Ijeremaya 51:29 - IWE ỌNỊNỊ

²⁹ Avaba ẹhẹ aa dọ ẹgahị, dị ee henyi nị, agụvị ka Ẹnẹyịmavara ó si nyima aa tụ́ ẹtẹ Ịbabịrọnị osusu anka ọ́ mẹ ka ọnị vaa mẹẹ. Ọza ẹ́ yị ma vanaa ra ịzọọ.

Ijeremaya 51:29 Referans Kwoze

Ijeremaya 51:43

Ẹkụra-ẹkụra ene hi Ịbabịrọnị kuku e chire ọza angwa. Ẹ́ kụkụ sị mẹẹ anka ẹtẹ aarẹ-aarẹ ẹnẹ ẹ yị nyị enyi vụrụ-vụrụ avọọ. Ẹ́ yị nyị ọza ana ra ịzọọ, ẹ́ yị hyakụ nyị ọza anaa zị avọọ paraahu.

Ijeremaya 8:16

Ẹ ka ọnịvị ẹnịnị ẹ sị ngụ ẹkụra Ịdaanị, Ẹnị aa wụ ẹtẹ ịrẹyị umaata ẹnịnị maa sị tụ ụhwẹ ụkata-ụkata. Avaba ẹtẹ ee zizi ịjị umaata ẹnịnị è na owu, ọnịvị ẹnịnị ẹ zị vẹ ọyị ve vu ẹkụra ẹnịnị ọnịrị aza beri ịsa ene hi ịnị anị ẹtẹ.

Emọsị 8:8

Agụvị ebira odivi ẹngụ ẹnịnị, dị Ẹnẹyịmavara henyi avaba ẹtẹ ịzọọ nị. Dị ẹtẹ ee ne vaa hịrẹ vaa chi anka ẹnyị irehu Ịnayịrị mẹẹ da eganggu ịnị ị̀rẹ̀sụ̀, ọ vaa nọ ẹtẹ avọọ nị. Ọzọza vee na owu ịhị ana mẹ wa.

Ijeremaya 50:45

Agụvị avọọ, Ẹnẹyịmavara kà wa wụ́ nịnị ịsị ọnị ee sì ka ọnị ọ̀ mẹ Ịbabịrọnị ọnịrị aza ana ra hi ịzọọ. Ezi ẹnịnị vị ana a vaa kụụ hara ẹtẹ ne nee hu, di angwa ee hi ọzọza.

Ijeremaya 50:13

Ẹnẹyịmavara kà, agụvị ayị anaa kụ ọnị, ọza ẹ́ yị ma vanaa rá Ịbabịrọnị. Vị́ á vaa jị ọ eburuu tịtẹ nị. Avaba aza anaa zị avọọ vị ọnị ọ́ vaa zaa zizi, dị o hi wa irenu.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ẹtore 18:2

Dị ụkata-ụkata nowu tụ́ ẹba ka: Ịbabịrọnị ọ sị hyẹdụ. Echu ọnịrị ụhwẹ echu irenyi-irenyi e kuku hi ịnị anị nị. Inomi edivi irenyi-irenyi kẹnẹ e kuku hi ịzọọ nị.

Ijowẹrị 2:10

Dị ẹtẹ ọnịrị ẹbẹẹba ee ziizi; dị ọyị ọnịrị ụhwẹ ẹ yị re oze sị ẹtẹ hweyi, dị ụzọmị nịnị ẹ yị kụkụ zẹtẹ nị.

Ijeremaya 50:43

Ịjị ohinọyị Ịbabịrọnị wụ́ ịrẹyị aza ẹnẹnị, ụvọ anị ee wusu za ẹngụ. Ẹngụkata ọọ sụ̀ ọ ẹngụ, dị ee rimanya anka ọnẹẹ anaa barẹẹ avọọ nị.

Ayịsaya 14:16

Aza ene re wu vi oni o hi eyi. Dị ẹ yaa kà a ka ọza ana maanịị hí angwa anị wáá yị? Wéē re,

Ijeremaya 50:36

Ọnịsẹ nịnị enee che irechee yị wa vị ene vee súu ha. Ẹnịnị ẹẹ da vị ọnụra kẹnẹ. Isoja ẹnịnị vị ene vee súu ha. Ẹnịnị ee divi baaba chẹngụ.

Ijeremaya 50:46

Ịjị ụvọ oo ku Anibabironi nịnị avaba ẹhẹ vee zizi aza ee me nowu. Avaba anẹkụra ana vọ vaa wụ́ owu ẹnịnị.

Ijeremaya 51:26

Ẹ yị nyị ịrẹta ikonyara ana a vaa sị hụụnị ịsị ẹẹ vọ ịnị awụ nịnị na tụra irehi. Vị́ ụ vanaa sịị mẹẹ anka ụnọmị ẹnẹ ẹ̀ yị nyị ọza pooro nị. Ọnị, Ẹnẹyịmavara ọ ka avọọ nị.

Ijeremaya 51:28

Ọ kà à kà a ka ẹkụra-ẹkụra è tenyi ẹngụ ịrẹkụ tu Ịbabịrọnị. À tụ́ na hi ohinọyị Animidiya nịnị, beri ẹnị Ịgọvọnọ ẹnịrị ọdọvịdị nịnị, dị à hị́ isoja avaba ẹtẹ ọnị ẹyaa mẹ ọda tụra ịrẹsụ.

Ayịsaya 24:20

Dị ọ kụkụ aa mẹrị anka ọ́za ene eche aa mẹrị avọọ. Dị aa ba anka ahị mẹ̀ẹ ba ajẹngụ avọọ. Ịvị akamawụ anẹhẹ vaa rataa tụra wa. Ọ vaa gụ waa hyẹdụ dị ẹ yị mā vana zụ kwẹẹtẹ.

Ijeremaya 51:37

Ẹtẹ Ịbabịrọnị vaa jị eburu dị ahịka uye ịnị avị ẹ kụkụ ra ịzọọ nị. Ịrẹyị anị vaa mẹ ayịị hụrị aza ịnẹ, ẹtẹẹtẹrẹ èe re e, dị ọ kụkụ aa nyị ọza ịhyẹrẹ. Ọza ẹ́ yị ma vana ra ịzọọ.