

Ịjị enyi sị da wa ụvọ, dị e yee nowu hí Ẹnẹyịmavara kà ọ̀ navọ asị o vu ẹnị ẹtẹ agụvị ọnọrụ ọnọnị nị. Dị asị o kune ẹnya ịvị isu anị gẹ ẹnị ọbẹ. Dị ẹ ka ẹnị ệ yẹ ka ịnị ụvọ anị akanya ọnọnị hụrẹ vẹ nị. Ẹnẹyịmavara vị ana mẹ̀ ịsa ò me zee e eyi.

Ijona 1:6

Ohirẹsụ anụkọrọ ẹpa ọnọọ ô nee tù Ijona ịzọọ, dị ọ hā a kwẹẹtẹ nị. Dị ọ ka, ọ̀ mẹmẹ nyẹngụ maanị aa sụ̀ ara isu? Dị ọ ka ọ kwẹẹtẹ dị ọnị ọ rẹ hị́ ori ịrẹsụ anị ka ọ̀ va gụ ẹnị ụvọ nị. Dị ohirẹsụ ẹpa ọnọọ kà, ẹnẹ yẹ, ẹyịyara ọ vaa vayị ẹnịnị, dị ọ dọ ẹnị ha hụụnị ụvọ opomi ọnọnị.

Ihoseya 7:14

Ẹnẹyịmavara kà ẹnịnị ẹ yị sị ayị ọnya na owu hi ọnị ẹngụ. E hi ịrẹsụ ode ẹnịnị aa jị òrèrè kẹnẹ nị. Ẹnịnị vị anaa sị ịsa na ẹngụ ẹnịnị yị ori anikinami ka ẹ mẹ̀ ịsa ịnị aarẹ nịnị zoza, dị ẹnị ẹ nyị akụ ọnịrị eche.

Ijoovu 2:4

Dị Echu tụ Ẹnẹyịmavara ohi ka, ẹ yị nyị ịsị ọnị ọza ọyị zụ sị zune ụhwẹ anị. Sị ụvọ kanyị ọchẹngụ anị kẹ!

Ahẹ Ụgama 107:25

Ohomorihi mẹ̀ kà ịrẹyị, dị ahị nyima aa tụ́ dị òkū nyima aa dà nị.

Ahẹ Ụgama 148:8

Ẹwụ nịnị apaana ihinẹba ọnịrị ata ihinẹba ne beri eguhi ọnịrị opomi ana aā zị ụtụụ yi Ẹnẹyịmavara ọ̀ọ kụ́ ọ avọ nịnị.

Ịrẹyị Ọzwọzịsa 3:6

Aa nyị ụmẹ ene e sii hèe ịsa, dị a nyị ụmẹ ọnị ịsa sii vu nị. Aa nyị ụmẹ ana a sịị sị ịsa tẹ, dị a nyị ụmẹ ene e sii ne ịsaa ta nị.