Ijeremaya 50:15 - IWE ỌNỊNỊ

¹⁵ We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.

Ijeremaya 50:15 Referans Kwoze

Ijeremaya 51:58

Ẹnẹyịmavara Ochẹtẹẹngụ ka, ọvọ Ịbabịrọnị bamị-bamị ọnọnị vị ana vaa kwọrọọ zẹtẹ, dị aa rị oze ana aā zịị ngụ ọ ana jẹ gogorogo aanị ịra. Ụkọrọ ọọhẹ kẹnẹ aza va mẹ nị, avaba ịsị ẹkụra-ẹkụra maanị rị ụya anị, aa rị ịra aanị nị.

Ẹtore 18:6

Ọ kà, À mẹ Ịbabịrọnị anka ọ́nị mẹ̀ rẹ mẹ aza gẹdẹ-gẹdẹ; è sí ọ ụta ịsị ọ mẹ tụra-tụra. Ako ọnị ọ sị ká ẹchịpa anịị wụ nịnị, à vavọọ sị ká ẹchịpaa yọ oze ẹẹva.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Arụwẹ 5:6

Yâ sị ẹngụ ayị mẹ ezi ahụ yị Anijipiti ọnịrị Anasiriya agụvị di ye re ịsa za ayị zụ kẹnẹ.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ijeremaya 51:14

Ẹnẹyịmavara Ochẹtẹẹngụ, ọ raa sị ẹngụ anị hị́ eku ka, ọnị vaa mẹ aza ẹ̀ kọmị, anka ọkọnị akụvarịva avọọ, dị ẹ̀ kụ́ ịrẹkụ ve tu Ịbabịrọnị. Ẹnịnị vaa nyị ẹbẹẹba anị, dị eyee nowu.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

2 Ịtọpa 30:8

Asị ẹ mẹ̀ ịrẹsụ ọkatẹngụ anka aza ẹnẹẹ ama ẹ ka ịrẹsụ hi yị Ẹnẹyịmavara. Ẹnịnị ẹ vẹ ịnị irehi Ohomorihi ana ya Ijerusarẹmị ọnị Ẹnẹyịmavara, Ohomorihi ẹnịnị nyị tụ́ irenyi yị ẹngụ anị pooro. Ẹnịnị àa hẹkẹ ẹ ịzọọ, ọ yị yaa du ayị hi wa.

1 Ịtọpa 29:24

Avaba ẹnị ọdọvịdị ẹnịrị isoja nịnị beri avaba ezi ọnọrụ Idevidi ana vọ ê wo oto ka ẹnị vaa saasa Isoromọnị anka ohinọyị.

Ẹtore 19:2

Ịzẹyịza ọ sịị̄ mẹ̀ ọkarẹyị anị nị, ọ mā nyị ireche. Ọ raà mẹ̀ ọkarẹyị yị ọsẹrẹka ọbanyị ọnọọ ana aa sị ịrẹkọyịsẹ anịị du ẹhẹ. O re reè si ọ atọ agụvị ezi ahụ anị ọnị ọ wụ̀.”

Ẹtore 16:6

Ệ wụ̀ aza awụ beri ọnịsẹ awụ nịnị, dị e che anya ẹnịnị sẹ́ ẹtẹ nị. Ẹwa rẹ raà sị anya yị wa ka èe hụ́ ọọ. Ịsị ẹ vọrọ tụra wa gẹdẹ-gẹdẹ ọ vị ọnọọ nị.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”

Aniroomi 3:5

Ọ̀ọ sị vị ka ẹ yị àa mẹ̀ ịsa odivi, ịjọnọọ aza nyẹngụ ree hu avọọ gedebee ka ịsa oni Ohomorihiī mẹ ộ vọrọ yọ? Ị mẹmẹ vee tụ́ ohi? Ọsọnị vị ọnị maa kà kẹnẹ anka ịsị ọzaā hụraa kà.

Iruuku 21:22

Ẹkụhị ana a vaa sị sị ụyaa rị ọza ọ vị nị, agụvị dị ịrẹyị ana a chẹrẹ tụ́ ini Iwe Ohomorihi ọ̀ zụ sẹ.

Imatiwu 7:2

Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.

Ịnahụmị 1:2

Ẹnẹyịmavara Ohomorihi vị anaā kụ́ ụhị; Ọnị ọọ̄ sị ụya rị aza ana aa va eyi ịrazị ka a nị. Ọyịkụ-ọyịkụ o vee si sí ọnịvị anị nịnị atọ nị.

