Ijeremaya 50:19 - IWE ỌNỊNỊ

¹⁹ Ẹnẹyịmavara kà, ọnị vanaa kụ Anisirẹrị nịnị vaavẹ ịnị ẹtẹ ẹnịnị. Ẹnịnị vaa kụ́ ịsọyịrị tụ ịrẹsụ ataba Ịkamẹrị ọnịrị ịnị ẹtẹ Ịbasanị, dị ẹyaa rị ọ. Ẹnịnị vee re avaba ịsị eyee sì ịrẹsụ ataba Ehwireemi ọnịrị hụrị ẹtẹ Anigiriyadi.

Ijeremaya 50:19 Referans Kwoze

Imika 7:14

Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.

Ijeremaya 31:6

Ka ẹkụhị aa vẹ ọnị oserẹtẹ vaa yà ịrẹsụ ataba Ehwireemi dị ọ hị́ aza ka! Aa kwẹẹtẹ, dị aa vaa hịrẹ nọ ne tu Ẹnẹyịmavara Ohomorihi ayị.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ezikẹẹrị 38:8

Ẹnẹyịmavara kà, ịrayị ọrụrụ-ọrụrụ ọ̀ọ sị mẹ, ọnị vaa mẹ ka Ịgọgị ọ̀ kụ́ ịrẹkụ na ngụ ẹkụra ana a kụ́ aza anị và hụrẹ ẹkụra ọsa ve hi, dị ẹnịnị è yị kuku hí angwa ka ịrẹkụ wáa vẹ. Ọ vaa kụ́ ịrẹkụ naa ngụ ataba Isirẹrị ọnị ó sị ku ọnị ọ tu osusu aza mẹ hụ́ hụụnị anị. Ama aza vị ene kuku hi ịzọọ ẹngwọọrọ-ẹngwọọrọ booro aanị.

Ezikẹẹrị 36:33

Ẹnẹyịmavara Ochẹtẹẹngụ ka, ịhị ọnị ọ̀ọ raa nyịna ebira odivi awụ nịnị kwooze, ọnị vaa navọ ka wa varẹma hi ịnị ẹkụra awụ nịnị. Ọnị vaa zẹẹ ka wa varẹma tenyi eburu awụ nịnị dà.

Ezikẹẹrị 36:24

Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị.

Ezikẹẹrị 11:17

Avọọ, Ohomorihi Ananyị ụkata hu kere-kere ka, ọnị vanaa kụ́ waa gụ hụrị avaba ẹkụra ọnị ọnị gara wa ne hi, dị ọnị varẹma sị ẹtẹ Isirẹrị yị wa.

Ijeremaya 32:37

Ọ kà, re, ọnị vanaa kụ wa gụ hụrị avaba ẹkụra ọnị ọnị sị ọyịkụ-ọyịkụ dụ wa ne hi. Ọnị vanaa kụ waa vaavẹ ịzị ẹnị, dị ọnị mẹ ka ẹnịnị ẹ̀ ra ẹngwọọrọ-ẹngwọọrọ.

Ijeremaya 31:25

Ọ kà, ọnị vaa sị ụkata yị aza ọnị ọ sị ngụ ẹngụ, ọnị vaa sị ịsọyịrịị yị aza ọnị ụngwẹ raa tụ ọkụmị dị ịnẹ ha wa.

Ijeremaya 31:14

Ẹnẹyịmavara kà, ọnị vaa sị ịsọyịrị ọyịza-ọyịzaa yị ohirẹsụ irehi Ohomorihi ẹnịnịị rị. Ọ kà, avaba ịsị aza anị ee si vị ọnị ọnị vaa sịị yị wa dị ịnẹ ha wa.

Ijeremaya 30:18

Ọ kà, ọnị vaa kụ Anijerusarẹmị vàa vẹ eehi, dị ọnị và ogu ẹnịnị ịrẹma yị wa. Ọnị vaa vayị ovwoovu ikonyikonyara ẹnịnị. Ọ kà, e vènee tenyi Ijerusarẹmị da, dị a da irehi ohinọyị ẹnịnị varẹma tụ aha anị.

Ijeremaya 30:10

Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.

