Ijeremaya 52:13 - IWE ỌNỊNỊ

¹³ Dị ọ rị irehi Ohomorihi ịra nị. Ộ rẹ rị irehi ohinọyị ọnịrị irehi aza ọkọọka ene hi Ijerusarẹmị ịra.

Ijeremaya 52:13 Referans Kwoze

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Ahẹ Ụgama 79:1

Ohomorihi, wéē re anẹkụra ẹhịmị ẹnẹnị ẹnị ẹ̀ yị yẹ wụ mẹ̀ vẹ dị ẹ kụ́ ịrẹkụ ve tụ́ aza ọnị ụ sị mẹ aza awụ. Ệ za irehi awụ, e si o du ẹngụ, dị ẹ za Ijerusarẹmị dị ẹ jị ọ eburu nị.

2 Ịtọpa 36:19

Ịjị ọ raà kụ́ ẹnya ẹnẹẹ, dị ẹ rị irehi Ohomorihi ịra nị, di e wu ọvọ Ijerusarẹmị, dị ẹ rị irehi ohinọyị ịra, di e du avaba ẹnya ọkatarihi ha nị.

Emọsị 6:11

Ịjị Ẹnẹyịmavara ọ́ mẹ ọda, di aa chaka irehi ọbanyị hi oweyi za ẹtẹ rugurugu.

Emọsị 2:5

Ẹnẹyịmavara kà ọnị vaa jị ịraa tụ́ Ijuda, dị ọ rị avaba irehi ohinọyị ẹnịnị ana ya Ijerusarẹmị ịra.

Arụwẹ 2:7

Ananyị yị o yí ụta ịsọvọ anị tịtẹ, dị ộ jịnẹ hụụnị irehi ọnịnị Anị nị. Dị ọ navọ ka ọnịvị ẹnịnị è ve wu ọvọ va hi ẹtẹ nị. Dị ẹ jẹẹ ịnị irehi Ohomorihi, dị ẹ̀ nowu hyịwụụ èe rere aa rị eche avọọ. Dị ẹ kà ẹnị ẹ raà nyị ẹbẹẹba ẹnịnị nị.

2 Ohinọyị 25:9

Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị.

Imatiwu 24:2

Dị Ijeesu kà a yị wa ka, “U wee re avaba irehi ẹnẹnị nịnị? Ịzẹyịza m maa kà wụ nị, ẹ yị nyị ịrẹta ikonya ana a vaa navọ tụ́ ịrẹsụ ọsa. Vi e vee wú waa ha saka-saka nị.”

Ịzakaraya 11:1

Na oze awụ nịnị, Ịrẹbanọnị agụvị ịra ọ rị ọchị Isida awụ nịnị.

Ezikẹẹrị 24:21

Ọnị ọ̀ ka ụtụ ọnọnị yị Anisirẹrị nịnị ka ẹwụ nịnị Anisirẹrị vị enee wuu zị ka aa nyị ụkata ịnị irehi Ohomorihi nịnị. Uū sì ka wa vẹ ịnị Irehi Ohomorihi nịnị. Ama ọnị Ẹnẹyịmavara vaa mẹ Irehi anị ọnọọ ọsọọsa. Ezweyi-ezweyi awụ nịnị ana vọ hi Ijerusarẹmị vị ana a vaa kụ ịrẹkụ vaa wụ̀.

Ijeremaya 38:23

Ijeremaya ka ọnị ộ rẹ kà a yị ohinọyị Izedekaya ka; a vaa kụ avaba ese ewu ẹnịrị ezi ewu tụ ẹhẹ yị Anibabironi nịnị. Ẹwụ ụvọta ẹ́ yị vaa haa hụrẹ wa ụvọ, ohinọyị Ịbabịrọnị vị ana vaa za awụ, dị aa rị ẹkụra ọnọnịị ịra.

Ijeremaya 34:22

Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 22:14

Ọza ana ka ọnị aa dà irehi ọtụrọsa ana nyị akụ ọgana-ọgana yị ẹngụ anị, ọ sị da. Ịzẹyịza, ộ kụ ozokete hi ini eehi anị. Ộ tụ ọchị isida ku ọ, dị o ku ọ ọda ovivi nị.

Ijeremaya 7:14

Avọọ, ịsị ọnị mẹ Isiiro avọọ, vaa mẹ irehi anị ọnọnị ọnị ụ vavọọ sị ayị tụra nịnị nị. Ọ kà, ọnị ọ vịdị sị ịzọọ yị ẹwụrị ohiku awụ nịnị nị.