Ezikẹẹrị 21:22

 nyị ọpa ana va eyi ka Ijerusarẹmị, dị ohinọyị Ịbabịrọnị ọnọnị sị ụvọrị ngwọ ọ nị. Ọpa ọnọọ ọ kà a yị ọ ka ọọ nọ Ijerusarẹmị dị ò ne tò ẹnya ịrẹkụ anị hi ẹtẹ nị, òo tu ịzọọ, ò nowu ịrẹkụ, dị ò tò ẹnya ịrẹkụ anị va eyi ka ozovwoovu ọbanyị ana a zịị̄ ngụ ịnị ẹkụra. Ọ̀ kụ ezi gụ, dị ọ̀ nẹba ẹtẹẹtẹrẹ, dị ọ̀ tụra ịsa na hịrẹ ọvọ Ijerusarẹmị.

Ezikẹẹrị 17:18

Ọ kà agụvị ka ộ jịnẹ eku ọnị ọ hị́ ọnịrị ịrẹyị ọnị ọ dọ beri, ẹ́ yị vaa ha o.

Ijeremaya 51:64

Dị ọ̀ kà aka, aanị ọ́ mẹ vaa yàa yị Ịbabịrọnị nị. O vee chì dị ẹ yị ma vana kwẹẹtẹ hịrẹ vẹ, agụvị ka Ẹnẹyịmavara ee vee vu ọ ẹtẹ. Ẹhwị ịrẹyị ọnị Ijeremaya ka yị o.

Ijeremaya 51:36

Agụvị avọọ, Ẹnẹyịmavara ộ kà a yị Anijerusarẹmị nịnị ka, ọnị vaa dọ ịrazị awụ nịnịị zị, dị ọnị họ̀ oponu ịrẹyị awụ nịnị. Ọnị vaa mẹ ka avaba oswe ene hi Ịbabịrọnị ọnịrị irehu ẹnịnị ẹ̀ wụ.

Ijeremaya 51:25

Ọ kà, ẹwụ nịnị Anibabironi, vị ụ sị mẹẹ nịnị anka ataba enee du avaba ẹhẹẹ ha avọọ nị. Ama ọnị, Ẹnẹyịmavara ọ́ sị eyi ịrazị và ka wụ. Ọ kà, ọnị vaa za wụ, dị ọnị và wụ nịnị nẹtẹ saka-saka na za eteesu, dị ọnị navọ wụ nịnị tụ ịnị edudu.

Ijeremaya 50:14

Ọ kà, ẹwụ nịnị ana kụ́ ọkịta ọ tenyi ẹngụ ịrẹkụ, di wa tara kara Ịbabịrọnị nịnị. We ne avaba ọpa awụ nịnịị hi Ịbabịrọnị nịnị, agụvị ka ẹnịnị ẹ sị ebira odivi mẹ hi ọnị Ẹnẹyịmavara.

Ayịsaya 63:4

Ẹnẹyịmavara kà ụmẹ ọnị a sị dị aza anị ha o si tu. Ụmẹ o si tu ka ọnị ọ sị ụya rị ọnịvị aza anị nịnị.

Ayịsaya 61:2

Ẹnẹyịmavara ọ raà tụ́ mị ka ma kà a aza ana barịwẹ Ka ụmẹ ọnị Ẹnẹyịmavara vaa dọ aza anị ha, o sí tụ́ dị ọ nyị ehuna ịrẹsụ ọnịvị ẹnịnị ọ raà tụ́ mi ka ma sị́ ayị aza anaa zị ẹngụ nẹtẹ.

Ayịsaya 59:17

Ẹnẹyịmavara vaa sị ịzẹyịza jị awuru chire anka awuru ịrẹkụ, dị ọ sị ụkata ẹdọha ku ịrẹsụ anka amu ịrẹkụ enyusẹ-enyusẹ avọọ. Ọ vaa sị oyisì ọkatẹngụ mẹ awuru chire, dị ọ sị ụya rị anayịchama nịnị, di o họ̀ oponu aza ana mẹ akụvị hi.

Ahẹ Ụgama 149:7

Dị wa sị sị ụya rị anẹkụra nịnị.

Ahẹ Ụgama 94:1

Ẹnẹyịmavara, ẹwa vị Ohomorihi ene eē sí atọ ịrẹyị nọ, navọ aza ẹ̀ yẹ ka ayịị̄ kụ́ wụ.