Ayịsaya 35:2

Mị ka ụnọmị ẹnẹẹ vee hunẹnẹ, dị ẹngụ avaba ọchị ene hi ịnị anị tịtẹ hụtụ-hụtụ. Ịrẹbanọnị rẹ vanaa vàa nọ udi ụbanyị anị. Ataba Ịkamẹrị ọnịrị Ịsarọnị re venee hunẹnẹ di e zoza. Avaba aza vee re ụbanyị ọnịrị ụkata Ẹnẹyịmavara ana vị Ohomorihi ayị.

Ayịsaya 33:9

Ẹtẹ ọnọọ kụkụ vi osusu tịtẹ kẹnẹ, ẹ yị kụkụ nyị ọza ịnị anị. Avaba ọchị ene hi ini iriku Ịrẹbanọnị ẹ kụ́ wọrọ. Ini ozi Ịsarọnị ana vịdị maanị zoza ọ kụkụ sị vara ọpaapara. Ọchị ene hi ịnị ataba Ịbasanị ọnịrị Ịkamẹrị ẹ kụ́ wọrọ avị.

Ahẹ Isoromọnị 6:5

Jesi eyi awụ hụrẹ mị ẹngụ, ka waa si eyii za mịị rị. Ẹyịrẹsụ awụ ee henyi tụra awụ ịrẹma anka ọkọnị ẹvụ enee chí otutu Anigiriyadi avọọ.

Ijosuwa 17:15

Ijosuwa ô tu wa ohi ka, ẹnịnị ẹ̀ẹ vavọọ sị rụrụ, dị ẹkụra ana yà ịrẹsụ ataba Ehwireemi si weyi yị wa nị, ẹnịnị ẹ̀ nọ ini iruku, dị ẹ̀ na dà ẹtẹ yị ẹngụ ẹnịnị ịnị ẹtẹ Aniperizi ọnịrị Anirehwayimi nịnị

Ịrịka 32:1

Ẹtẹ Irubẹnị ọnịrị Igadi nịnị ẹ̀ nyị ịsụpa rụrụ hu nị. Ịjị ẹnịnị re ka ẹtẹ Ijaza ọnịrị Igiriyadi o zoza ọyị kụ́ ịsụpa rị nị,

Ijeremaya 30:7

Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Ijeremaya 46:27

Ẹnẹyịmavara kà, ẹwụ nịnị aza anị, Anisirẹrị, asị ụ hí angwa nịnị. Asị ayị hụrẹ wụ nịnị ịnẹ. Ọnị vaa dọ wụ nịnị ha hụrị aha ẹnẹẹnẹ, ịzị a za wụ nịnị ọrịhị ne hi avọọ. Ụ vanaa và a vẹ eehi awụ nịnị, dị waa mẹ ẹhẹ awụ nịnị ẹngwọọrọ-ẹngwọọrọ. Ọ kà, ọnị vee sere wu nịnị, dị ọza é yi me vene chire wu nịnị angwa.

Ijeremaya 50:6

Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Ezikẹẹrị 47:18

Ẹhwị ẹtẹ awụ nịnị eyi ọnị ọyịị̄ zịị vẹ vaa hụrị Ihazari-Enonii zị oze ịnị akakana ịzị aā hị́ Anigiriyadi ọnịrị ẹtẹ Isirẹrị; dị ọ na ngụ ịnị oku ana yà eyi ọnị ọyị zịị vẹ dị ọ huu naa ngụ ịzị aā hị́ Ịtama. Ẹhwị ẹtẹ awụ nịnị eyi ọnị ọyị zịị vẹ yị ọ.

Ịzakaraya 10:10

Ọnị vaa kụ wa varẹma hụrẹ Ijipiti ọnịrị Asiriya. Ọnị vaa kụ́ vee hi Anigiriyadi ọnịrị Ịrẹbanọnị dị aha ọ yị dọ wa.

Ịrịka 32:4

vị ẹtẹ ọnị Ẹnẹyịmavara nyị ehuna anị yị Anisirẹrị. Aha ẹnịị ee zoza yị ịsụpa, dị ẹnị nyị ịsụpa nị.

Ẹzịra 2:1

Ịnị ụmẹ ọnị Inebukadineza sị vị ohinọyị Ịbabịrọnị, ộ kụ ịrẹkụ na rị Ijerusarẹmị ọnịrị ẹkụra ene hi ẹtẹ Ijuda, dị ọ kụ aza huu ịzọọ ne hi ẹtẹ Ịbabịrọnị nị. Ezi aza ẹnẹẹ ẹ varẹma ve eehi ohiku ẹnịnị aanị nị.