Ijeremaya 51:41 - IWE ỌNỊNỊ

⁴¹ Ẹnẹyịmavara kà, tee! Ịbabịrọnị ana avaba anẹhẹ maanị aa gā á maanị zá aanị nịị? Ịrẹyị anị kụkụ ee chire anẹkụra ana vọ nịnị angwa ẹnịnị mee re e.

Ijeremaya 51:41 Referans Kwoze

Ijeremaya 25:26

avaba ohinọyị Ịbabịrọnị ana ya aha ene noze ọnịrị ana gụrị ẹtẹ, ikonya-ikonya, ọnịrị avaba ohinọyị ene hi ẹhẹ ọnọnị. Ịrẹma ẹnịnị dị ohinọyị Ịbabịrọnị ọnị ò re ve hú.

Ayịsaya 13:19

Wâ yẹ ka ẹkụra Ịbabịrọnị o zoza hu keekere nị. Anịzọọ vị ana aā sịị mẹ eyi. Ama Ohomorihi vee vú ọ ẹtẹ anka o mè vu Isodọmị ọnịrị Igomora ẹtẹ avọọ.

Ijeremaya 49:25

Aza ẹ sị hụ hụrẹ ẹkụra ana maanị ngụ ịrẹyị dị ẹ jẹ ịrajẹ pooro kene.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Ịdanịyẹrị 4:22

Inebukadineza ohinọyị ọ vị ọchị ọnọọ nị. Ọ kà, udi anị ộ ta ka hịrẹ, dị aa mẹ ọdaa tụ ịrẹsụ avaba anẹhẹ nị.

Ịdanịyẹrị 2:38

Ohomorihi ọ mẹ ka ọọ mẹ ọda tụra avaba anẹhẹ ọnịrị uye ịnị avị beri inomi nịnị ịrẹsụ nị. Agụvị avọọ Inebukadineza ohinọyị ọ vị̀ ịrẹsụ ana a sị igooru mẹ̀ ịnị ịsa oni o re nị.

Ezikẹẹrị 27:35

Ịsị ene tu wu nịnị aanị ộ za avaba aza ana ra hi ụtenyi zizi. Ohinọyị ẹnịnị vị ana nyayịnẹ hụrẹ ayịnẹ, dị eyirẹsụ ẹnịnị ta vara angwa mee hí wa.

Ijeremaya 51:37

Ẹtẹ Ịbabịrọnị vaa jị eburu dị ahịka uye ịnị avị ẹ kụkụ ra ịzọọ nị. Ịrẹyị anị vaa mẹ ayịị hụrị aza ịnẹ, ẹtẹẹtẹrẹ èe re e, dị ọ kụkụ aa nyị ọza ịhyẹrẹ. Ọza ẹ́ yị ma vana ra ịzọọ.

Ijeremaya 50:46

Ịjị ụvọ oo ku Anibabironi nịnị avaba ẹhẹ vee zizi aza ee me nowu. Avaba anẹkụra ana vọ vaa wụ́ owu ẹnịnị.

Ijeremaya 50:23

Ịbabịrọnị vị ana sị mẹẹ ịhama ana a sị gara avaba ẹhẹ ha rugurugu, booro aanị a rẹ sị ọnị gara ha. Ịsị e tu ẹkụra ọnọọ ộ zizi avaba ẹkụra-ẹkụra nịnị.

Ayịsaya 14:4

ahẹ ọnị ụ vaa jị Anibabironi ịhị ọnọọ yị. Dị ụ ka, “Ọza ana vịdị aa mẹ ẹchakaa yị, aanị ộ ta, ọ. Ọ yị kụkụ zụ kụ́ ayị hị́ ọza.

2 Ịtọpa 7:21

Ịjị ụmẹ oo tu, irehi ọnọnị ana maanị ngụ ọza eyi, aanị vee hi aza eyi, dị aza ee, họ̀ use ka sị ẹ vẹ dị Ẹnẹyịmavara maanị mẹ anẹkụra ọnọnị ọnịrị irehi ọnọnị aanị?

Iwe Ọhụhị Imosiisi ana aa hị́ Ọyịvatụrọda 28:37

Anẹkụra ana vọ èe re ịsị ẹ mẹ wụ nịnị, ọ vaa za waa zizi ẹtẹẹtẹrẹ. Ẹnịnị vị ana vaa kụ́ wụ isiya, di e yee nyị wu nini unyi.