Biblia Todo Logo
Bib sou entènèt

- Piblisite -




Ijeremaya 50:7 - IWE ỌNỊNỊ

7 Avaba aza ene ré wa vị ana kwẹẹtẹ tu wa. Ọnịvị ẹnịnị ka, ịsa tụra ịsa ọnị ẹnị ẹẹ mẹ wa booro aanị, ẹnị ẹ́ yị rị ịvị, agụvị ka Anisirẹrị nịnị ẹ mẹ̀ ebira odivi hi Ẹnẹyịmavara nị. Ẹnẹyịmavara ọnọnị ọọ̄ sị ẹngwọọrọ yị wa nị. Ọnị ohiku Anisirẹrị vịdị sị ayị tụra nị.

Gade chapit la Kopi




Ijeremaya 50:7
28 Referans Kwoze  

Ẹ ka, ọnị ọ vị ọyịtureyi Anisirẹrị nịnị nị, ọnị ọọ dọ ẹnị ha hụụnị ẹngụkata nị. Sị ẹ vẹ dị ọnị kụkụ sị mẹ anka ọzọga anaa jịnẹ dị ọ ha ka ọnị sụ̀ venẹẹhẹ avọọ yị ẹnị?


Ẹnẹyịmavara kà Anisirẹrị vị aza ọnị ọnị nyị tụ irenyi yị ẹngụ anị. Avaba aza ana kwọ kata wa ẹngụ vị ọnị ọnị sị ụya rị, dị ọnị kụ ẹngụkata odivi tu wa.


Aza anaa hị́ wa vị ana a wụ̀ wa, dị ọza ẹ yị sị ụya rị wa. Aza ana ná wa vị ana kụ́ Ẹnẹyịmavara avọ ka ẹnị ẹ raà nyị ẹkẹhị. Oseratẹmẹ ẹnịnị ẹ yị vayị ẹnịnị vụrụ-vụrụ.


Ẹnẹyịmavara Ochẹtẹẹngụ, Ohomorihi Anisirẹrị ka, ịjị ọnị ọọ raa varẹma kụ aza anị vaavẹ eehi ẹnịnị, ẹnịnị vanaa kà a ịnị ẹtẹ Ijuda ọnịrị avaba ẹkụra ene hi ịnị anị ka, Ẹnẹyịmavara ọ̀ mẹ ka ò zé yị ataba anị ana yà Ijerusarẹmị, aha ọnịnị ịzị ọnị ụvọta ra.


Ẹnẹyịmavara kà Anisirẹrị nịnị vị ana sị mẹẹ anka atẹmẹ ọnị idu nịnị dụ, dị ẹ gara hi ozi avọọ. Ịpaapa, ohinọyị Asiriya ọ vịdị kwẹẹtẹ tu wa nị, dị Inebukadineza, ohinọyị Ịbabịrọnị ọnị kụkụ va sị anyị ngụ wa na za ẹchụkụ nị.


Ẹma vị Ịpọọrụ ana vị odeyi Ijeesu Ikirisiti nị. Ohomorihi, Ọdọzaha ayị, ọnịrị Ijeesu Ikirisiti oni i sị eyi tụra, ọ mẹ ọda ka ma vị odeyi nị.


Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị.


Ẹnẹyịmavara, anka ụ mẹ mẹ̀ ịzẹyịza hi yị ịyẹẹyẹ navọ a sị ụ kụkụ kụ ayị hi Ijerusarẹmị huni aanị. Ẹkụra awụ ọnị ụ yaā sị ẹngụ awụ zụ ọ vị nị. Ama agụvị ebira odivi ohiku ayị nịnị, Ijerusarẹmị ọnọọ ọnịrị aza awụ avaba anẹkụra ana kara a kụkụ a sị mẹ enyinyi aanị nị.


Ẹnị ệ yị saasa ịrẹyị ẹnịnị ọnụtụ Ohomorihi ana vị ọnịsẹ, ẹnịnị mẹ va kà ịrẹyị anị yị ohinọyị ẹnịnị, ọdọvịdị ẹnịnị ọnịrị ohiku ẹnịnị beri avaba anẹkụra ẹnịnị.


Ẹnẹyịmavara Ochẹtẹẹngụ ka, aa mẹ ẹvaya yị Anisirẹrị nịnị ọnịrị Anijuda nịnị. Aza ana za wa vị ana si eyi pe wa gegede. Ẹnịnị ẹ́ yị zẹẹ ka ẹnị ẹ̀ hụrẹ wa ụvọ.


