Biblia Todo Logo
Bib sou entènèt

- Piblisite -




Ijeremaya 6:11 - IWE ỌNỊNỊ

11 Ọnị ka, ọnịrị ọyịkụ Ẹnẹyịmavara ọ vị booro aanị nị. Ọnị ẹ yị kụkụ zụ zaa. Dị Ẹnẹyịmavara va ka ẹ yị ọnị ka, ọnị ọ̀ và a ku ezweyi-ezweyi ene hi ịnị orere ọnịrị ezwọọmụha nịnị ịzị ẹẹ kụ ẹngụ gụ hi. Ọ kà, ẹvarose vị ana vaa za, azọkụ ene si bo nyẹmba ẹ yị vaa ha.

Gade chapit la Kopi




Ijeremaya 6:11
22 Referans Kwoze  

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.


Iswọọza ọ ra ngụ tu yị zị oze ịnị ozokete, ọ sị ngụ ịnị eehi ohinọyị nịnị. Ọ sị ezweyi wụ̀ ha utoze, ọ sị ezwọọmụha nịnị wụ̀ ha ịnị orere.


Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.


Mâ wụ́ ọngwẹ ọbanyị ọnya aanị hụụnị irehi Ohomorihi ọnọọ, dị ọ kà a yị anggẹẹrị ịhịmba ẹnẹẹ ka: Ẹ̀ na dị ẹ̀ na và ọyịkụ Ohomorihi ana vị ohihi ịchacha ịhịmba ẹnẹẹ hi ẹhẹ nị.


Ịjị Isira ọnịrị Itimoti hụrẹ Imasedoniya vẹ, dị Ịpọọrụ kụkụ nyayịnẹ aa kà enube ọyịza nị. Dị aa kà a yị Aniju nịnị ka Ijeesu ọ vị Ikirisiti nị.


Ị́pọọrụ mẹ̀ jẹẹ Atẹnị, ee zí wa, ayị ộ kụ́ ọọ ẹtẹẹtẹrẹ, o mè re ka ẹkụra ọnọọ vị ori-ori.


Agụvị ka ẹyị e yi zụ kú irenu, dị asị ị kà ịrẹyị ẹnẹ ẹyị ụvọta si re, dị ị rẹ sị ọọ wụ́.”


Dị ma kà a wụ nịnị ka ịnị ịrahụ ọnọọ, aza ẹnị ẹẹva vaa hụtụ aha ọnya, dị a sị ọnya, dị a navọ ọsa tịtẹ.


Ọ kà, ẹnịnị ẹ̀ wụ ọnọrụ ọzọkụ-ọzọkụ, dị ẹ̀ wụ ezwọọmụha. Ẹnịnị ẹ̀ wụ ezwoorihi, ọnyị ozi nịnị ẹnịrị ezweyi bẹẹ. Ama asị ẹ́ kanyị ọza ọnyọọnyị ana a raa tọ̀ ịrẹwa ịnị ibe. Ọ kà ẹnịnị è nyima hụụnị irehi ọnị Ohomorihi Ịzẹyịza dị é nyima hụụ ịrẹsụ ẹnị ọdọvịdị ana jẹẹ ịnị Irehi Ohomorihi ịzọọ nị.


Ọ kà Ẹnẹyịmavara ộ sị ụkata yị ọnị ẹtẹẹtẹrẹ, ịjị ụhwẹ Ohomorihi va sị ọnị kwooze, ayị anị sị du, dị ayị aa kụ ọnị nị.


Ama booro aanị Ẹnẹyịmavara ọ̀ navọ ụngwẹ ọ̀ wụ ezi ẹnịnị và ha; ọ̀ navọ à wụ̀ wa và ha eyi ịrẹkụ. Ẹnẹyịmavara ọ̀ navọ ọ̀ jị anyẹnẹẹ ẹnịnị osoku, dị ezi ẹnịnị ẹ̀ jị wa ụvọ. Ọ̀ navọ ụkụ ọ̀ wụ ọnọrụ ẹnịnị, dị à wụ ezwọọmụha ẹnịnị và ha eyi ịrẹkụ.


Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.


Ọọ̄ ngụ ọpa ozweyi ẹngụ, ọọ̄ ha wa, dị ẹ hyakụ aa vanga hyẹdụ.


Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.


Ọnị ẹ yị sị ụmẹ anị yaatụ pe aza, dị ọnị oo nyí, dị ọnị ọọ mẹ aahẹ. Ịrẹyị awụ, Ẹnẹyịmavara ọnị wụ́ chire, dị ọnị ịnyara yaatụ aha anị di ayị aa kụ ọnị nị.


Ẹnẹyịmavara ô nyị isoja ayị ana kata hu kere-kere unyi; dị ọ tụ isoja hụrị aha ọsa dị e ve vu ezwọọmụha ayị ẹtẹ nị. Ệ kwọrọ avaba aza ayị và ha anka a mẹẹ kwọrọ asẹ ịnị ụkọ avọọ.


Ezweyi ọnịrị azọkụ nịnị vị ana a wụ̀ va hi ẹtẹ oze; Ezwoorihi ẹnịrị ọmụha ẹnịnị vị ọnị ọnịvị nịnị sị ụ̀hwọ̀ wụ̀. Ẹnẹyịmavara maa kụ ayị, ẹ́ yị vayị ẹnịnị, ọ sị ẹnị wụ̀ va ha.


Ezikẹẹrị ka, ộ kà a yị ọnị ka, ọnị ozi-ọza ọ̀ rị iwe ọnọọ dị ịnẹ ọ̀ há ọnị. Ọnị mẹ rị ọ, ô hine anka ẹhụ.


Ọnị ọ̀ ka ụtụ ọnọnị yị Anisirẹrị nịnị ka ẹwụ nịnị Anisirẹrị vị enee wuu zị ka aa nyị ụkata ịnị irehi Ohomorihi nịnị. Uū sì ka wa vẹ ịnị Irehi Ohomorihi nịnị. Ama ọnị Ẹnẹyịmavara vaa mẹ Irehi anị ọnọọ ọsọọsa. Ezweyi-ezweyi awụ nịnị ana vọ hi Ijerusarẹmị vị ana a vaa kụ ịrẹkụ vaa wụ̀.


Ẹnẹyịmavara kà, áá vọrọ ka asị ọnị sị ụya rị wa agụvị avaba ọsọnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ ẹkụra ọnọnị?


Ijeremaya ka, dị ọnị ka, ẹwụ nịnị anyẹnẹẹ ẹ wụ́ ịrẹyị ọnị Ẹnẹyịmavara aa kà: Na kọ ọ yị ezi anẹẹ awụ nịnị a mẹmẹẹ jị òrèrè, dị waa rẹ kọ ọ yị ẹngụ nịnị a mẹmẹẹ jị ahẹ izoku nịnị.


Swiv nou:

Piblisite


Piblisite