Ijeremaya 50:35 - IWE ỌNỊNỊ

³⁵ Ẹnẹyịmavara kà, avaba Anibabironi ọnịrị aza ana ra hi Ịbabịrọnị vị ene vee súu ha. Ọdọvịdị ẹnịnị ọnịrị aza ana yẹ ịrẹyị hi ịzọọ vị ene vee súu ha.

Ijeremaya 50:35 Referans Kwoze

Ijeremaya 47:6

Ẹwụ nịnị Anihwirisiti ka, kaaa! Ẹnẹyịmavara ọ̀ raa kụ́ ịrẹkụ tu wu nịnị. Ụ ka ịzị ọ vaa maanị tọ̀ wụ nịnị ụnava nee tu? Ịhị ụ vaa nyị ụhwọtụ nịnị da?

Ihoseya 11:6

Ịrẹkụ vị ana vaa ngụ tụ́ ẹkụra ọbanyị-ọbanyị ẹnịnị, dị ọnịvị ẹnịnị gara avaba oze ẹkụra ẹnịnị na wụ̀ wa va ha. Eto odivi ẹnịnị a vị ịrẹpa ana za wa nị.

Ịdanịyẹrị 5:30

Ịrahụ ịhị ọnọọ gẹdẹ-gẹdẹ dị a wụ Iberisaza ana vị ohinọyị Ịbabịrọnị nị.

Ijeremaya 51:57

Ọnị vaa kà ọdọvịdị ẹnịnị ọnịrị aza ana yẹ ịrẹyị hị́ ịzọọ eche. Ọnị vaa kà Ịgọvọnọ ẹnịị ọnịrị isoja ẹnịnị eche. Ẹnịnị vanaa sụ̀ dị ẹ́ yị ma vanaa ha kwẹẹtẹ. Ọnị ohinọyị ọ kà avọọ nị. Ịrẹha anị ọ rị Ẹnẹyịmavara Ochẹtẹẹngụ nị.

Ịzakaraya 11:17

Oseratẹmẹ kẹnẹ-kẹnẹ ọnọọ ọ sị da, ọ raà para atẹmẹ anị hu. Ịrẹkụ vee du avaba ụkata anị. Ụvọ anị vaa su, di eyi ụvọrị anị gu.

Ezikẹẹrị 14:2

Dị Ẹnẹyịmavara kà a yị ọnị ka:

Ijeremaya 51:39

Ẹnẹyịmavara kà, ịjị aa raa hị́ wa ịrẹkụ kẹnẹ, ọnị vaa mẹ ịsọyịrị yị wa, dị ọnị kà wa eche, di ẹyaa jẹ. Ẹnịnị vanaa sụ̀ dị ẹ yị ma vana ha.

Ijeremaya 50:30

Avọọ, ọnị Ẹnẹyịmavara kà, Ezwọọmụha ẹnịnị vị ana vaa wụ̀ vàa hi ẹtẹ ịnị orere ẹnịnị, dị ee vu avaba isoja ẹnịnị ẹtẹ ịhị ọnọọ.

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ijeremaya 10:7

È nee yị vee hí angwa ẹwụ ohinọyị avaba ẹhẹ? Vị a vọrọ ka ee hí angwa awụ nị. Ịnị avaba ọyẹrẹyị ẹhẹ ọnọnị ọnịrị avaba ohinọyị ẹnịnị ẹ yị nyị ọza anka ẹwụ.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ayịsaya 66:16

Ịra ọnịrị ụhwọ ọ vaa sị sị ụya rị avaba anẹhẹ ana rị ịvị anị. Aza ọrụrụ vị ene vee su.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ayịsaya 41:25

Ẹnẹyịmavara kà ọnị ọ raà nyị̀ ọdọvịdị hụrẹ eyi ẹbẹẹba ọnịrị eyi ịzị ọyịị̄ hụrẹ vẹ ka o vị eyi ịraazị ka anẹkụra nịnị. Ọnị vaa sị ọ nyị ẹbẹẹba ohinọyị nịnị anka ọjụnọkọ nịnị mẹẹ sị ahụ pịrị ụmọpa avọọ.

Ayịsaya 29:14

Mị rẹ va naa mẹ̀ ịsa ana ahịka ô hi wa eyi. Avọọ m mẹ̀ vaa mẹ̀ ẹ tụ̀ ẹngụ tù ẹngụ nị. Aza ana ka ẹnị ệ yẹ ịrẹyị vee re ka ọnụra ẹnị vị nị. Avaba ịrẹyọyẹ ẹnị ẹ ka ẹnị ệ nyị vị ana vaa tụ́ osusu.”

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Ayịsaya 45:1

Ẹnẹyịmavara ộ raà Ịsayịrọsị ka ọ vị ohinọyị. Ọ raà nyị ọ ka ọ nyị ẹbẹẹba avaba ẹkụra nịnị, dị ọ dọ wa ẹkụra ẹnịnị. Ộ tụ Ịsayịrọsị ka ọ dọ ohinọyị nịnị ụkata. Ẹnẹyịmavara kà ọnị vaa na oze ovwoovu ọbanyị ẹkụra nịnị yọ, dị ẹ yị nyị ọza ene zụ gu wa.

Ijeremaya 51:47

Avọọ, ẹkụhị aa vẹ ọnị ọnị vaa sị ụyaa rị ori ene hi Ịbabịrọnị. Ọnị vaa mẹ̀ ụhị ẹkụra ọnọọ, dị a wụ̀ aza ene hi ịnị anị.