Ijeremaya 5:4 - IWE ỌNỊNỊ

⁴ Ijeremaya ka, dị ọnị ro nị ka, aza ẹnẹnị ẹẹ daa ụya rị, ọnụra ẹ vị nị. Ẹnịnị ẹ yị yẹ ịsị Ohomorihi ẹnịnị ee sì, ọnị Ẹnẹyịmavara ee sị ka ẹnịị ọ̀ mẹ.

Ijeremaya 5:4 Referans Kwoze

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Ijeremaya 8:7

Inomi ana aā hị́ anẹ nịnị ẹẹ yẹ ụmẹ ẹnị ẹ sịị vaavẹ eehi, Arivadi nịnị, aara nịnị ọnịrị atuporogo nịnị ẹẹ yẹ ụmẹ ẹnị sịị kụ̀ra. Ama, ẹwụ nịnị aza anị, ẹ yị yẹ ọda Ohomorihi awụ nịnị.

Imatiwu 11:5

Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkụ ọbanyị nịnị ụkụ. Ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu. Dị a raa kà enube ọyịza yị onosiye nịnị nị.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ijeremaya 7:8

Ẹnẹyịmavara kà, wee re, wa raa dọ ịrẹyị evene wụ nịnị tụ ịnị osusu.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ayịsaya 29:12

Wàa va sị na yị ọza ẹnẹ ẹ̀ yẹ iwe dị ụ ka aarịhịnị ò pè wa kà a nị, dị ọnị ka ọnị ọ yị hyakụ yara kà iwe.