Ijeremaya 8:17 - IWE ỌNỊNỊ

¹⁷ Ẹnẹyịmavara kà, re, ọnị aa tụ́ ẹ́wụ́ ana nyị ẹchịpa odivi vaa ngụ ịnị awụ nịnị. Ẹ vaa jị wụ nịnị ịrẹrụ. Ọza ẹ yị vaa zụ mẹ irere anị.

Ijeremaya 8:17 Referans Kwoze

Ịrẹyị Ọzwọzịsa 10:11

Ẹ́wụ́ ọ sị ọza jị ịrẹrụ dị a va sị irere vẹ nị, ọgụ sẹ kụkụ ya ịnị irere ọnọọ.

Iwe Ọhụhị Imosiisi ana aa hị́ Ọyịvatụrọda 32:24

Ụngwẹ vị ana vaa wụ̀ wa ha, dị ụkụ edivi-edivi za wa. Uye ịnị avị vị ana vaa va eyi ịrazị ka wa, Dị ẹwụ ẹnẹ ẹchịpa divi ẹ yaa mẹ wa.

Ịrịka 21:6

Ebira ẹnịnị, dị Ẹnẹyịmavara kụ́ ẹ́wụ́ odivi hi wa ẹhẹ, dị ẹ yaa da wa rị, dị ọrụrụ-ọrụrụ ẹnịnị ee su nị.

Ẹtore 9:19

Ụkata umaata ẹnẹẹ vị ana yà ịnị irenu ẹnịnị ọnịrị omu ẹnịnị. Omu ẹnịnị vị ana yà anka ẹwụ ana nyị ịrẹsụ avọọ. Ẹnị éyee sii che ọza nị.

Emọsị 9:3

Ẹnịnị ẹ̀ẹ na tẹ̀ ịrẹsụ ataba Ịkamẹrị, ọnị vaa sị wa hụụ ịzọọ. Ẹnịnị ẹ̀ẹ hyakụ na tẹ̀ iruvo òkū, di ọnị ka yị ẹ́wụ́ ka ọ̀ mẹ wa.

Emọsị 5:19

Ịhị ọnọọ vaa sị mẹẹ anka ọza òo zwe yi idu na gẹrẹ ọdụmị avọọ nị. Ô zwe na tẹ̀ ịnị eehi, dị ọ sị ụvọ tụra ugene, dị ẹ́wụ́ jị ọ ịrẹrụ nị.

Ayịsaya 14:29

Ọ kà ẹwụ nịnị Anihwirisiti, asị ụ na jẹ nịnị ka inori ana a vịdị ee sii tú wu nịnị o si che. Éwụ́ òo sú, ẹ́wụ́ ene divi hu avọọ aā chịị dọ ẹngụ anị ịrẹsụ nị. Ẹ́wụ́ edivi-edivi ẹẹ̄ chịị hụụnị ajẹ ẹ́wụ́ nị.

Ahẹ Ụgama 58:6

Ohomorihi, navọ we hu anyị hi ọnịvị ẹnẹẹ irenu Mị ka navọ wa jị ọgọ chire irenu aza edivi ana sị mẹẹ anka idu avọọ.