Ijeremaya 9:11 - IWE ỌNỊNỊ

¹¹ Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Ijeremaya 9:11 Referans Kwoze

Ayịsaya 25:2

Wâ za ẹkụra ọnọọ wa sị ọ jị eburu. Wê wu ọvọ ana jị kara ẹkụra hi ẹtẹ. Ẹkụra azọga ana vịdị nyị ụkata ệ ta. Ọza ọ mā vana tenyi ọ dà.

Ijeremaya 51:37

Ẹtẹ Ịbabịrọnị vaa jị eburu dị ahịka uye ịnị avị ẹ kụkụ ra ịzọọ nị. Ịrẹyị anị vaa mẹ ayịị hụrị aza ịnẹ, ẹtẹẹtẹrẹ èe re e, dị ọ kụkụ aa nyị ọza ịhyẹrẹ. Ọza ẹ́ yị ma vana ra ịzọọ.

Ijeremaya 10:22

Sị ụtọ pe ẹtẹ nịnị! Enube ộ vẹ. Ẹ naa wụ̀ isoja nịnị ịrẹka ẹtẹ Ịbabịrọnị. Ẹnịnị aa vaa hụ azaa hụrị ẹtẹ Ijuda, dị ọ kụkụ vị aha ọnị irezi ịnị avị nịnị kụkụ ra nị.

Ayịsaya 34:13

Avị edivi ọnịrị ikeyi e venee nyii hi ịzị irehi ẹbanyị-ẹbanyị ọnịrị irehi ana aza naa tẹ ẹnị vịdị hi nị. Uye edivi ọnịrị inomi nịnị e venee hi ịzọọ nị.

Ayịsaya 13:22

Ọdụmị ọnịrị uye edivi vi ene vee hi ini irehi ẹbanyị-ẹbanyị ịyẹẹyẹ di eyee nowuu ngụ ịzọọ zị. Ụmẹ ọkarẹyị Ịbabịrọnị o si tù, ẹkụhị anị ọ yị kuku noze.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Arụwẹ 3:47

Angwahi ọnịrị ayịhụrịnẹ a vaa wụ̀ yị. Ọnịvị ayị ẹ kụ yị wụ̀; e ree vu yị ẹtẹ.

Arụwẹ 2:2

Ananyị yị ẹ yị vayị Anijuda nịnị, ọ sị wa vú ẹtẹ. Ọ raa sị ọyịkụ gara aha ọnị ẹnịnịị tẹ̀ẹ ha. Dị ọ mẹ̀ ụhị nyị ẹnịrị ohinọyị ẹnịnị nị.

Ijeremaya 34:22

Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 25:11

Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ahẹ Ụgama 79:1

Ohomorihi, wéē re anẹkụra ẹhịmị ẹnẹnị ẹnị ẹ̀ yị yẹ wụ mẹ̀ vẹ dị ẹ kụ́ ịrẹkụ ve tụ́ aza ọnị ụ sị mẹ aza awụ. Ệ za irehi awụ, e si o du ẹngụ, dị ẹ za Ijerusarẹmị dị ẹ jị ọ eburu nị.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Imika 1:6

Ẹnẹyịmavara kà Anịsamarịya vị ọnị ọnị vaa vara itutuu tụ́ ịnị avị ịzị aza aa dà aarẹ tụ́. Ọ kà ọnị vaa jị ẹkụra ọnọọ eburu, dị ọnị kụ́ eburu anị na và hi ini ozi. Ọ kà ẹkụra ọnọọ vị ọnị ọnị vaa tụ́ ahwaahụ.

Ijeremaya 26:9

Ẹ ka, sị ẹ vẹ dị ọ ka Ẹnẹyịmavara ọ tụ ọnị ka ọnị ọ̀ kà a ka, irehi Ohomorihi ẹnịị vaa yà anka Isiro? Sị ẹ vẹ dị ọ ka e vee vu Ijerusarẹmị ẹtẹ dị ọza ẹ yị ma vana ra ịnị anị? Ijeremaya ka, dị aza họ̀gụ kara ọnị nị.

Ijeremaya 25:18

Ọnị ộ sị ọ ne tu Anijerusarẹmị ọnịrị avaba ẹkụra ene hi Ijuda, beri ohinọyị ẹnịnị ọnịrị ọdọvịdị ẹnịnị, dị á mẹ ka avaba ẹnịnị è hú ịnị anị nị. Dị ẹnịnị hụ́ hụrị ẹkụra nị. Aza ene re e vị ọnị ọ́ za zizi dị angwa ee hí wa. Dị aza kụkụ aa sị ịrẹha ẹnịnịị chii hị́ aza pooro ve tu ajịnị nị.

Ayịsaya 44:26

Ama ozi ahụ amị ọ̀ọ kà ịrẹyị tịtẹ ka ọ vaa mẹ, ịjị màa tụ ọnụtụ amịị tụ ka ọ̀ na kà a ịsị mị vaa mẹ, Mịị̄ mẹ ka ịrẹyị ẹnẹẹ ẹ̀ mẹ ịzẹyịza. Mâ kà a yị Ijerusarẹmị ka aza vanaa ra ịzọọ, dị mị rẹ kà a yị ẹkụra ene hi Ijuda ka e venee tenyi wa dà nị. Mị ka ẹkụra ẹnẹẹ ana jị eburu aanị vanaa kwẹẹtẹ.

