Ijeremaya 51:14 - IWE ỌNỊNỊ

¹⁴ Ẹnẹyịmavara Ochẹtẹẹngụ, ọ raa sị ẹngụ anị hị́ eku ka, ọnị vaa mẹ aza ẹ̀ kọmị, anka ọkọnị akụvarịva avọọ, dị ẹ̀ kụ́ ịrẹkụ ve tu Ịbabịrọnị. Ẹnịnị vaa nyị ẹbẹẹba anị, dị eyee nowu.

Ijeremaya 51:14 Referans Kwoze

Emọsị 6:8

Evere Ijekọvụ ẹnẹẹ e re du Ẹnẹyịmavara ayị. E re ẹngụ ẹnịnị huu ịsa ọsa, avọọ Ẹnẹyịmavara nyị ịhyẹrẹ ịsa ene ro ka ẹ vị ụkata ẹnịnị nị. Ẹnẹyịmavara Ohomorihi ọga isoja ọ raa hị́ eku ka ọnị vaa hụrẹ ẹnịnị ogu ẹnịnị ụvọ yị ọnịvị ẹnịnị.

Ijowẹrị 2:25

Ẹnẹyịmavara kà ọnị vaa va ịsa ana mẹ wa ihi ịnị ụmẹ ọnị akụvarịva sị rị ịsa ịnị aarẹ ẹnịnị ịrẹma yị wa.

Ijeremaya 50:15

We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.

Ijeremaya 49:13

Ọ kà ọnị ụvọta o sị eku hị́ ka, ẹkụra ana aā hị́ Ibozira vaa jị eburu, di aza ee re e dị ayị aa hụrẹ wa ịnẹ. Aza vị anaa vanaa mẹ̀ ẹ isiya, dị ẹyaa sị ịrẹha anịị chìi hi aza. Avaba ẹkụra eweyi-eweyi ana kara a vị ana vaa jị eburu pooro.

Anihiburu 6:13

Óhomorihi me wo oto yị Abụrahamị, ẹ yị nyị ịsị e huna Ohomorihi ọnị ọ zụ sị hị́ eku, agụvị avọọ dị Ohomorihi sị ẹngụ anị hị́ eku nị.

Ijeremaya 51:27

Mẹ ịsị a vaa sịị yẹ ịrẹkụ o si tu. Hú ọpanyị ịrẹkụ dị ẹkụra-ẹkụra ẹ̀ wụ ọ. Kà a ka ẹkụra-ẹkụra o tenyi ẹngụ ịrẹkụ tu Ịbabịrọnị. Hị́ ohinọyị ẹtẹ Ararati, Imini ọnịrị Asikenazi nịnị ka, ẹnịnị ẹ̀ kwẹẹtẹ tụ ọ. Nyị ọdọvịdị ana vaa kụ wa nọ ịrẹkụ ọnọọ. Ẹnẹyịmavara kà, à kụ vaa kụ wa nọ ịrẹkụ ọnọọ. Ẹnẹyịmavara kà, à kụ umaata gigirigi anka ọkọnị akụvarịvaa avọọ.

Ijeremaya 46:23

Uruku rimi-rimi vị ene e vú ẹtẹ. Ẹnịnị ệ rụrụ pooro, ọza ẹ́ yị zá wa ịrịka. Isoja ẹnịnị ẹ rụrụ huni akụvarịva nịnị.

Ọdọvịdị 6:5

Ẹnịnị àa vẹ dị ẹ kụ ịsụpa ọnịrị ajẹngụ ẹnịnị, dị ẹ rụrụ anka akụvarịva avọọ. Ọza ẹ yị zụ za wa ịrịka ẹ mẹ rụrụ ẹnẹmẹhị, di e du ẹtẹ nị.

Ahẹ Ụgama 105:34

Di Ohomorihi rẹ kà ịrẹyị, dị akụvarịva ọnịrị ịchacha chaka hi ịnị ẹtẹ ọnọọ nị.

Ijeremaya 44:26

Ama booro anị, sị ụtọ pe ẹtẹ, dị wa wụ eku ọnị ọnị Ẹnẹyịmavara sị ịrẹha anị hị́ agụvị ẹwụ nịnị Anisirẹrị ene hi Ijipiti: Ọnị ẹ́ yị ma vana zẹẹ ka wa sị ịrẹha anị hị́ eku nịnị, di waa kà a ka: Waa sị Ẹnẹyịmavara ana hwọ hị́, dị ọ yàra hị́ eku nịnị.