Ijeremaya 50:11 - IWE ỌNỊNỊ

¹¹ Ọ kà, ẹwụ nịnị Anibabironi, waa na kụ aza anị ẹnya nịnị. Waa jẹ dị wee hine ayị nịnị nị. Waa ngwọọ zịịzị nịnị anka ụnọ ana aa sịị chị́ apaapa avọọ, dị wee nowu nịnị anka umaata avọọ nị,

Ijeremaya 50:11 Referans Kwoze

Ayịsaya 47:6

Ayị ộ kụ́ mị tu aza amị; mâ mẹ̀ ebira hi wa anka vị ẹ̀ yị vị aza amị ẹ kụkụ vị nị. Mâ sị wa chire wụ ụvọ, dị wẹ̀ yị vayị ẹnịnị vụrụ-vụrụ nị. Azọkụ ẹnịnị vị ọnị ụ hyakụ tụ́ ọkẹẹkẹrẹ ana rata.

Ịzakaraya 14:12

Aanị Ẹnẹyịmavara mẹ ka ọnị vaa kụ ụkụ tù avaba anẹkụra ana gẹ ịrẹkụ tu Ijerusarẹmị nị. Ẹnịnị e yi yee su dị ụpẹngụ ẹnịnị ẹẹ vụ, dị eyi ẹnịnị vụ hi wa eyirẹsụ, dị ịrarẹ ẹnịnị vụ hị́ wa irenu.

Ọbadaya 1:12

Ẹ́ yị vọrọ ka Anedomi nịnị ẹẹ jẹ ka ịrẹyị odivi o tu wa, a vị dị ayị ẹnịnị oo hine ka Anijuda ee vú ẹtẹ. Ẹ́ yị vọrọ ka ẹnịnị ee wu hi wa ịnị ụmẹ ọnị o si divi yị wa.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Ihoseya 10:11

Anehwireemi nịnị vịdị aa mẹ̀ ebira anka ozi ụnọ anaa pà ene si aā sị ọnị tụ́ ịsa ọyịna avọọ. Ẹnẹyịmavara kà a ọnị vaa da ẹnya tụ́ ịnị ọkẹkẹrẹ anị, dị ọọ mẹ̀ ụkọrọ ana katẹngụ hu avọọ. Ẹnịrị Anijuda nịnị ee du avị dị ẹ rẹ jị ịrụkụ anị.

Arụwẹ 1:21

Wụ́ ị maa jị òrèrè, ama ẹ yị nyị ọza ana vọrọ ka ọ sị ayị amị nẹtẹ. Avaba ọnịvị ayị ẹ raà wụ́ ẹngụkata ọnị Ẹnẹyịmavaraene kụ tu yị dị ẹ yaa jẹ ka ọ yara mẹ nị. Ẹnẹyịmavara sị ẹkụhị ọnị ụ wo oto vẹ, dị ọnịvị ayị nịnị ẹnị ẹ rẹ maanị rị ụya ọnọnị.

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ijeremaya 50:17

Ẹnẹyịmavara kà Anisirẹrị nịnị vị ana sị mẹẹ anka atẹmẹ ọnị idu nịnị dụ, dị ẹ gara hi ozi avọọ. Ịpaapa, ohinọyị Asiriya ọ vịdị kwẹẹtẹ tu wa nị, dị Inebukadineza, ohinọyị Ịbabịrọnị ọnị kụkụ va sị anyị ngụ wa na za ẹchụkụ nị.

Ijeremaya 46:21

Isoja ẹnẹ ẹ na hị́ ka ẹ̀ vaa gụ ẹnị ụvọ vị ana tụ ọkụmị jẹẹ anka ozi ụnọ avọọ. Ẹnịnị ẹ́ yị va zụ jẹẹ kụ ịrẹkụ. Ẹnịnị vị ene zwe varẹma. Ẹkụhị ụyọrị ene e ve sii vu Ijipiti ẹtẹ o tù aanị nị ọ.

Ijeremaya 5:28

Ẹnịnị ẹ ta banyị dị ẹ ta swa nị. Ebira odivi ẹnịnị ẹ ma nyị ẹhwị. Ẹnịnị ẹ ma mẹ̀ ọkarẹyị ịzẹyịza yị ezi-oku nịnị ka ụ vị ò zee yị wa. Ẹnịnị ẹ ma mẹ ịzẹyịza hi aza anaa rị ụya.

