Ijeremaya 51:8 - IWE ỌNỊNỊ

⁸ Ụvọ ô ku Ịbabịrọnị, asị o vú ẹtẹ. Waa jị òrèrè anị nịnị. Ne sì ahọ̀nọ va tụ ịnị ụnava anị yọ nịnị ka ẹyịyara ọ vaa vị.

Ijeremaya 51:8 Referans Kwoze

Ijeremaya 46:11

Ẹnẹyịmavara kà, ẹwụ nịnị Anijipiti, ẹ̀ nọ ẹtẹ Anigiriyadi dị we ne si ahọ̀nọ nịnị. Ẹ́ yị rẹ va nyị ịsị ahọ̀nọ awụ nịnị zụ mẹ. Ẹ́ yị nyị ịsị ẹ zụ mẹ wụ nịnị ụkụ o.

Ayịsaya 21:9

Ụmẹ ọnya kẹnẹ di o vene nowu dị ọ ka, “Aza ẹnẹẹ aa vẹ avọọ nọ! Ẹnịnị vị ana tụra umaata aa vẹ ẹvẹẹva!” Dị ọ rẹ ka, “Kwaa-kwaa, Anibabironi ẹ sị hyẹdụ, mị ka ẹ kụ́ hyẹdụ bemi! Avaba ori anị ana a bẹ vị ana maanị gara hi ẹtẹ.”

Ẹtore 14:8

Dị anggẹẹrị ọsa aa saasa anggẹẹrị ịpaapa, dị aa hị́: “Ịbabịrọnị ọ sị hyẹdụ, ẹkụra ọbanyị ọnọọ ọ sị hyẹdụ; ọ sị ọyịkụ Ohomorihi yẹ, agụvị ka ọ raà kụ́ anẹhẹ ka ẹ̀ẹ sẹ̀ ịrẹka.”

Ẹtore 18:2

Dị ụkata-ụkata nowu tụ́ ẹba ka: Ịbabịrọnị ọ sị hyẹdụ. Echu ọnịrị ụhwẹ echu irenyi-irenyi e kuku hi ịnị anị nị. Inomi edivi irenyi-irenyi kẹnẹ e kuku hi ịzọọ nị.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 48:20

Ẹnịnị vaa kà a wụ nịnị ka, asị ụhị mẹ nyị Imowabi, asị ọ gara ha. Agụvị avọọ waa jị oreree yị ọ nịnị. Và tụra oze ana a zịị nọ ịnị irehu ana aā hi Arinọnị, dị wa nọ̀ọ nịnị ka, asị ụhị mẹ nyị Imowabi nịnị o.

Ịnahụmị 3:19

Ụnava ọnị ọ tọ̀ aanị o divi ẹtẹẹtẹrẹ, ẹ yị nyị eyọtụra. Ama avaba aza ana vaa wụ́ ọ vị ana vaa jẹ, dị ẹ yaa gụ ahụ Àa nyị ọza ana ha hụụnị ayịchamayị awụ?

Ịdanịyẹrị 5:31

Dị ọnọrụ ọnyara ana aā hị́ Ịdarịyọsị ana vị Animeedi vana rị ohinọyị tụ ẹkụra ọnọọ nị. Ịdarịyọsị ọnọnị vị ịrayị ẹbẹẹta tụra ẹẹva ịnị ụmẹ ọnị ọ sị rị ohinọyị.

Ịdanịyẹrị 5:24

Ọ kà agụvị avọọ Ohomorihi tụ ụvọ ọnọnị ka ọ̀ va chẹrẹ ịsa ẹnẹnị nị.

Ezikẹẹrị 30:2

Ozi-ọza, ọnị ọ̀ kà ịsẹ, dị ọnị ọ̀ kà a, ịsị ọnị Ẹnẹyịmavara Ochẹtẹẹngụ kà, ọ ka ọnị ò nowu boro-boro ka, Ẹkụhị ayịhụrịnẹ aa vẹ o.

Ijeremaya 51:41

Ẹnẹyịmavara kà, tee! Ịbabịrọnị ana avaba anẹhẹ maanị aa gā á maanị zá aanị nịị? Ịrẹyị anị kụkụ ee chire anẹkụra ana vọ nịnị angwa ẹnịnị mee re e.

Ijeremaya 48:31

Avọọ ọnị aa jị òrèrè boro-boro agụvị avaba Animowabi nịnị, agụvị anị ịzị aā hị́ Ịkị-Ịhẹrẹsị.

Ijeremaya 8:22

Ọ kà, aanị ka ẹ yị kụkụ nyị ahọ̀nọ ẹtẹ Anigiriyadi? Aanị ka ẹ yị kụkụ nyị Idokita ịzọọ? Sị ẹ vavẹ dị ẹngụ aza anị ẹ̀ẹẹ yị va nịya?

Ayịsaya 47:9

Ụmẹ ọnya, ịnị ẹkụhị ọnya, ịrẹyị ẹnẹnị vee tù wu: Òo ze eyi wa mẹ ẹbẹ pooro, òo ze eyi wa dọ ahọnọ pooro, ezi ewu vee sú, dị ụ rẹ vara osoku.

Ayịsaya 47:11

Ama ịrẹyị odivi vee tu wu, ọnị ụ wẹ̀ yị va zụụ sị ahọnọ zaa jẹẹ. Ẹngụkata odivi vee tu wu ọnị ụ wẹ̀ yị va zụụ za ka a sị ọ vẹ. Ịsị ee vu ọza ẹtẹ ọnị ụ wẹ yị yẹ ahụ, yẹ ụvọ tụ ịnị anị vaa hụrẹẹ hi wu.