Ẹnẹyịmavara ộ kà a yị ẹnị anẹkụra ọsa ka, ẹnịnị ẹ̀ vẹ anka uye odivi avọọ, dị ẹ̀ va wụ̀ aza anị va ha.


Ayị ộ kụ́ mị tu aza amị; mâ mẹ̀ ebira hi wa anka vị ẹ̀ yị vị aza amị ẹ kụkụ vị nị. Mâ sị wa chire wụ ụvọ, dị wẹ̀ yị vayị ẹnịnị vụrụ-vụrụ nị. Azọkụ ẹnịnị vị ọnị ụ hyakụ tụ́ ọkẹẹkẹrẹ ana rata.


Anisiriya ene hi oze ọnị ọyịị̄ zịị vẹ ọnịrị Anihwirisiti ene hi oze ọnị ọyịị̄ zịị naa ngụ ẹtẹ vaa za Anisirẹrị dị ẹ wụ̀ wa va ha. Ẹ maanị sị ụya rị, Ohomorihi ọ yị vị vaa vàa hụụnị ọyịkụ anị. Vị aa tịị tana ụvọọ za wa hu avọọ nị.


Ọza ana aa sị ẹngụ anị na tẹ̀ ịda Ohomorihi ana nẹba hu keekere ẹnị Ananyị yị vaa jị òkúu kú, dị ẹ yaa tụ́ ụhwọ nị.


Ananyị yị, ịda awụ ị tẹ hụrẹ ụmọrụmọ nọ.


Aza ẹnẹẹ ệ za ezi Ijekọvụ, ẹ kụ́ wa wụ, dị ẹ chaka ẹkụra ẹnịnị ha nị.


Ẹnẹyịmavara ana vị ohinọyị, ẹwụ mị sị ayị tụra nọ, mmẹ̀ hụrẹ vi ozweyi.


Ịsa ọnị ụ mẹ tụ ịnị aarẹ ọnịrị ịsọyịrị awụ nịnị vị ọnị ẹnịnị vee duu ha. Ezi ọnọrụ awụ nịnị ọnịrị ezi anẹẹ awụ nịnị vị ẹnẹ vaa wụ̀ vàa ha. Ịsụpa awụ nịnị vị ọnị e vee vú ẹtẹ beri ọchị ịvayịnị ọnịrị ọchị ihwigi awụ nịnị. Ẹkụra awụ nịnị ana jị ọvọ kara ọnị ụ vavọọ aa tụra eyi nịnị avọọ vị ọnị isoja ẹnịnị vee vú ẹtẹ.


Ọ kà, ọ sị ọyịkụ anị zụ aza ana ka ẹnị ẹ yị yẹ ẹ; dị ẹnịnị ẹ yị maa hẹkẹ ẹ. Ẹnịnị ẹ sị aza Ẹnẹyịmavara wụ̀ ha; ẹ sị ẹnị vú ẹtẹ saka-saka, dị ẹ jị ẹkụra ẹnịnị eburu nị.


Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.


Atẹmẹ ẹnẹẹ ẹ́ kụ gara hi agụvị ka ẹ́ yị nyị ọza enee sere wa. Dị uye edivi kụkụ aa za waa mẹ ụngwẹ nị.


Ọ kà, ụ vaa yẹ nịnị ka ọnị, Ẹnẹyịmavara ộ wụ isiya ọnị waa mẹ nịnị ka, asị ataba-ataba ene hi Isirẹrị tu osusu, asị ọ hụrẹ ụvọ wụ nịnị ka waa gara a ha.


Ọ kà ụmẹ ọnọọ, ọnị vaa sị ozi Idevidi ọnyara ana vị ọnịzẹyịzaa rị ohinọyị. Ohinọyị vaa mẹ ịsị ana vọrọ dị ọ vị ịzẹyịza avaba aha ịnị ẹkụra.


Ọ kà ụmẹ ọnọọ, a vaa dọ Anijuda ọnịrị Anijerusarẹmị nịnịị ha, dị ẹ kuku hi ịnị ẹngwọọrọ. Ijerusarẹmị á kụkụ vaa hị́ Ẹnẹyịmavara ọ dọ yị ha nị.


Ọ kà, ẹwụ nịnị ana kụ́ ọkịta ọ tenyi ẹngụ ịrẹkụ, di wa tara kara Ịbabịrọnị nịnị. We ne avaba ọpa awụ nịnịị hi Ịbabịrọnị nịnị, agụvị ka ẹnịnị ẹ sị ebira odivi mẹ hi ọnị Ẹnẹyịmavara.


Swiv nou:

Piblisite


Piblisite