Ijeremaya 51:40 - IWE ỌNỊNỊ

⁴⁰ Ọ kà ọnị vaa sị wa ka à na wụ̀ wa anka ozi atẹmẹ nịnị avọọ, dị a wụ̀ wa anka ẹvụ ọnịrị ịdẹba nịnị avọọ.

Ijeremaya 51:40 Referans Kwoze

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ezikẹẹrị 39:18

Ẹnịnị vaa rị oku isoja nịnị, di e hu ohinọyị anẹhẹ nịnị, ana á vaa wụ̀ avaba ẹnịnị anka ịdẹba, à vị ozi atẹmẹ, ẹvụ à vị ụnọ ana ta dẹngụ avọọ.

Ayịsaya 34:6

Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị.

Ahẹ Ụgama 44:22

Awụ aza ee chire yi angwa eyinị-eyinị ka ẹnị vaa wụ̀ yị nị ẹ yaa mẹ yị anka atẹmẹ ana aa vaa wụ̀ avọọ.

Ahẹ Ụgama 37:20

Ama aza edivi vi ene vee vú ẹtẹ. Aza ana ka ẹnị vị ọnịvị Ẹnẹyịmavara vị ẹnẹ ẹhẹ ẹnịnị vaa vị osusu anka ịra mẹ̀ẹ rị avị ịra dị ẹ ta avọọ.

Ijeremaya 48:15

Ohinọyị ana aā hị́ Ẹnẹyịmavara Ochẹtẹẹngụ ka, ẹtẹ Imowabi ọnịrị avaba ẹkụra ene hi ịnị anị vị enee vee vú ẹtẹ. Ezwọọmụha ọyịza-ọyịza ene hi ịzọọ vị ana vaa wụ̀ ha.