Ijeremaya 51:32 - IWE ỌNỊNỊ

³² Ẹ ka ọnịvị ẹnịnị jẹẹ ịzị a zịị̄ jịnẹ irehu. Ẹ sị irehi ọbanyị ịzị isoja ẹnịnịị tẹẹ sere ẹtẹ rị ịra. Ivoovo ọ sị isoja ẹnịnị za.

Ijeremaya 51:32 Referans Kwoze

Ijeremaya 51:30

Isoja Anibabironi ẹ yị kụkụ kụ ịrẹkụ. E ne sì hi ịnị irehi ọnị isoja nịnị yaa sere ẹtẹ. Ẹnịnị ẹ yị kụkụ nyị ọtụtụrụma, vị ẹ kụkụ sị mẹẹ anka anyẹnẹẹ avọọ nị. A sị oze ọbanyị ana aā zị vaa ngụ ịnị ẹkụra gara ha, irehi ẹnịnị aa rị ịra.

Ayịsaya 44:27

Ẹ̀ma mẹ ọda ka òkù ọ̀ wụ nị. Mị vaa mẹ irehu awụ nịnị ẹ̀ wụ.

Ayịsaya 47:14

Re, ẹnịnị vị ana sị mẹ ẹpọmọ avọọ, ịra o vee vu wa ẹtẹ nị. Ịra ọnọọ va ngụraa yị wa ẹnẹmẹhị, ẹnịnị ẹ yị va zụụ dọ ẹngụ ẹnịnị ha. Ẹ yị vị akịna ana aa wà ọsọnị vị, ẹ yị vị ịra ana aā yaatụụ pe ọ vị.

Ijeremaya 51:31

Ọnụtụ irenyi-irenyi ê zwè na kà a yị ohinọyị ka á raa zị oze eyi ẹnyị-eyi ọsa kụ ịrẹkụ ngụ ịnị ẹkụra nị ọ.

Ijeremaya 51:33

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ezii Anisirẹrị nịnị vị ana sị mẹẹ anka ịzị eē tụ́ akụ avọọ. A vaa sẹ́ waa vàa hi ẹtẹ ịsọnị-ịsọnị, dị aa kụ ahụ pịrị wa.

Ijeremaya 52:7

Ẹnịnị ệ zị oze eyi ọnya dị ẹ chaka ọvọ ana a kara Ijerusarẹmị, dị avaba isoja ẹnịnị zị avọọ zwe tụ ẹhẹ ịrahụ nị. Isoja Anibabironi nịnị vị ana yị họ̀ kara Ijerusarẹmị ụmẹ ọnọọ. Isoja Anijerusarẹmị ệ zi oze ịnị ụbazị ohinọyị, dị ẹ zị oze ịnị oze ọbanyị ana yà ịnị akakana ọvọ ẹẹva jịnẹ tụ ẹhẹ nị. Ẹnịnị ee zwè, dị ẹ sị ịrẹsụ ka oze inozi Ijodani aa na nị.