Ijeremaya 6:4 - IWE ỌNỊNỊ

⁴ Ẹnịnị vaa kà a ka, è tenyi ẹngụ dị ẹnị ẹ kụ ịrẹkụ ne tu Ijerusarẹmị ọọdụ. Ama dị ẹ ka ụmẹ ọ sị para hu, ẹtẹ ọ sị nyima ee hozi.

Ijeremaya 6:4 Referans Kwoze

Ijeremaya 15:8

Osoku awụ nịnị vana gụ duu kẹnẹ. Ọnị ộ wụ ezwọọmụha awụ nịnị ha, dị ọnị mẹ ka ọnyị ẹnịnị ẹẹ rị ụya nị. Ụyọrị ọnịrị ayịhụrịnẹ ọnị sị wụ̀ wa ịnị ụmẹ ọnị ẹnịnị ẹ̀ yị tụra eyi nị.

Ịzẹhwanaya 2:4

Ẹkụra Igaza ọnịrị Asikeroni vị ana vaa tụ osusu, dị ẹ jị eburu. Ọọdụ-ọọdụ a vaa dụ Anẹkụra Asidodi hụrẹ ẹkụra ẹnịnị nị. Aza ene hi Ekironi vị ana a rẹ vaa dụ hụrẹ ẹkụra ẹnịnị.

Ijowẹrị 3:9

Ẹ nọ̀ọ yị anẹkụra ọzọza; Di e tenyi ẹngụ ịrẹkụ. Ẹ hị́ ọkụrẹkụ nịnị, dị avaba isoja ẹnịnị ẹ gụ aha ọnya dị ẹ kwẹẹtẹ nọ ịrẹkụ.

Ijeremaya 8:20

Dị aza na owu zẹtẹ, dị ẹ ka, ụmẹ ọhahị ọ sị parahu, á raa kụ ịsị ịnị aarẹ gụ, ama ọza ẹ yị vaa dọ ẹnị ha.

Ijeremaya 5:10

Ọ kà ọnị vaa tụ́ ọnịvị nịnị ka ẹ̀ na má ọchị ịvayịnị aza anị va ha; ama ẹnịnị ẹ yị vee vu wa ẹtẹ bemi-bemi. Ọ kà ọnị vaa kà a yị wa ka ẹ̀ na avọ́ ọchị ẹnịnị ha, agụvị ka ẹ yị vị ọnị ọ nyị avọ ẹnẹ.

Ahẹ Isoromọnị 2:17

Avọọ ọ mẹẹ̄ yà ịzọọ pooro na ngụ ịjị ahị etumeyọnị aa tụ, dị ẹtẹ ee hweyi nị. Ẹwụ ọnị mị si, waa vaavẹ anka ẹdọ avọọ. Waa vẹ anka ùnè araka ana yà ịrẹsụ ataba ịzị aā hị́ Ịbẹta avọọ.

Ijeremaya 6:23

Ẹnịnị ẹ raa kụ ọpa ọnịrị ọha; aza edivi ẹ vị nị, ẹnịnị ẹ ma vayị ọza. Ẹẹ tụra umaata aa vẹ dị ụ aa wụ́ ịrẹyị anka enyi ịnị oku anaa da vụụvụ avọọ. Ẹnịnị ẹ sị ẹngụ tenyi ọ yị ve pe Ijerusarẹmị kụ̀ ịrẹkụ.

Ijeremaya 15:9

Ọnyozi ọnị ezi ịhịmba su, vị ọnị ewu za, dị â tụ kẹẹkẹẹ. Ọọdụ anị ọ sị vara ịrahụ yọ; asị ụhị mẹ nyị ọ, dị ayị anị sị du nị. Ẹnẹyịmavara ọ́ sị ọ ka, ọnị vaa navọ ọnịvị Anijuda nịnị ka ẹ̀ vaa wụ́ ẹnịnị ana kụkụ yị yara.

Ọbadaya 1:1

 nyị ọnọrụ ọnyara aanị ọnị ịrẹha rị Ọbadaya. Ẹnẹyịmavara Ochẹtẹẹngụ ộ sị ịsa ene vee tu anẹkụra Edomi zụ ọ. Anedomi nịnị ẹ̀ raà wụ́ enube ọnọọ hụụnị ụvọ Ẹnẹyịmavara, dị ọnụtụ anị rẹ raà kà a yị anẹkụra nịnị ana vọ nị. Ẹnẹyịmavara kà anẹkụra ẹnẹẹ è tenyi ẹngụ, dị ẹ gẹ ịrẹkụ tù Anedomi nịnị.

Ijoovu 7:2

Ọ sị mẹẹ anka ọnụkọrọ ene zi ụmẹ ana na tụ́ ụhwọ́, a vị ụmẹ ana a dọ ẹkẹhị anị avọọ nị.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.