Ijeremaya 51:27 - IWE ỌNỊNỊ

²⁷ Mẹ ịsị a vaa sịị yẹ ịrẹkụ o si tu. Hú ọpanyị ịrẹkụ dị ẹkụra-ẹkụra ẹ̀ wụ ọ. Kà a ka ẹkụra-ẹkụra o tenyi ẹngụ ịrẹkụ tu Ịbabịrọnị. Hị́ ohinọyị ẹtẹ Ararati, Imini ọnịrị Asikenazi nịnị ka, ẹnịnị ẹ̀ kwẹẹtẹ tụ ọ. Nyị ọdọvịdị ana vaa kụ wa nọ ịrẹkụ ọnọọ. Ẹnẹyịmavara kà, à kụ vaa kụ wa nọ ịrẹkụ ọnọọ. Ẹnẹyịmavara kà, à kụ umaata gigirigi anka ọkọnị akụvarịvaa avọọ.

Ijeremaya 51:27 Referans Kwoze

Oyinyima 10:3

Di Igoma ọnị rẹ ma Asikanazi, Iripati ọnịrị Itogarima.

1 Ịtọpa 1:6

Evere Igoma ẹ vị aza Asikenazi, Irihwati, ọnịrị Ịtọgama nị.

Oyinyima 8:4

Ịnị ana tụ́ ọ ụhwẹ ịhịmba, ịnị ẹkụhị ẹwụrịhịmba ịnị ụhwẹ ọnọọ, ịhị ọnọọ ẹpa ọnọọ na jẹẹ ịrẹsụ ataba ọnya ịnị ẹtẹ Ararati nị.

Ijeremaya 51:12

Hú ọpanyị ka à kụ ịrẹkụ jịnẹ ọvọ Ịbabịrọnị. Nyị aza na vaka isoja awụ nịnị, dị wa nyị aza ka ee sere ẹtẹ. Kàa ka aza ẹnyị ẹ̀ tẹ̀ ịnị avị Ẹnẹyịmavara ọ́ raa mẹ ịsị ọ ka ọnị vaa mẹ Anibabironi nịnị.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 25:14

Ọ kà ọnị vee si Ịbabịrọnị ụta avaba ịsị ẹ mẹ. Anẹkụra ọrụrụ-ọrụrụ ẹnịrị ohinọyị ẹbanyị-ẹbanyị vaa za wa ọrịhị.

Ijeremaya 51:14

Ẹnẹyịmavara Ochẹtẹẹngụ, ọ raa sị ẹngụ anị hị́ eku ka, ọnị vaa mẹ aza ẹ̀ kọmị, anka ọkọnị akụvarịva avọọ, dị ẹ̀ kụ́ ịrẹkụ ve tu Ịbabịrọnị. Ẹnịnị vaa nyị ẹbẹẹba anị, dị eyee nowu.

Ayịsaya 18:3

Avaba ẹwụ nịnị ene hi ẹhẹ ọ̀ sị ụtọ pè ẹtẹ. Ịjị àa tana uyi tụ́ ẹba ịrẹsụ ataba, dị ọpanyị aa sụ́ ịrẹyị nị, ụ vaa wụ́ nịnị.

Ịzakaraya 14:2

Ẹnẹyịmavara vaa kụ́ anẹkụra ana vọ vabẹ, dị ẹ gẹ ịrẹkụ tu Ijerusarẹmị. Dị ẹ rị ẹkụra ọnọọ, dị kụ́ avaba ogu ẹnịnị, dị ẹ sị ụkata-ụkata pe ese ẹnịnị sụ̀. Achẹva aza ene hi Ijerusarẹmị vị ana vaa za ọrịhị na ẹkụra ọsa, dị a navọ ẹnị ana vọ hi ịzọọ.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Ijeremaya 46:23

Uruku rimi-rimi vị ene e vú ẹtẹ. Ẹnịnị ệ rụrụ pooro, ọza ẹ́ yị zá wa ịrịka. Isoja ẹnịnị ẹ rụrụ huni akụvarịva nịnị.

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

2 Ohinọyị 19:37

Ẹkụhị ọnya, ộ yà ini irehi ori anị ana aā hị́ Inisirochi aa mẹ ahẹkẹ. Â nyị ẹẹva ini ezi anị ana aā hị́ Adiramẹrẹkị, ọnịrị Ịsarẹzẹrị. Ẹnịnị ệ tụ̀ ụhwọ, dị ẹ wụ̀ ọ nị. Ẹ sị ọ wụ, di e zwe ne hi ẹtẹ Ararati nị. Dị ozi anị ọsa ana aā hị́ Esahadoni rị ohinọyị dọ ọ ịrẹsụ nị.

Ọdọvịdị 6:5

Ẹnịnị àa vẹ dị ẹ kụ ịsụpa ọnịrị ajẹngụ ẹnịnị, dị ẹ rụrụ anka akụvarịva avọọ. Ọza ẹ yị zụ za wa ịrịka ẹ mẹ rụrụ ẹnẹmẹhị, di e du ẹtẹ nị.

Ayịsaya 37:38

Ẹkụhị ọnya, ộ yà ini irehi ori anị ana aā hị́ Inisirochi aa mẹ ahẹkẹ. Â nyị ẹẹva ini ezi anị ana aā hị́ Adiramẹrẹkị, ọnịrị Ịsarẹzẹrị. Ẹnịnị ệ tụ̀ ụhwọ, dị ẹ wụ̀ ọ nị. Ẹ sị ọ wụ, di e zwe ne hi ẹtẹ Ararati nị. Dị ozi anị ọsa ana aā hị́ Esahadoni rị ohinọyị dọ ọ ịrẹsụ nị.

Ijeremaya 50:3

Ẹkụra ọnyara ọ́ raa kụ́ ịrẹkụ hụrị eyi ẹbẹẹba e vee tu Ịbabịrọnị. Ọ vaa tụ ọ osusu. Aza ẹnịrị ịsụpa vee zwèe hụ ịzọọ. Ẹ́ ma vana nyị ọza ana vaa ra ịzọọ.

Ijeremaya 50:9

Ọ kà ọnị vaa na tụ ẹkụra-ẹkụra ana nyị ụkata hị́ eyi ẹbẹẹba ịrẹyị ka, ẹ̀ kụ́ ịrẹkụ ve tu Ịbabịrọnị. Ẹnịnị vee tò o tụra ẹngụ, dị ẹ kụ́ ịrẹkụ ve tu ọ. Eyi ẹbẹẹba a vaa hụrẹẹ vẹ vaa za wa nị, ọpa ẹnịnị vị ene vee ne anka aza ana yara kụ ịrẹkụ ẹtẹẹtẹrẹ, ẹnẹ ẹ yị ma jị avosusu varẹma nọ eehi avọọ.

Ijeremaya 51:28

Ọ kà à kà a ka ẹkụra-ẹkụra è tenyi ẹngụ ịrẹkụ tu Ịbabịrọnị. À tụ́ na hi ohinọyị Animidiya nịnị, beri ẹnị Ịgọvọnọ ẹnịrị ọdọvịdị nịnị, dị à hị́ isoja avaba ẹtẹ ọnị ẹyaa mẹ ọda tụra ịrẹsụ.

Ijowẹrị 3:9

Ẹ nọ̀ọ yị anẹkụra ọzọza; Di e tenyi ẹngụ ịrẹkụ. Ẹ hị́ ọkụrẹkụ nịnị, dị avaba isoja ẹnịnị ẹ gụ aha ọnya dị ẹ kwẹẹtẹ nọ ịrẹkụ.