1 Ohinọyị 9:8

Irehi ọnọnị vị ana vaa jị eburu. Avaba aza ana àa para hu ịzọọ di e re e nị, o vee hi wa eyi, di eyee nọ ọ ohi. Dị aza ee họ̀ use ka sị e vẹ dị Ẹnẹyịmavara maanị mẹ anẹkụra ọnọnị ọnịrị irehi ọnọnị aanị?

Ijeremaya 6:5

Avọọ, à kwẹẹtẹ ịrahụ dị ẹnị ẹ̀ kụ ịrẹkụ na, dị ẹnị è ne vu avaba irehi ọnị isoja Anijerusarẹmị nịnị hi ee sere ẹtẹ.

Ijeremaya 19:13

Ọ kà, ịzẹyịza avaba irehi ene hi Ijerusarẹmị beri irehi ohinọyị Ijuda nịnị vana vaa yaa anka Itohwẹtị. Avọọ avaba irehi ene e hi ịrẹsụ anịị rị eturare ịraa yị ụzọmị ẹnẹ ẹ sị mẹ ori dị ẹ yaa ka echee hi ẹtẹ yị ori ẹnịnị ịnị anị mẹ vaa yà nị.

Ijeremaya 21:10

Ẹnẹyịmavara kà ọnị ọ́ sị ọ ka ka ẹkụra ọnọnị vị ọnị ọnị è vú ẹtẹ, ẹ yị yaa vọ. Ọ kà vị ọnị vaa hụrẹ Ijerusarẹmị ụvọ yị ohinọyị Ịbabịrọnị dị ọ rị ọ ịra nị.

Ijeremaya 21:14

Ọnị vaa sị ụyaa rị wa agụvị ebira odivi ẹnẹ ẹ mẹ. Ọ kà ọnị vaa jị ịra da irehi ohinọyị ẹnịnị dị ọọ rị avaba ịsa ana kara wa ịra.

Ijeremaya 32:29

dị ẹ jị ịra da a. Ẹnịnị vaa rị ọ ịra bẹrị avaba irehi ana aza ya mẹ ayị kụ ọnị. Aza ẹ ya ịrẹsụ irehi ẹnẹẹ aa rị eturare ịra yị ori ana aā hị́ Ịbaarị, dị ẹ́ rẹ yaa sị eche mẹ̀ ịsọvọ yị ori ana vọ nị.

Arụwẹ 2:5

Ánanyị yị kụkụ sị mẹẹ anka ọnịvị ẹnịnị avọọ nị. Ó reè vú Anisirẹrị ẹtẹ beri avaba irehi ohinọyị ẹnịnị. Ộ sị avaba aha ọnị ẹnịị̄ tẹ̀ jị eburu. Ộ mẹ ka avaba Anijuda nịnị ẹẹ jị òrèrè pooro kẹnẹ.

Arụwẹ 2:6

Ộ chaka irehi Ohomorihi ịzị ịị̄ yaa hẹkẹ ẹ. Ẹ yị zẹ ka ẹnị ẹ̀ kụkụ rị eche ọnyọọnyị à vị ka ẹnị mẹ ahẹkẹ ẹkụhị ụhwọtụ. Ọ raà sị ọyịkụ Anị zụ ohinọyị nịnị ọnịrị ohirẹsụ irehi Ohomorihi nịnị.

Ezikẹẹrị 16:41

Ẹnịnị vaa rị irehi awụ nịnị ịra, dị ẹ navọ ka anyẹnẹẹ ọrụrụ-ọrụrụ è ré ụ maa rị ụya nịnị. Ẹnẹyịmavara kà ọnị vaa mẹ ka wa hụụnị ịrẹka ọ̀yị sẹ nịnị, dị ọnị mẹ ka a sị ụ rẹ kụkụ mẹ aza ẹnẹ ẹwụrị aa sẹ̀ ịrẹka nịnị ẹyịza.

Arụwẹ 2:8

Ananyị yị ọ vịdị sị ọ mẹ̀ ka ẹ yị zụ nyị ka ọza e yi vee wu ọvọ. Ộ vịdị sị ọ tọ ịrẹwa ka e vú ẹtẹ saka-saka. A sị ohurohuro anị ọnịrị ugene anị wu va hi ẹtẹ booro aanị.