Ijeremaya 52:17 - IWE ỌNỊNỊ

¹⁷ Anibabironi nịnị ệ chaka ọhẹ ọnịrị ụkẹkẹ ne beri uruku ọbanyị ana a sị enyusẹ ọkatarihi mẹ hi ịnị irehi Ohomorihi ha rugurugu. Dị ẹnịnị kụ́ avaba enyusẹ ọkatarihi ẹnẹẹ ne hi Ịbabịrọnị nị.

Ijeremaya 52:17 Referans Kwoze

Ịdanịyẹrị 1:2

Ananyị yị ộ hụrẹ Ijehoyakimi ụvọ yị Inebukadineza beri ẹnya ẹnyị ene hi ịnị irehi Ohomorihi. Dị ọ kụ wa na ngụ ịnị irehi ori ẹnịnị Ịbabịrọnị nị. Ô tu ịzọọ dị ọ kụ ẹnya ẹnẹẹ hi ịnị irehi ori anị nị.

Arụwẹ 1:10

Ọnịvị ẹnịnị ẹ raà kụ avaba ogu ẹnịnị. Ẹnịnị ê re ọnịvị ẹnịnị maa ngụ ịnị irehi Ohomorihi, ịzị Ẹnẹyịmavara kà ọọ vị aha eenyisi yị aza ẹnẹ yị vị Aniju ka ẹ̀ ngụ.

2 Ịtọpa 36:18

Ohinọyị Ịbabịrọnị vị ana kụ́ avaba ẹnya irehi Ohomorihi, ọnịrị ogu ohinọyị ne beri ẹnị ọdọvịdị nọ Ịbabịrọnị.

1 Ohinọyị 7:50

A rẹ nyị ako ọnịrị ịzị aā và aremi ozotupaa hi ne beri ẹnya ana a sịị̄ rị eturare ịra ọnịrị ịchacha ana a sịị̄ sị akịna. Dị a rẹ nyị ịsị ẹ si ukere gẹ oze ana na ngụ aha ọnịnị keekere ne beri ukere oze ajẹhẹ irehi ọnọọ nị. Avaba ịsa ẹnẹnị vị ana a sị igooru obooro mẹ.

2 Ohinọyị 20:17

Ẹkụhị aa vẹ a vaa kụ́ avaba ịsa ene hi ịnị irehi anị, ọnịrị avaba ịsa ọnị ohiku ẹnịnị raà kụ́ tẹ̀ va ngụ ụmẹ ọnọọ nọ Ịbabịrọnị, Ẹnẹyịmavara kà ẹ yị nyị ịsa ana vaa vọ.

Ijeremaya 52:20

Avaba ịsa ẹnẹnị vị ọnị ohinọyị Isoromọnị sị enyusẹ ọkatarihi mẹ tụ ịnị Irehi Ohomorihi: Ọhẹ ẹẹva, ụkẹkẹ ana a sịị̄ kụ ẹnya nịnị, uruku ọbanyị ọnịrị ụnọ ẹwụrẹva ana a sị uruku ọnọọ hi. Ẹnịnị ẹẹ rata pooro, ọza ẹ́ yị zụ ngọ ọ.

Ezikẹẹrị 40:49

Ụgọdọ aku ọnọọ ụvọta vị ẹ̀hụ ahụ ẹẹwụ avọọ, dị ụgana anị vị ẹ̀hụ ahụ ịhịnọnyị nị. Ịsị ẹẹwụ ọza aa hịrẹ naa ngụ ọ nị. Dị á nyị ọhẹ ikonyi ikonya eyi ẹnyị, eyi ọsa enoze anị nị.