Ijeremaya 7:16 - IWE ỌNỊNỊ

¹⁶ Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa. Asị ọnị hụvị ẹnịnị da ịpẹ yị ọnị agụvị ka ọnị ẹ yị vaa wụ̀.

Ijeremaya 7:16 Referans Kwoze

Ijeremaya 11:14

Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa; asị ọnị dá ịpẹ yị ọnị agụvị ẹnịnị, agụvị ka ọnị ẹ yị vaa wụ̀, ẹnịnị ẹẹ hị́ ọnị ịnị ụmẹ akanya ẹnịnị.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ọyịkụra 32:10

“Navọ mị dị ma nyayịnẹ mẹ ọyịkụ yị aza ẹnẹnị ẹtẹẹtẹrẹ, dị ma wụ̀ wa va ha. Dị ahịka ẹwụ mị kụkụ vara anẹkụra ọbanyị nị”.

Ijeremaya 18:20

Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Ayịsaya 1:15

Wàa kụkụ kụ́ ụvọ hi ẹba dị waa mẹ̀ aduwa nịnị nị, di mi jesi eyi kwooze. Òo zee e eyi wa mẹ̀ aduwa nịnị pooro, me yi vee tụ́ ohi, agụvị ka wa sị aza wụ̀ ha baaba.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.

Imika 3:4

Ẹkụhị ọnya u vee nowu ka Ẹnẹyịmavara ọ̀ ba wụ owu di o yi tụ́ ohi. Ụ́ màa mẹ̀ ebira odivi nịnị aanị, ụ vaa dá ịpẹẹ yọ di o yi tụ́ wu nịnị ohi.

Iwe Ọhụhị Imosiisi ana aa hị́ Ọyịvatụrọda 9:14

Asị ụ za mị jẹẹ; mee sì ka me vu wa ẹtẹ, dị ọza ẹ yị ma vana tamayị ẹnịnị paa. Mị vaa mẹ wụ ohiku ẹkụra ọsa ana vaa banyị, dị ọ nyị ụkata hu wa.

2 Ịsamụwẹrị 8:18

dị Ịbẹnaya ozi Ijehoyada ọ vị ọga Anikereti ọnịrị Anipereti nị. Di ezi Idevidi ẹnị rẹ vị ohirẹsụ irehi Ohomorihi nị.

Ijeremaya 7:17

Ọ kà, aanị ka ọnị e yi re ịsị aza ẹnẹnị aa mẹ avaba ẹkụra ene hi Ijuda ọnịrị avaba oze ene hi Ijerusarẹmị?

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 4:28

Ọ kà, avaba anẹhẹ vaa va ẹngụụ hi, dị ẹbẹẹba hozi, agụvị ka ọnị Ẹnẹyịmavara ọ sị ịrẹyị ka, ọnị ẹ yị vaa vara a. Ịsị ọnị ka ọnị aa mẹ, ọnị ẹ yị vaa và ịnị anị.