Ijeremaya 6:13 - IWE ỌNỊNỊ

¹³ Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 6:13 Referans Kwoze

Ijeremaya 23:11

Ẹnẹyịmavara kà, ọnịsẹ nịnị ẹnịrị ohirẹsụ ireehi Ohomorihi nịnị bẹẹ ẹ yị mẹ ịsị e zee Ohomorihi eyi. Aza edivi ẹ vị nị. Ọ kà ọnị ộ za wa ẹ́ maa mẹ̀ ịsị odivi ịnị irehi anị bẹẹ.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ijeremaya 22:17

Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Ijeremaya 14:18

Ọ kà, ọnị ộ nọ ịnị aarẹ, dị ọnị re oku aza ana wụ̀ va hi ẹtẹ eyi ịrẹkụ. Ịjị ọnị va nọ ịnị ẹkụra, ọnị ee re ụngwẹ maa wụ̀ azaa vaa hi ẹtẹ. Ọ kà, ọnịsẹ nịnị ẹnịrị ohirẹsụ irehi Ohomorihi aa yịị mẹ̀ ụkọrọ ẹnịnị, ama ẹnịnị ẹ yị yẹ ịsị ẹ yaa mẹ.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ayịsaya 57:17

Mâ kụ ayị hi wa agụvị ebira edivi ọnịrị ọhọọha ẹnịnị. Mâ sị ụya rị wa, dị mị hụrẹ wa ụvọ nị. Ama ẹnịnị vị ana ayị ẹnịnị yị katẹngụ, dị ẹyị và tụ oze ẹnịnị.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

1 Itimoti 3:3

Asị ọdọvịdị ịragụ Ohomorihi na vị ohweche, asị ọ vị ọnịrazị! Ama áa vọrọ ka ọ̀ nyị ebira hẹẹ, asị ọ vị ọnịrẹyị, dị asị ọ rẹ vị eneyiche!

Iruuku 16:14

Ánihwarisi nịnị mẹ̀ wụ́ ịrẹyị ọnọnị, dị ẹyaa sị Ijeesu mẹ̀ isiya nị, agụvị ka ẹnịnị ê sì ịrẹyị ẹkẹhị.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Ezikẹẹrị 22:12

Aza ẹnyị awụ nịnị aa dọ ọza ẹkẹhị naa wụ̀ ọza. Aza ẹnyị ọ̀ọ sị ẹkẹhị rèré ọnọhụva anị Anisirẹrị, dị ẹ dọ ọtụrọsarẹsụ ọdẹngụ tụ ọ. Avọọ ẹ́ maa me ehunaa yị ẹngụ dị ẹyaa sịị nyị ẹkẹhịị hu avọọ nị. Ẹnẹyịmavara Ananyị ụkata hu ka, ayị anị ô hí wa.

Arụwẹ 4:13

Ama ebira odivi ọnịsẹ nịnị ọnịrị ohirẹsụ irehi Ohomorihi nịnị ọ mẹ ka aa wụ̀ aza ana aa mẹ ịzẹyịzaa ha nị.

Ijeremaya 32:32

Ọ kà ọnị ee vu wa ẹtẹ agụvị ebira odivi ọnị ezi Anisirẹrị ẹnịrị ezi Anijuda nịnị mẹ ẹnẹ ẹ sị mẹ ayị kụ ọnị. Ẹnẹyịmavara kà ohinọyị ẹnịnị ọnịrị ọdọvịdị ẹnịnị, ohirẹsụ irehi Ohomorihi ẹnịrị ọnịsẹ ẹnịnị, Anijuda nịnị ẹnịrị aza ana ra hi Ijerusarẹmị vị ana mẹ ayị kụ ọnị.

Ijeremaya 2:26

Ẹnẹyịmavara kà ụhị mee nyị oyi àa sị ọ za avọọ, avọọ ụhị mẹ vaa nyị avaba Anisirẹrị nịnị ẹnịrị ohinọyị ẹnịnị, ọdọvịdị ẹnịnị, ẹnị ohirẹsụ irehi Ohomorihi beri ẹnị ọnịsẹ ẹnịnị nị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ayịsaya 28:7

Ọnịsẹ nịnị ọnịrị ohirẹsụ irehi Ohomorihi ẹnị vi ene re hú eche dị aa mẹrị wa ẹtẹẹtẹrẹ. Eche ộ mẹrị wa pooro ẹ yị kụkụ yẹ ịsị ẹ yaa mẹ, dị ahịka vị ẹ kụkụ aa và angga kẹnẹ nị. Eche ộ mẹrị ọnịsẹ nịnị pooro ne tu ka Ohomorihi ọ̀ọ kụkụ sị ịrẹyị zụ̀ wa e yi re e. Eche ọnị ọ yị rẹ zẹẹ ka ohirẹsụ irehi Ohomorihi nịnị ẹ̀ kụkụ yẹ a mẹ̀ vọrọ ka ẹ̀ẹ mẹ̀ ọkarẹyị.

2Ipita 2:1

Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

Ijeremaya 2:29

Ẹnẹyịmavara kà, sị ẹ vẹ dị wa a rị uhuhu hi mi nịnị? Avaba awụ ọ ra a kụ hịrẹ mị nịnị.

Ijeremaya 17:11

Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.

Ijeremaya 27:15

Ẹnẹyịmavara ọnị ụvọta ka ọnị ẹ́ yị tụ wa ụtụ. Ireche e yee chee zị ka vị ọnị tụ ẹnị ụtụ nị, avọọ ọnị vaa dụ ẹwụrị ọnịsẹ enee cheechee wụ nịnị avọọ hi ẹhẹ dị aa wụ̀ wụ nịnị.

Ijeremaya 42:1

Ijeremaya ka avaba ẹnị ọdọvịdị isoja, beri Ijohananị ozi Ikareya ọnịrị Azariya ozi Ihosaya, ệ kụ aza irenyi-irenyi ve tu ọnị,

Ijeremaya 23:10

Aza ẹnẹ ẹ̀ yị mẹ ịzẹyịza hị́ Ẹnẹyịmavara vị ana gụ ẹtẹ kẹnẹ ịnị ẹkụra. Ẹnịnị aa mẹ̀ ebira odivi-odivi, dị ẹyaa sị ụkata ẹnịnịị mẹ ịsị ẹnẹ ẹ̀ yị vọrọ nị. Ẹnẹyịmavara o ree chi hi ẹtẹ ẹnịnị, dị ẹtẹ ẹnịnị aa rị ụya nị. Ịzị ịsụpa nịnị naa rị avị ọ sị wụ.