Ijeremaya 52:1 - IWE ỌNỊNỊ

¹ Ịzẹdẹkaya vị ịrayị ohurọnya dị ọ́ rị ohinọyị Ijuda; dị ọ́ yà Ijerusarẹmị mẹ̀ ohinọyị ịrayị ẹwụrọnya nị. Ịrẹha ọnyị anị ọ rị Ihamutari nị. Ihamutari ọnọnị vị ozi ọnọrụ ọnya ana aā hị́ Ijeremaya ana ra Iribina.

Ijeremaya 52:1 Referans Kwoze

2 Ohinọyị 24:18

Ịzẹdẹkaya vị ịrayị ohurọnya ịnị ụmẹ ọnị ọ sị rị ohinọyị. Ộ mẹ̀ ẹ ịrayị ẹẹwụrọnya Ijerusarẹmị. Ịrẹha ọnyị anị ọ rị Ihamutari ozi Ijeremaya. Iribina ọ vị ẹkụra nị.

Ijosuwa 10:29

Dị Ijosuwa ọnịrị Anisirẹrị nọ Iribina na kụ ịrẹkụ nị.

2 Ịtọpa 36:11

Ịzẹdẹkaya vị ịrayị ohurọnya ịnị ụmẹ ọnị ọ sị rị ohinọyị, Ijuda, dị ọ mẹ̀ ohinọyị ọnọọ ịrayị ẹwụrọnya nị.

2 Ohinọyị 8:22

Hụrị ụmẹ ọnọọ pooro ve tu ajịnị Anedomi nịnị vana jẹẹ yị ẹngụ ẹnịnị nị. Ụmẹ avọọ gẹdẹ-gẹdẹ ẹkụra ana aā hị́ Iribina ẹnị rẹ sị kụ̀ hịrẹ Ijuda nị.

Ijosuwa 15:42

Ẹnị ẹ nyị Iribina, Eteri, Asihani.

2 Ohinọyị 23:31

Ijowahazi vị ịrayị ohurẹẹta, dị ọ rị ohinọyị Ijuda. Ụhwẹ ẹẹta kẹnẹ ộ rị ohinọyị Ijerusarẹmị di o su nị. Ịrẹha ọnyị anị ọ rị Ihamutari ana vị ozi Ijeremaya ana vị Anẹkụra Iribina nị.

Ayịsaya 37:8

Ọdọvịdị Anasiriya ộ wụ ka ohinọyị ẹnịnị ọ raà hụrị Irakisi. Ộ wụ ka ọnịrị anẹkụra ana gụrị wa ana aā hị́ Iribina aa kụ̀ ịrẹkụ, dị ọ nọ ịzọọ ne pe e ka ịrẹyị nị.

Ijeremaya 21:1

 nyị ohinọyị Ijuda ọnyaa ana aā hị́ Ịzẹdẹkaya. Ẹkụhị ọnya dị ọ́ tụ ọnọrụ ana aā hị́ Ipasihuri ana vị ozi Imikaya ọnịrị Ịzẹhwanaya ozi Imaseya ne tu Ijeremaya nị. Ịzẹhwanaya vị ohirẹsụ irehi Ohomorihi.

Ijeremaya 51:59

 nyị ọza ịnyara aanị ana aā hị́ Iseraya. Ada anị aā hị́ Ineraya nị. Dị ọ vị aazị Imaseya nị. Iseraya ọnọnị ọ vị ọza anaa gụ ohinọyị Ịzẹdẹkaya ụvọ nị. Ịnị ịrayị ọhụna ọnị Ịzẹdẹkaya rị ohinọyị Ijuda, dị Iseraya saasa a aa nọ Ịbabịrọnị nị. Ijeremaya ka, ẹ maa na, dị ọnị maanị tụ Iseraya ụtụ nị.

2 Ohinọyị 25:1

Ịzẹdẹkaya ộ kụ̀ hịrẹ Inebukadineza ohinọyị Ịbabịrọnị. Agụvị avọọ, Inebukadineza kụ́ isoja anị kụ́ ịrẹkụ ne tu Anijerusarẹmị ịnị ẹkụhị ẹẹwụ, ịnị ụhwẹ ẹẹwụ ịnị ịrayị ịhịịna ohinọyị Ịzẹdẹkaya. Ẹnịnị vị ana jị ajẹngụ ẹnịnị tụ́ ịrẹma ẹkụra, dị ẹ̀ kụ́ ezi na hịrẹ ọvọ ẹkụra nị.

Ijeremaya 39:1

Ịnị ụhwẹ ẹẹwụ ịrayị ọhụhịịna ọnị Ịzẹdẹkaya rị ohinọyị Ijuda, Inebukadineza, ohinọyị Ịbabịrọnị ọnịrị isoja anị ệ kụ́ ịrẹkụ va ngụ Ijerusarẹmị.

Ihabaku 1:17

Avọọ ẹnịnị wáá mẹ vaa ne ọha ẹnịnị dị ẹ sị ayị ọkatẹngụ wù aza va ha nị?