Ijeremaya 6:24 - IWE ỌNỊNỊ

²⁴ Dị Anijerusarẹmị nịnị ka, ẹnị ệ vavọọ wụ ọ, dị ẹngụ ẹnịnị wusu nị. Ayịhụrịnẹ ọ sị ẹnị za va hi ẹtẹ, dị ẹnị ee rimanya anka ọnẹẹ ọnị ịrẹẹ aa zị avọọ nị.

Ijeremaya 6:24 Referans Kwoze

Ijeremaya 50:43

Ịjị ohinọyị Ịbabịrọnị wụ́ ịrẹyị aza ẹnẹnị, ụvọ anị ee wusu za ẹngụ. Ẹngụkata ọọ sụ̀ ọ ẹngụ, dị ee rimanya anka ọnẹẹ anaa barẹẹ avọọ nị.

Ijeremaya 49:24

Anịdamasịkọsị nịnị ẹ raa tụ ọkụmị, ẹnịnị ẹ sị zwe ayị maa hụrẹ wa ịnẹ. Ẹngụkata ô tù wa, ẹ sị mẹ suku-suku anka ọnyẹnẹẹ anaa barẹẹ avọọ.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ijeremaya 30:6

Ọ kà, jẹẹ nịnị daa re, vị ọnọrụ wáá rẹẹ barẹẹ nị? Sị ẹ vavẹ dị ọnị ee re ka ọnọrụ ọzọza ẹ raa kụ ụvọ ka ọtẹ anka ọnẹẹ anaa barẹẹ avọọ? Sị ẹ vẹ dị ọzọza sị eyi vara eyihi?

Ijeremaya 13:21

Sị ụ vaa kà nịnị ịjị aza ẹnị ụ rò ka ẹẹ vị ọta awụ nịnị ẹẹ raa nyị ẹbẹẹba awụ nịnị, dị ẹ yaa mẹ ohinọyịị wụ nịnị nị? Ọ vaa zị ụ nịnị anka ọnẹẹ ọnị ịrẹẹ aa zị avọọ.

Ayịsaya 28:19

Avọọ ịrẹyị odivi mè vee tù wu ẹnẹnẹ-ẹnẹnẹ ọnịrị oruva-oruva nị. Ịrẹyị ọnọọ vị ana vaa rị wụ. Wàa yẹ iruvo ụtụ oni Ohomorihi tụ́ hi wu, ẹgahị vị ana vaa ngụ wụ ẹngụ.

Ayịsaya 21:3

Ịrẹyị ọnị mị wụ́ m mẹ̀ vavọọ re ẹtẹ ọnọọ ộ mẹ̀ ka avaba ẹngụ ọ̀ọ zị mị. Ộ kata mị ẹngụ anka ọnẹẹ ana aa barẹẹ avọọ. Ịsị mị wụ́ ọnịrị ịsị mi re ô chire mi angwa.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

Ijeremaya 22:23

Oo zoza ụ mẹ hi ịnị irehi ọyịza-ọyịza ana a sị ọchị isida Ịrẹbanọnị mẹ ọvị nịnị aanị, ama e yi vee kù di waa jị òrèrè, di wee rimanya nịnị anka ọnyẹnẹẹ ana barẹẹ mee rimanya avọọ.

Ahẹ Ụgama 48:6

Ẹgahị mẹ̀ sụ wa ẹngụ, ẹngụ ẹnịnị ộ kata anka ọnẹẹ ana aa ba ịrẹẹ avọọ.

Ịdanịyẹrị 5:9

Ọsọnị ộ mẹ̀ ka ayị ọ̀ hụrẹ ohinọyị ịnẹ hu avọọ, dị ẹngụ anị ta và hí nị. Ẹnị ọdọvịdị ẹkụra ana gụ kara a ẹ yị yẹ ịsị a vọrọ ka ẹnị ẹ̀ mẹ.

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ezikẹẹrị 7:17

Ụvọ avaba ẹnịnị vaa sụ̀ ẹgahị, dị ahụ ẹnịnị aa bànyị.