Ijeremaya 6:10 - IWE ỌNỊNỊ

¹⁰ Dị ọnị tụ́ ohi ka, ọnị ọ̀ọ kà ịrẹyị yị wa, è naa wụ? Ayị ẹnịnị ọọ katẹngụ, ẹnịnị ee yi ka ẹnị ẹ yị wụ ụtụ ọnị ụ tụ. Ịrẹyị awụ vị ọnị ọnị ọ̀ọ sị ka, dị eyee sịị nyinyi.

Ijeremaya 6:10 Referans Kwoze

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

Ịjọọnụ 7:7

Anẹhẹ ẹ yị zụ nyị ịhyẹrẹ awụ nịnị, ama ẹyaa nyị ịhyẹrẹ ẹmị, agụvị ka mịị̄ kà a yị wa ka ẹ yaa mẹ̀ ịsa odivi.

Ijeremaya 7:26

Ama ẹ yị nyị ọza ana wụ́ ịrẹyị anị. Ayị awụ nịnị ộ katẹngụ, dị ahịka udivi ọnị waa mẹ nịnị o huna ohiku awụ nịnị nị.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Ayịsaya 53:1

Aza ẹnẹẹ ê tụ́ ohi ka: Ẹnẹ yaanị dọ enube ọnị ị kà aanị wụ? Ẹnẹ Ẹnẹyịmavara raà sị ụkata anị zụ da?

Ọyịkụra 6:12

Di Imosiisi tụ́ Ẹnẹyịmavara ohi, dị ọ ka Anisirẹrị ẹ yị hyakụ dọ ịrẹyị anị tụ́ ịzọọ, Ihwarawo óó kuku vee tụ́ oni ọsụkọrọ ohi nị?

2 Itimoti 4:3

Ụmẹ aa vẹ ana ahịka aza eyi kuku vee sì ka ẹnị ẹ̀ẹ wụ́ ịzẹyịza ana aa sịị zụ̀ wa. Dị ẹ kụkụ aa dụ ẹ́ẹngụ ẹnịnị kẹnẹ. Dị ẹ kụ́ aza gụ ka ẹ̀ẹ zụ̀ ẹnị ịsa eni eè sì ka ẹnị ẹ̀ẹ wụ́ kẹnẹ.

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.

Aniroomi 7:22

Ayị amị ô hine tụ́ ịnị ọda Ohomorihi,

Odeyi 7:60

Di o ku ẹtẹ, di o nowu tụ́ ẹba dị ọ ka, “Ananyị yị, asị ụ sị ịvị ịrẹyị ọnọnị tụ́ wa ọrọkọ!” Ịjị ọ maanị sị ọọ kà, di o sú nị.

Ịjọọnụ 9:40

Anihwarisi ẹnyị ene hi ịzọọ ệ wụ́, Íjeesu mẹ̀ vavọọ kà. Dị ẹ họ̀ ọ use ka, “Aanịka ogweyi ẹ́yị rẹ vị bẹẹ nị?”

Iruuku 20:19

Ohirẹsụ ẹbanyị irehi Ohomorihi ọnịrị ọzwọzọda nịnị ê sì ka ẹnị è za Ijeesu ịzị ịzọọ, agụvị ka ịrẹyị ẹnịnị Íjeesu si che ụhịrẹyị ọnọọ nị. Ama angwa aza ee hí wa.

Iruuku 11:45

Dị ọzwọzọda ọnya tụ́ ohi, dị ọ ka, “nda, wàa maanị aa kà, ụ waa kụ̀ yị ụhụ bẹẹ avọọ nọ!”

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Emọsị 7:10

 nyị ohirẹsụ irehi Ohomorihi ọnya aanị ana ya Ịbẹtẹrị ọnị ịrẹha anị rị Amaziya. Dị ọ na ka yi Ijerobowami ohinọyị ka Emọsị aa ka ịrẹyị ana vaa kụ́ ẹngụkata tu ọ. Ọ kà Emọsị ee si ka ọnị ọ kụ ohinọyị ọnịrị Anisirẹrị ịrẹsụ nya ẹngụ nị.

Ezikẹẹrị 33:9

Ama ọnị ọ̀ọ ka ọza odivi ọnọ, dị ẹ̀ yị hụụnị ebira odivi ọ̀ yị mẹ nị, ọza ọnọọ vee sú isu ebira odivi anị, ama ọnị vaa há.

Ezikẹẹrị 33:3

Ụmẹ ọnị oserẹtẹ ọnọọ òo re ka ọnịvị ẹnịnị aa gụrị ẹtẹ, dị o hú ọpanyị ọ̀ yị kà ọzọza ọnọ.

