Ijeremaya 51:30 - IWE ỌNỊNỊ

³⁰ Isoja Anibabironi ẹ yị kụkụ kụ ịrẹkụ. E ne sì hi ịnị irehi ọnị isoja nịnị yaa sere ẹtẹ. Ẹnịnị ẹ yị kụkụ nyị ọtụtụrụma, vị ẹ kụkụ sị mẹẹ anka anyẹnẹẹ avọọ nị. A sị oze ọbanyị ana aā zị vaa ngụ ịnị ẹkụra gara ha, irehi ẹnịnị aa rị ịra.

Ijeremaya 51:30 Referans Kwoze

Ịnahụmị 3:13

Ọkụrẹkụ Anininivẹ tụ ọkụmị anka anyẹnẹẹ avọọ. Avaba oze ọbanyị ana ngụ ẹkụra vị ana na hi ẹtẹ yị ọnịvị nịnị. A vaa rị ọchojoze ọbanyị ẹnẹẹ ịra.

Arụwẹ 2:9

Avaba ozovwoovu ana aā zịị ngụ Ijerusarẹmị vị ene e wu, dị ezi wu ku wa za ẹtẹ. Ọvọrịvọ ene eē sii chere wa vị ana a chaka rugurugu va ha. Á sị ohinọyị ọnịrị ẹnị ọdọvịdị ẹnịnị dụ ne hi ẹkụra ọsa. Ẹ yị kụkụ nyị ọza ana aa zụ ọda Ohomorihi yị aza. Ẹnẹyịmavara ẹ yị kụkụ tụ ọnịsẹ Anị ụtụ hi aza.

Ayịsaya 19:16

Ụmẹ ọnya aa vẹ. Ịhị ọnọọ Anijipiti vee re ka Ẹnẹyịmavara Ochẹtẹẹngụ ọ sị kwẹẹtẹ ka ọnị ọ̀ sị ụya rị ẹnị Ẹnịnị vee hí angwa anka ọnyẹnẹẹ avọọ.

Ahẹ Ụgama 76:5

Isoja ọnịvị awụ ana vị isoja ọ̀kà-ọ̀kà vị ana maanị sú và hi ẹtẹ, ẹnịnị ẹ yị kụkụ zụ sị ụvọ.

Emọsị 1:5

Avọọ ọnị mẹ̀ rẹ vaa gara oze ọbanyị ana na ngụ Ịdamasịkọsịị ha nị. Aza ana ra ịnị osusuu Aveni ọnịrị ohinọyị Ịbẹtị-Edeni vi ene vee vú ẹtẹ. Anisiriya nịnị vị ana vaa za ọrịhị nọ ẹkụra ana aā hị́ Ikiri.”

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ẹtore 18:10

Ẹnịnị vaa jẹẹ ẹnẹẹnẹ, agụvị ka angwa ụya ana aa rị ọ ee hi wa. Dị ẹ ka: Kwaa-kwaa! Ho! Ịbabịrọnị ẹkụra ọbanyị ana maanị nyị ụkataa? Ịnị ụmẹ chee kẹnẹ ọ́karẹyị awụ tù aanị nịị?

Ijeremaya 51:57

Ọnị vaa kà ọdọvịdị ẹnịnị ọnịrị aza ana yẹ ịrẹyị hị́ ịzọọ eche. Ọnị vaa kà Ịgọvọnọ ẹnịị ọnịrị isoja ẹnịnị eche. Ẹnịnị vanaa sụ̀ dị ẹ́ yị ma vanaa ha kwẹẹtẹ. Ọnị ohinọyị ọ kà avọọ nị. Ịrẹha anị ọ rị Ẹnẹyịmavara Ochẹtẹẹngụ nị.

Ijeremaya 51:32

Ẹ ka ọnịvị ẹnịnị jẹẹ ịzị a zịị̄ jịnẹ irehu. Ẹ sị irehi ọbanyị ịzị isoja ẹnịnịị tẹẹ sere ẹtẹ rị ịra. Ivoovo ọ sị isoja ẹnịnị za.

Ahẹ Ụgama 147:13

O raà mẹ ka ukere ene e si chire oze awụ nịnị ọ̀ katẹngụ. Dị ọ rẹ mẹ ka ò zee yị ẹwụ nịnị ana ra hi ịnị ịnẹ ẹkụra nị.

Ahẹ Ụgama 107:16

Ukere enyusẹ-enyusẹ ene e si chire oze vị ọnị ọ chaka và ha.

Ayịsaya 47:14

Re, ẹnịnị vị ana sị mẹ ẹpọmọ avọọ, ịra o vee vu wa ẹtẹ nị. Ịra ọnọọ va ngụraa yị wa ẹnẹmẹhị, ẹnịnị ẹ yị va zụụ dọ ẹngụ ẹnịnị ha. Ẹ yị vị akịna ana aa wà ọsọnị vị, ẹ yị vị ịra ana aā yaatụụ pe ọ vị.

Ijeremaya 50:15

We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.