Inehemaya 4:2

Ộ ya eyi ọta anị nịnị ọnịrị ọga isoja Anịsamarịya nịnị aa kụ Aniju nịnị ụhụ. Dị ọ ka, sị Aniju ọkụmị-ọkụmị ẹnẹnị ro ka ẹnị aa mẹ kẹ? Vị ẹnịnị wee sì ka ẹnị ẹ̀ tụra ọvọ ẹkụra ọnọọ nị? Vị ẹnịnị wéé ro ka ẹnị ẹ̀ẹ mẹ̀ ịsọvọ ẹnị ẹ zụ mẹ̀ ụkọrọ ọnọọ ta ẹkụhị ọnya nị? Vị ẹnịnị wéé ro ka ẹnị ẹ zụ kụ ịrẹta hụụnị eburu ọnọnị dị ẹnị varẹma sị tụra ọvọ ọnọọ nị?

Ẹtore 18:2

Dị ụkata-ụkata nowu tụ́ ẹba ka: Ịbabịrọnị ọ sị hyẹdụ. Echu ọnịrị ụhwẹ echu irenyi-irenyi e kuku hi ịnị anị nị. Inomi edivi irenyi-irenyi kẹnẹ e kuku hi ịzọọ nị.

Ireevi 26:32

Ẹnẹyịmavara kà ọnị vee vú ẹtẹ ẹnịnị ẹtẹ saka-saka dị evu-ẹtẹ ọnọọ za ọnịvị nịnị ene ve hi ịzọọ zizi.

Ahẹ Ụgama 44:19

Ama wâ za yị wâ pa ịva yị, dị ụ vara ẹkụra ayị ịzị uye ediviī hi nị dị ụ kụkụ navọ yị hi ịnị ịrahụ nị.

Ijeremaya 1:15

Ẹnẹyịmavara kà ọnị aa hị́ avaba anẹkụra ene hi eyi ẹbẹẹba ẹnịrị ohinọyị ẹnịnị. Ohinọyị ẹnịnị vaa vẹ dị ẹ yaatụ ịnị oze ovwoovu Ijerusarẹmị, dị ẹnịị ta kara ọvọ ana jị kara a. Dị ẹ rẹ vavọọ ta kara ẹkụra ana vọ hi Ijuda bemi-bemi.

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ijeremaya 44:2

Ẹnẹyịmavara Ochẹtẹẹngụ, Ohomorihi Anisirẹrị ka, ẹwụ nịnị ụvọta ô ré ọnị mẹmẹ vú Ijerusarẹmị ọnịrị ẹkụra ana vọ hi Ijuda ẹtẹ, ọ ka, vá ngụ ọyaanị ẹnịnị vị ana yị jị eburu va hi ẹtẹ, dị ẹ̀ yị nyị ọza ana ra ịzọọ.

Ijeremaya 49:33

Ẹnẹyịmavara kà, Ịhazọ vị ọnị ọnị vaa tụ osusu paa dị ahịka irezi ịnị avị ẹ vanaa ra ịzọọ ọnị. Ẹ́ ma vana nyị ọza anaa vanaa ra ịzọọ.

Ijeremaya 50:3

Ẹkụra ọnyara ọ́ raa kụ́ ịrẹkụ hụrị eyi ẹbẹẹba e vee tu Ịbabịrọnị. Ọ vaa tụ ọ osusu. Aza ẹnịrị ịsụpa vee zwèe hụ ịzọọ. Ẹ́ ma vana nyị ọza ana vaa ra ịzọọ.

Arụwẹ 1:4

Avaba oze Ijerusarẹmị aa zị ẹngụ ka ẹ yị ọza ana aa zị ẹnị. Avaba Oze ovwoovu ọbanyị anaā zịị ngụ ẹkụra vi osusu Ẹ yị nyị ọza ana kụkụ a vẹ ịnị irehi Ohomorihi vaa mẹ ahẹkẹ ẹkụhị eche. Ezi ẹnyẹnẹẹ anaā jị ahẹ ịnị irehi Ohomorihi kụkụ e sụ ùnè, dị ohirẹsụ irehi Ohomorihi nịnị eè rimanya nị. Ijerusarẹmị aa ba arụwẹ ọngwọọngụ.

Iwe Ọhụhị Imosiisi ana aa hị́ Ọyịvatụrọda 29:23

Ẹnẹyịmavara vaa sị ohuuru ọnịrị anọ du ẹtẹ awụ nịnị ha. Ẹ yị nyị ịsa ana zụ chire, dị ọ hyakụ va chị. Ẹ yị nyị avị ọnị ọza vee re ịzọọ. Ịzọọ vaa tụ́ osusu anka Isodọmị ọnịrị Igomora ne beri Adima ọnịrị Izeboyimi ọnị Ẹnẹyịmavara sị ọyịkụ-ọyịkụ vu ẹtẹ.

Ahẹ Ụgama 107:43

Aza ana àa yẹ ịrẹyị, ẹ̀ sị eyi pè ịrẹyị ẹnẹnị, di è re Ẹnẹyịmavara mẹmẹ sì ịrẹyị ọza na za.

Ijeremaya 8:22

Ọ kà, aanị ka ẹ yị kụkụ nyị ahọ̀nọ ẹtẹ Anigiriyadi? Aanị ka ẹ yị kụkụ nyị Idokita ịzọọ? Sị ẹ vavẹ dị ẹngụ aza anị ẹ̀ẹẹ yị va nịya?

Ijeremaya 16:10

Ọ kà Ijeremaya ọ̀ọ maanị kà avaba ịrẹyị ọnọnị yị wa, ẹnịnị vaa họ̀ use ka sị ẹ vẹ dị ọnị ka ọnị maanị aa sị ụyaa ọngwọọngụụ rị ẹnị aanị? Ẹnịnị vaa họ̀ ka sị ẹ vị ebira odivi ẹnẹ ẹnị rị ịvị anị kẹ? Sị ẹ vị ebira odivi ẹnẹ ẹnị mẹ hi Ẹnẹyịmavara Ohomorihi ẹnịnị?