Ijeremaya 5:8

Ẹnịnị vị ana sị mẹẹ anka umaata araka ana a sị pa ẹtẹẹrẹ avọọ; ẹngụ ẹnịnị ẹ ma dọ. Ọzọza vị enee sì ose ọnọhụva kaara-kaara.

Ụhịrẹyị 17:5

Ọza anaā sịị onosiye mẹ enyinyi vị anaa kụ̀ Ohomorihi ana tụ ọ ụhụ. Ọza enee hine ayị agụvị ịrẹyị ọhịmị ene tu ọza vị ana vaa rị ụya anị.

Ahẹ Ụgama 22:12

Ọnịvị amị ana kara mị ệ nyị ụkata anka ẹya Ẹnịnị vị ana gụ ẹtẹ kara mị Mị ka ọnịvị amị ẹnẹẹ ệ nyị ụkata anka ẹya ene hi ịnị ụnọmị Ịbasanị.

Iwe Ọhụhị Imosiisi ana aa hị́ Ọyịvatụrọda 32:15

Ẹwụ nịnị Anisirẹrị, ẹhẹ ộ sị mẹ yị wụ nịnị, dị ụ kụkụ aa mẹ̀ akamawụ hị́ Ẹnẹyịmavara, dị ụ hi ayị ọza ana tụ̀ vẹ ẹhẹ, di u yi Ẹnẹdọha ọbanyị.

Ayịsaya 47:8

Sị ụtọ pe ẹtẹ, ẹwụ ana maanị sì ịrẹyị ẹngwọmẹ aanị. Ẹwụ ana yaatụ ka ẹ yị nyị ịsị ẹ zụ mẹ wụ aanị. Wâ kà a ka, “Ẹmịị yọ; ẹ yị ọza ẹnẹsa ịrẹma amị. Mẹ yị vaa vị osoku, ezi emi e yi vee sú”.

Ijeremaya 12:14

Ẹnẹyịmavara kà, aa nyị ịsị ọnị aa kà ịnị ịpa aza ana ra vahụra Anisirẹrị nịnị. Ẹnịnị ẹ sị ẹtẹ ọnị ọnị sị yị aza anị, Anisirẹrị nịnị du ha. Ọ kà, ọnị vaa kụ aza edivi ẹnẹẹ hụụnị ẹkụra ẹnịnị anka á mee hu ọchị hụrị ẹtẹ avọọ, dị ọnị dọ Anijuda nịnị hụrẹ wa ụvọ.

Ijeremaya 46:20

Ẹtẹ Ijipiti vị ana sị mẹ ụnọ ene zoza ẹtẹẹtẹrẹ avọọ. Ama dị ịsị enee che ọza kụ ịrẹkụ hụrị Ịbabịrọnị ve tu ọ nị.

Ezikẹẹrị 35:15

Avaba anẹhẹ vaa jẹ anka ẹwụ nịnị mẹ raa jẹ ẹngụkata odivi me tù aza anị, Anisirẹrị nịnị. Ataba-ataba ene hi ẹtẹ Ịsẹyị ọnịrị avaba ẹtẹ Edomi vaa tu osusu. Ịjọnọọ avaba aza vaa yẹ́ ka ọnị ọ vị Ẹnẹyịmavara nị.

Ezikẹẹrị 36:5

Ẹnẹyịmavara Anahwọ ọ raà sị ọyịkụ-ọyịkụ kà ịrẹyị yị anẹkụra-ẹkụra ana kara Isirẹrị. Anedomi nịnị ayị hyakụ aa kụ ọnịị tùu hu nị. Ẹnịnị ẹ raà sị ẹtẹ anị mẹ ẹẹnịnị, dị ẹ sị ịzị aa kụ ịsụpa naa rị ka ẹnị ẹkụkụ nyị nị. Ẹnịnị vị anaa jẹ dị ẹ́ sị eyi wụ ọnị.

Ihabaku 1:15

Agụvị avọọ, ọnịvị vaa sị arị ọnịrị ọhaa kụ́ wa hụụnị enyi. Ịjị ẹ raa kú wa gụ́, dị ayị ẹnịnị ee hine ka ẹnị ẹ raa nyị ẹkẹhị ọnị ẹnị vaa sị rị ịsa ene zẹ ẹnị eyi.