Ijeremaya 50:16 - IWE ỌNỊNỊ

¹⁶ Asị ụ kụkụ zẹẹ ka è chire ịsa tụ ẹkụra ọnọọ nịnị, dị asị ụ kụkụ zẹẹ ka à kụ ịsa ọyịna gụ ịzọọ nịnị. Avaba azọga ene hi ịzọọ vee hí angwa ọkụrẹkụ enee pe wa kụ̀ ịrẹkụ, dị ẹnịnị varẹma aa nọ eehi ẹnịnị.

Ijeremaya 50:16 Referans Kwoze

Ayịsaya 13:14

Azọga ene hi Ịbabịrọnị vee zwee nọ eehi ẹnịnị. Ẹnịnị vị ana vaa sị mẹẹ anka atẹmẹ ẹnẹ ẹ̀ yị nyị ọza ana si eyi pè e nị.

Ijeremaya 51:9

Anẹkụra ọsa ene hi ịzọọ ka, ẹnị ệ sị vụrị ka ẹnị ẹ̀ gụ Ịbabịrọnị ụvọ, ama, ụmẹ ọ sị parahu. Ẹ ka à vẹ vị ẹnị para a hu dị ẹnị ẹẹ nọ eehi ẹnịnị; ka Ohomorihi ọ raa sị ụmẹzụ-ụmẹzụ sị ụya rị Anibabironi nịnị, ọ sị wa vú ẹtẹ saka-saka.

Ijeremaya 46:16

Isoja awụ nịnị ẹ́ kụ vangga, dị ẹ́ sẹ ẹdụ và hí ẹtẹ nị. Ẹyaa kà a yị ẹngụ ka, ọzọza ọ kwẹẹtẹ dị ẹnị ẹẹ ka anda ẹnịnịị na eehi; à vẹ dị ẹnị è zwe hụrị eyirẹkụ ọnị ọnịvị ẹnịnị kụ vẹ aanị o.

Ijowẹrị 1:11

Va ẹngụ hi ẹwụ nịnị ọgẹrẹva; Waa jị òrèrè ẹwụ nịnị eneē tenyi ụbazị ịvayịnị, agụvị ka ịhwịtị ọnịrị ibaari ne beri avaba ịsa ọyịna ana sị wara.

Emọsị 5:16

Ananyị yi Ẹnẹyịmavara ọ ka yị wa, ẹ vaa wụ́ owu ọnịrị ùnè ịnị avaba ụpatẹsị ọnịrị inorere ẹnịnị. Avaba ọgẹrẹva ẹnịnị ẹ sụ ùnè, dị ẹ dọ aza ene beri wa jị òrèrè

Ijeremaya 51:23

Ẹwụ nịnị, ọnị tụ na wụ̀ oseratẹmẹ nịnị ẹnịrị ịsụpa ẹnịnị, dị ụ wụ ọkụrẹkụ nịnị ẹnịrị aza ẹnẹ ẹyaa kụụ mẹ̀ ụkọrọ nị. Waa wụ̀ Ịgọvọnọ nịnị ẹnịrị ẹnị ọdọvịdị nịnị.

Ijeremaya 25:38

Ẹnẹyịmavara ọ raa para aza anị hu anka idu mẹẹ jịnẹ hụụ ịzị ọ yà avọọ. Ịrẹkụ ọnịrị ọyịkụ Ẹnẹyịmavara ọ sị ẹkụra ẹnịnị tụ osusu.