Ijeremaya 8:15 - IWE ỌNỊNỊ

¹⁵ Ẹ ka, ẹnị ê zi ẹngwọọrọ ọnịrị ụmẹ ẹngwohyahị eyi, ama ẹnị e yị ve re ọyịza ọnyọọnyị. Re, ayịhụrịnẹ kẹnẹ o hi ẹtẹ nị.

Ijeremaya 8:15 Referans Kwoze

Ijeremaya 14:19

Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Imika 1:12

Aza ene hi Imaroti ee zi ka ẹnị vee re ọyịza. Dị ahịka ịrẹyị odivi Ẹnẹyịmavara kụ́ tù wa nị. Ộ kụ́ ịrẹyị odivi ngụ eehi ve tù Ijerusarẹmị.

Ijeremaya 8:11

Ọ kà, ụvọ ẹnẹ ẹ yaa sị mẹ ụnava aza anị vị ana sị mẹẹ anka ọza oo rere họ̀rọ ẹngụ kẹnẹ avọọ. Aza yị hi ịnị ịrẹyị, ama dị ẹ ka, ẹ yị nyị ịrẹyị.

Ijeremaya 4:10

Ijeremaya ka, dị ọnị ka, tee! Ananyị yị Ohomorihi vị ụ vene aza ẹnẹnị saka-saka nọ. Waa kà a yị wa ka ẹngwọọrọ ọ vaa vị yị wa nị, ama ẹnị a vaa sị ịrẹkụ wụ vaa ha anị nị ọ.

Ijoovu 30:26

Ọyịza ọnị ee zi eyi nị, dị ahịka odivi ọ vaa vẹ nị. Etohweyi ọnị ee zi nị ama dị ahịka etohozi ọ vaa vẹ nị.

Ijeremaya 6:25

Ẹnị ẹ yị kụkụ nyayịnẹ nọ ịnị aarẹ, ẹnị ẹ yị nyayịnẹ vatụra oze, agụvị ka ọnịvị ẹnịnị ẹ kụ ụhwọ tụ̀, dị ọ kụkụ vị ẹnịrị angwahi eyi ụvọnị-ụvọnị nị.

Ijeremaya 12:12

Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ezikẹẹrị 7:25

Ịjị ụyọrị ọdẹngụ oo tu wu nịnị, u vee sì ẹngwọọrọ nịnị, wé yi vee re e nịnị.