1 Ịsamụwẹrị 15:33

Dị Ịsamụwẹrị kà a yị Agagị dị ọ ka, “Wa raà wụ̀ aza, wa sị ọnyị ẹnịnị vara ọbọrị. Avọọ ọnyị ẹwụ ọnị mẹ rẹ kụkụ vaa vara ọbọrị ịnị anyẹnẹẹ nị.” Dị Ịsamụwẹrị wụ Agagị ọvịdị Ẹnẹyịmavara Igirigari nị.

Ijosuwa 6:20

Ịjị ẹnịnị wụ ọpanyị ịrẹyị kẹnẹ, dị ọzọza ọ sị ọngwẹ tụ ẹbẹẹba na owu obooro-obooro ọnọọ dị ọvọ Ijeriko wu va hi ẹtẹ. Dị ẹnịnị ẹ ngụ ẹkụra tu wa dị ẹ rị wa nị.

Ijosuwa 6:5

Ịjị ẹnịnị ẹ̀ẹ wụ ka ohirẹsụ irehi Ohomorihi nịnị e hu ọpanyị dị ẹ tụra a ẹtẹ nị, dị avaba aza ẹ na owu, dị ẹtẹ ọ sụ hyụụ ịjọnọọ ọvọ Ijeriko ve wu va hi ẹtẹ, dị avaba aza kụkụ a ngụ eehi tu wa.

Iwe Ọhụhị Imosiisi ana aa hị́ Ọyịvatụrọda 32:43

Ẹwụ nịnị anẹhẹ wee beri Anisirẹrị aza anị jẹ ịrajẹ agụvị ka ọnị vaa sị ụya rị anaa wụ̀ wa. Ọnị e si ọnịvị atọ, dị ọnị jị eyi ve hụụnị ịvị aza anị.

Iwe Ọhụhị Imosiisi ana aa hị́ Ọyịvatụrọda 32:41

ọnị e ne ụhwọ anị dị ọ za nyoonyo anka ịnyaanya avọọ, dị ọnị ọ mẹ̀ ọkarẹyị. Ọnị aa họ̀ oponu ịrẹsụ ọnịvị anị, dị ọnị sị ụya rị aza ana nyị ịhyẹrẹ anị.

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.

Ijeremaya 50:25

Ọ kà ọnị ọ raa na oze ịzị ọnị kụ ẹnya ịrẹkụ anị hi. Ayị maa kụ ọnị, ọnị ọ raa kụ ẹnya ịrẹkụ anị hi ẹhẹ, agụvị ka ọnị Ẹnẹyịmavara Ochẹtẹẹngụ Ochẹtẹngụ, ọnị ọọ nyị ụkọrọ ọnị ọnị ee sì ka ọnị ọ̀ mẹ ẹtẹ Ịbabịrọnị.

Ijeremaya 50:44

Ẹnẹyịmavara kà ọnị vaa vẹ anka idu ana jịnẹ hụụnị iruku Ijodani aa vẹ ịzị ịsụpa yaa rị avị ohwoohu avọọ, dị ọnị vaa dụ Anibabironi nịnị hụrị ẹkụra ẹnịnị obonobono. Ịjọnọọ, ọza ọnị ọnị ọọ nyị vaa rị ohinọyị tụ ẹkụra ọnọọ. Ọ kà, ene e zụ sị juwe anị da? Ẹnẹ ka ọnị ọ zụ hị́ ọnị ịrẹkụ kẹ? Yere ohinọyị ana zụ gẹ ọnị ịrẹvụ kẹ?

Ijeremaya 51:24

Ẹnẹyịmavara kà, ọnị vee sí Ịbabịrọnị ọnịrị aza ene hi ịzọọ atọ avaba ịsị odivi ẹnẹ ẹ́ mẹ hi Anijerusarẹmị nịnị, dị u re e.

Ijeremaya 51:30

Isoja Anibabironi ẹ yị kụkụ kụ ịrẹkụ. E ne sì hi ịnị irehi ọnị isoja nịnị yaa sere ẹtẹ. Ẹnịnị ẹ yị kụkụ nyị ọtụtụrụma, vị ẹ kụkụ sị mẹẹ anka anyẹnẹẹ avọọ nị. A sị oze ọbanyị ana aā zị vaa ngụ ịnị ẹkụra gara ha, irehi ẹnịnị aa rị ịra.

Ayịsaya 59:18

Ọnị vaa sị ụya rị ọnịvị anị ana gụrị ẹtẹ ọnịrị ẹnị ene hi aha onoze anka ịsị ẹ mẹ̀ hi aza anị.