Ijeremaya 4:4

Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

Ahẹ Ụgama 119:174

Ẹnẹyịmavara, aarịhịnị mee sì ka wa va gu mị ụvọ, Ọda ọnị ụ mẹ vị ana nyayịnẹ zee mi eyi.

Ahẹ Ụgama 119:77

Navọ wa vayị amị dị asị mi sú, agụvị ka ọda awụ ô zee mi eyi ẹtẹẹtẹrẹ.

Ahẹ Ụgama 119:70

Ayị aza ẹnẹẹ ệ katẹngụ, ẹ mā vayị ọza. Ama ọda ẹwụ vị ana nyayịnẹ zee mi eyi.

Ahẹ Ụgama 119:35

Navọ kwogwo asị mị sị ahụ jị ọda awụ nyee, agụvị ka ẹẹ̄ mẹ ka ịnẹ amị ò hine ẹtẹẹtẹrẹ.

Ahẹ Ụgama 119:24

Ọda awụ ê zee mi eyi ẹtẹẹtẹrẹ, oni è pè mii juwe nị.

Ahẹ Ụgama 119:16

Ọda awụ ô zee mi eyi, me yi vee hí ayị ịrẹyị ọnị ụ ka.

Ahẹ Ụgama 40:8

Ẹwụ Ohomorihi amị, ịsị e zee wu eyi m mee sì ka ma mẹ nị. Oze ọnị ụ ka ma zị vị ọnị mị sị tụ́ ịnị ayị.

Ahẹ Ụgama 1:2

Ọnị vị ene eē si ka ọnị ọ̀ọ saasa avaba ọda Ẹnẹyịmavara. Vi oō sì ka ọnị ọọ kà a, dị ọnị ò ree ro ịrẹyị tụra a ịnị avaba ụmẹ nị.

Iwe Ọhụhị Imosiisi ana aa hị́ Ọyịvatụrọda 29:4

Booro ve tu ajịnị, Ẹnẹyịmavara ẹ yị zẹ ka eyi ẹnịnị o hweyi tu ọ.

Ijeremaya 5:21

Ẹwụ nịnị ọnụra ẹnẹẹ yị yẹ ịrẹyị aanị ẹ̀ wụ o, waa nyị eyi nịnị ama we yi si re ẹtẹ nịnị, waa nyị ụtọ nịnị ama wẹ yị sị wụ́ ịrẹyị nịnị.

Ijeremaya 9:26

Anijipiti nịnị, Anijuda nịnị, Anedomi nịnị, Anaamọnị nịnị, Animowabi nịnị ẹnịrị avaba aza ana ra hi ịnị ụnọmị rọnyị-rọnyị. Ka avaba aza ẹnẹnị ẹ yị jị ụvẹvẹnẹ, dị avaba Anisirẹrị nịnị ẹnị ẹ̀ yị rẹ mẹ̀ ebira aza ana a jị ụvẹvẹnẹ nị.

Ayịsaya 42:20

Ẹwụ Anisirẹrị wê re ẹtẹ ọrụrụ-ọrụrụ, ama sị́ ẹtẹ ọnị ụ re va vị yị wụ nịnị? Waa ha ụtọ awụ nịnị ha, ama sị́ ụ daka va wụ́ nịnị?”

Ijeremaya 7:13

Ẹnẹyịmavara kà, ụ mẹ maanị aa yịị mẹ̀ ebira odivi ọnọnị nịnị, ọnị ộ ka ịrẹyị wụ nịnị pooro, ama ụka wẹ yị wụ nịnị, ọnị ộ hị́ ụ nịnị ama we yị tụ́ ohi nịnị.

Ijeremaya 35:13

Ọnị Ẹnẹyịmavara Ochẹtẹẹngụ, Ohomorihi Anisirẹrị ka, ọnị Ijeremaya ọ̀ na kà a yị avaba Anijuda ọnịrị Ijerusarẹmị ka sị ẹ vẹ dị ẹnịnị ẹ̀ yị wụ́ ịrẹyị anị? Sị ẹ vẹ dị ẹnịnị ẹ̀ yị saasa ịrẹyị anị kẹ?

Ezikẹẹrị 3:7

Ama Anisirẹrị nịnị ẹ yị vaa wụ́ ịrẹyị anị, agụvị ka ẹnịnị ẹ́ yị hyakụ tenyi ẹngụ ọ̀ yị wụ́ ịrẹyị ọnị Ohomorihi. Ayị avaba Anisirẹrị nịnị vị ana katẹngụ ẹnịnị ẹ yị ma wụ́ ịrẹyị ọza.